ភ្នំពេញ៖គេកត់សម្គាល់ថាតន់ ច័ន្ទសីម៉ា ដែលជាតួឯករបស់Galaxy រយៈពេលចុងក្រោយនេះបទចម្រៀងរបស់នាងមិនសូវខ្លាំងឬមានViews ខ្ពស់ដូចមុនទេ ដែលធ្វើឲ្យមានភាពស្រពិចស្រពិលចំពោះតំណែងរបស់នាងថាតើអាចរក្សារភាពខ្លាំងក្នុងចំណោមអ្នកចម្រៀងយុវវ័យតទៅទៀតឬអត់?ការមិនទាន់ច្បាស់លាស់នេះព្រោះមានការលើកឡើងថាបើស្រីស្រស់ច័ន្ទសីម៉ា នៅតែបន្ដចេញការពារថៅកែដែលប្រឆាំងFan មួយចំនួនទៀតនោះកៅអីតារាស្រីជូរមុខផ្នែកយុវវ័យរបស់នាងហាក់នៅមាត់ជ្រោះ ព្រោះមហាជនអាចជាអ្នកកំណត់ពីជោគវាសនាតារាបាន បើទោះជាសីម៉ា មានឧកញ៉ាដល់ទៅ៤រូបចាំជួយជ្រោមជ្រែងនាងនៅក្រោយខ្នងគឺព្រាប សុវត្ថិ ,ខេមរៈសិរីមន្ដ ,យឹម តាស្រង់ និងឡេង ណាវ៉ាត្រា ក្ដី។ ប៉ុន្ដែអ្នកដឹកនាំការប្រគុំតន្រ្ដី៣នាក់នៅទូរទស្សន៍៣ផ្សេងៗគ្នាដែលអ្នកយកព័តមានយើងបានសាកសួរកាលពីពេលថ្មីៗនេះបានបង្ហើបដោយសុំមិនឲ្យដាក់ឈ្មោះថាទោះជានាងសីម៉ា មិនសូវផ្ទុះដូចមុនមែន តែតម្លៃខ្លួននាងមិនទាន់ចុះនោះទេ បើប្រៀបធៀបតារាល្បីៗផ្នែកយុវវ័យផ្សេងៗទៀត។អ្នកជំនាញសិល្បៈទាំងនោះថាសីម៉ា នឹងមិនធ្លាក់ចុះនោះទេ ឲ្យតែGalaxy មិនទិញតារាស្រីជើងខ្លាំងណាចូលមកប្រជែងនាងគឺនាងនៅតែជាតួឯក ព្រោះនៅឆ្នាំ២០២៣ នេះគ្មានតារាស្រីរូបណាដែលមានដៃគូល្អបំផុតដូចនាងឡើយ។
កាលពីឆ្នាំ២០២០ អតីតអ្នកចាត់ការទូទៅGalaxy បានឲ្យដឹងថាតន់ ច័ន្ទសីម៉ា ច្រៀងConcerts ធំម្ដងស៊ីថ្លៃ៥ពាន់ដុល្លារ ខណៈការច្រៀងតាមប៉ុស្ដិ៍ទូរទស្សន៍វិញតម្លៃចាប់ពី១ទៅ២ដុល្លារតាមជាក់ស្ដែង ដែលការកំណត់បែបនេះធ្វើឲ្យអ្នកដឹកនាំប្រគុំតន្រ្ដីតាមស្ថាននីយ៍ទូរទស្សន៍ខ្លះថ្ងូរដូចព្រាប និងថាគ្មានលទ្ធភាពហៅនាងច្រៀង ព្រោះបើជួលនាងម្នាក់ស្មើតារាល្បីល្មមៗ៥នាក់ តែពេលនោះអ្នកតំណាងGalaxy ថាតម្លៃនេះមិនអាចចុះបានទេ ហើយបើគេសាញថាថ្លៃពេកក៍មិនអីដែរ ដោយសារតែផលិតកម្មនេះមានលទ្ធភាពអាចចិញ្ចឹមតារារបស់ខ្លួនឲ្យរស់ស្រួលបាន។
