ភ្នំពេញ៖លោកព្រាប សុវត្ថិ បានធ្វើខួបកំណើតឲ្យកូនប្រុសទី៣ របស់លោកឈ្មោះសុវត្ថិ សិរីវុឌ្ឍ ដែលមានឋានន្ដរស័ក្កជាពលទោ និងជាជំនួយការចម្រៀងសម័យយោធាភារម្យនៃការរិយាល័យទី៥នៃកងទ័ព្ទជើងគោក កាលពីថ្ងៃទី៦ កក្កដា ហើយលោកបានហៅសិរីវុឌ្ឍ ថាជាកូនពៅ ដូចសព្វដងដែរ ដែលនេះបញ្ជាក់ថាឧកញ៉ាវ័យ៤៨ឆ្នាំ រូបនេះ គ្មានផែនការណ៍តាមយកកូនស្រី ដែលFan របស់លោកជម្រុញឡើយ បើទោះជាវ័យលោកនិងភរិយានៅតែរក្សារបានក្មេងជាងអាយុ ពោលគឺអាចមានកូនបានទៀតក្ដី។ប្រភពបានឲ្យដឹងថាលោកជំទាវឡុង ស្រីមុំ តែងតែបង្ហាញអារម្មណ៍ចង់បានកូនស្រី ព្រោះកូនទាំង៣របស់លោកស្រីសុទ្ធតែជាកូនប្រុសទាំងអស់ ហេតុនេះហើយបានបានជានៅពេលលោកស្រីនិងស្វាមីLive វីដេអូ ពេលខ្លះលោកស្រីញោះសួរលេងបន្លំមែនទៅប្ដីថាចង់បានអាអូនទៀតអត់ តែលោកសុវត្ថិ មិនឆ្លើយអ្វីទាំងអស់គឺបានត្រឹមសើចញឹមៗប៉ុណ្ណោះ។ដោយឡែកតារាដែលជិតស្និតលោកឧកញ៉ាសុវត្ថិ បានបង្ហើបថាបើសិនជាអតីតតារាហង្សមាសរូបនេះគ្មានគម្រោងយកកូនថែមនោះមានន័យថាលោកនឹងជម្រុញឲ្យកូនកំលោះយកប្រពន្ធឲ្យបានឆាប់ៗជាមិនខាន ព្រោះចង់បានចៅព ពិសេសគឺកូនក្មេងស្រីៗ ខណៈដែលតារាសម្ដែងស្រីៗជាច្រើនដួងមកហើយពេលដែលជួបលោកសុវត្ថិ តែងតែហៅថាជាឪក្មេក និងខ្លះជួបអ្នកស្រីមុំ ហៅថាជាម៉ែក្មេកៗ ដែលសកម្មភាពបែបនេះមានន័យថានារីៗមិនតិចនាក់ទេ ទាំងក្នុងនិងក្រៅសិល្បៈចង់ក្លាយទៅជាកូនប្រសារលោកឧកញ៉ាសុវត្ថិ ព្រោះសម្អាងថាកូនៗកំលោះរបស់លោកសុទ្ធតែសង្ហារទាំង៣នាក់តែម្ដង។
ព្រាប សុវត្ថិ បានរៀបការជាមួយអ្នកស្រីឡុង ស្រីមុំ កាលពីឆ្នាំ១៩៩៧ អំឡុងពេលដែលលោកល្បីល្បាញបទដំបូងនៅហង្សមាស”អូនជាបេះដូងបង”។ចំណងស្នេហារយៈពេល២៦ឆ្នាំមកនេះលោកសុវត្ថិ និងភរិយាមិនធ្លាប់លេចឭថាមានភាពរង្គោះរង្គើរម្ដងណាឡើយ ហើយប្រពន្ធឧកញ៉ារូបនេះបានដើរតួនាទីយ៉ាងសំខាន់ក្នុងការលើកមុខមាត់ស្វាមីទាំងនៅក្នុងនិងក្រៅរង្វង់សិល្បៈ ពិសេសគឺអ្នកស្រីក៍ប្រៀបដូចជាទីប្រឹក្សារ និងជំនួយការប្ដីផងដែរ ព្រោះសម្លៀកបំពាក់ប្ដី និងការតុបតែងខ្លួនផាត់មុខ ធ្វើសក់ជាដើម គឺលោកស្រីជាអ្នកចាត់ចែងឲ្យប្ដីគ្រប់ពេល។ប្រភពបានឲ្យដឹងថាទោះជាលោកសុវត្ថិ មានវ័យជ្រេបន្ដិចមែន តែលោកនៅតែមានស្រីក្មេងៗជាច្រើនតាមស្នេហ៍ ប៉ុន្ដែភរិយាលោកមិនដែលបង្ហាញអារម្មណ៍បារម្ភ ឬភ័យខ្លាចស្រីផ្សេងឆក់ប្ដីទៅបាត់នោះទេ បើទោះជារៀងរាល់ពេលដែលតារាចម្រៀងរូបនេះចេញទៅណាមកណាលោកស្រីតែងតែងតាមប្ដីជានិច្ចដែលអ្នកខ្លះមើលទៅដូចជាលោកសុវត្ថិ ត្រូវប្រពន្ធតាមហួងហែងគ្រប់ពេលវេលាក្ដី ។
ក្រៅពីព្រាប សុវត្ថិ តារាដែលមានប្រពន្ធជាជំនួយការរបស់ខ្លួនមានដូចជាលោកខែម ប៊ុនថៃ,ឆាយ វីរៈយុទ្ធ និងខេម ជាដើម ទើបមិនមានដំណឹងថាតារាខាងលើនេះមានស្រីស្អាតរូបណាចង់ជ្រែកស្នេហ៍នោះទេ។ប៉ុន្ដែអ្នកខ្លះមិនជឿរជាក់នោះទេ ថាតារាល្បីដូចព្រាប សុវត្ថិ ប្រពន្ធអាចតាមការពារបាន២៤ ម៉ោង នោះព្រោះថាអតីតតារាចម្រៀងល្បីៗជាច្រើនមកហើយដែលកន្លងមកតែងតែលេចឭថាមានប្រពន្ធលើសពី១។
ព្រាប សុវត្ថិ បានឈជើងគម្រប់ខួប៣ឆ្នាំនៅGalaxy នៅខែសីហា ខាងមុខនេះ ហើយលោកនៅកុងត្រាតំណាក់កាលដំបូងជាមួយផលិតកម្មនេះរយៈពេល២ឆ្នាំទៀតពោលគឺដល់ឆ្នាំ២០២៥ ។មជ្ឈដ្ឋានមហាជនមើលឃើញគ្រប់គ្នាថាព្រាប សុវត្ថិ តាំងពីទៅGalaxy មកលោកមិនសូវមានបទចម្រៀងល្បីល្បាញដូចមុននោះទេ ប៉ុន្ដែអ្វីដែលលោកអាចធ្វើបាននោះគឺកាត់បន្ថយការច្រៀងបទចម្លងពីចិន និងថៃ ។រឿងដែលគូរឲ្យកត់សម្គាល់នៅឆ្នាំទី៣ នេះទោះជាព្រាប សុវត្ថិ មានបទចម្រៀងខ្លះល្បីជាងឆ្នាំទី១ និងទី២ នៅទ្រនុំថ្មីនេះមែន ប៉ុន្ដែលោកនៅតែមានដៃគូចម្រៀងតែម្នាក់ដដែលនោះគឺនាងតន់ ច័ន្ទសីម៉ា ដែលធ្វើឲ្យអ្នកតាមដានចម្រៀងរបស់លោកមួយចំនួនមិនសូវពេញចិត្ត ព្រោះពួកគេចង់ឃើញលោកឧកញ៉ាស្នាយ មានដៃគូប្រៀបដូចផ្កាចម្រុះព័ណដូចកាលលោកនៅហង្សមាស។ប៉ុន្ដែព្រាប សុវត្ថិ ហាក់មិនផ្ដោតលើអាជីពចម្រៀងទាំងស្រុងដូចមុននោះទេ ក្រោយលោកឡើងឧកញ៉ាជាង១ឆ្នាំនេះ ដោយជាញឹកញាប់គេឃើញលោកងាកទៅរកស៊ីផ្នែកអចលនទ្រព្យនិងមមាញឹកក្នុងការងាររាជការមានក្របខណ្ឌនៅក្រសួងការពារជាតិដែលបច្ចុប្បន្នលោកមានឋានន្ដរស័ក្កជាជាវីរៈសេនីឯក និងតួនាទីជានាយរងការិយាល័យទី៥នៃកងទ័ព្ទជើងគោក។តាមព័តមានថាព្រាប សុវត្ថិ នៅស្ទាក់ស្ទើចិត្តចំពោះការចុះ កុងត្រាថ្មីនៅGalaxy បើទោះជាលោកនិងថៅកែរាប់អានគ្នាខ្លាំងនិងពេលខ្លះលោកថែមទាំងការពារមេ ពេលកំពុងតែមានបញ្ហាវិវាទជាមួយអថិថិជនក្ដី។តែរឿងដែលទស្សនិកជនរងចាំមើលថាព្រាប សុវត្ថិ និងខេមរៈ សិរីមន្ដ មួយណាលេចធ្លោជាងពេលបុកគ្នាជាលើកទី២ នេះ?ឬមួយថៅកែឲ្យល្បីស្មើគ្នា ហើយភ្នំ១ មានខ្លា២ អាចរស់នៅសុខសាន្ដជាមួយគ្នាបាន?