អ្នកតាមដានបទចម្រៀងផ្នែកយុវវ័យបានលើកឡើងថាការបន្ថែមជំនួយពីឥទ្ធិពលរបស់ខេមរៈ សិរីមន្ដ ម្នាក់ទៀតជាដៃគូរបស់នាងសីម៉ា បន្ថែមពីលើព្រាប សុវត្ថិ និងខេម គូរណាស់តែស្រីស្រស់រូបនេះបង្កើនល្បឿនបោះពួយទៅមុខថែមទៀត ប៉ុន្ដែនាងបែជាហាក់ចុះខ្សោយជាងមុនបន្ដិចទៅវិញ។តែយ៉ាងណាអតីតអ្នកស្មូតលេខ១នៅខេត្តតាកែវរូបនេះធ្លាប់ចេញសារថាអ្វីៗមិនទៀងទាត់ទេ ពោលគឺ១០ឆ្នាំក្រោយរឿងខ្លះប្រែប្រួលច្រើន ដែលមានន័យថានាងបានត្រៀមចិត្តកាយរួចជាស្រេចទៅហើយថាអាជីពសិល្បៈគ្មានអ្វីថិតថេនោះឡើយ ប្រៀបបាន”រលកក្រោយ ច្រានរលកមុន”។តែFan ដែលនៅគាំទ្រសីម៉ា បានលើកឡើងថាតារាវ័យ២៥ឆ្នាំរូបនេះនៅតែអាចខ្លាំងដូចមុនបើធ្វើបទត្រូវនាងនឹងផ្ទុះម្ដងទៀតជាមិនខាន។
តន់ ច័ន្ទសីម៉ា ត្រូវបានគេចាត់ទុកថានាងជាតារាមានឥទ្ធិពលនាម្នាក់យុគសម័យថ្មីនេះ ព្រោះប្រើពេលវេលាត្រឹមរយៈពេលខ្លីតែអាចតែឈានឡើងដល់ចំណុចកំពូលបាន ដោយវ៉ាតារាគីឡូប្រហាក់ប្រហែលគ្នាសឹងរាបដល់ដី ព្រមទាំងធ្វើឲ្យរៀមច្បងមួយចំនួនរង្គោះរង្គើរកៅអីដោយសារតែស្នាដៃនាងទៀតផង។រយៈពេលជិត៣ឆ្នាំដែលនាងសីម៉ា ស្ទុះឡើងដូចកាំជ្រួចនេះដែរនាងបានវិវត្តន៍ខ្លួនពីការរស់នៅផ្ទះជួល ជិះម៉ូតូ ទៅជាមានផ្ទះផ្ទាល់ខ្លួននិងជិះរថយន្ដទំនើបដូចតារាល្បីៗផ្សេងទៀតដែរ។អ្វីដែលគូរឲ្យកត់សម្គាល់នោះអតីតបេក្ខភាពទThe Voice Cambodia រដូវកាលទី២ រូបនេះបានប្រែពីសំបុរខ្មៅស្រអែមទៅជាសាច់សខ្ចីគូរឲ្យក្នក់ក្នាញ់ ខណៈដែលនាងជាតារាម្នាក់ក្លាហានហ៊ានសារភាពថាបានកែសម្រស់នូវផ្នែកមួយចំនួនដូចជាធ្វើច្រមុះ,ចាក់ចង្ការ និងពត់ធ្មេញជាដើម ទើបភាពប្រែប្រួលនៃរូបឆោមរបស់នាងផ្ទុយគ្នាស្រឡះបើប្រៀបធៀបពីមុននិងបច្ចុប្បន្នរហូតមានអ្នកខ្លះថាសម្រស់នាងកើនទៅតាមទឹកលុយ។
រឿងដែលហួសចិត្តនោះនាងសីម៉ា ស្អាតនិងល្បីប៉ុណ្ណឹងដែរបែជាថ្មីៗនេះនាងបានបញ្ជាក់សារជាថ្មីថាបេះដូងនាងនៅទំនេរ អត់មានម្ចាស់ចិត្តដែលការវាចាបែបនេះមិនសូវមានគេជឿរជាក់លើនាងច្រើនឡើយ ដោយខ្លះថានាងមិនចង់ឲ្យគេស្គាល់មុខសង្សារព្រោះខ្លាចប៉ៈពាល់ដល់អាជីពចម្រៀងតែម្ដង ខណៈដែលរឿងរ៉ាវឧកញ៉ាពោះម៉ាយម្នាក់ដែលលេចឭថាតាមស្នេហានាងនាពេលកន្លងមកនោះត្រូវបានបិតបញ្ចប់ទាំងស្រុង ព្រោះតែបុរសនោះមានដំណឹងថានឹងរៀបការប្រពន្ធថ្មីជាអ្នកមេម៉ាយទ្រព្យស្ដុកនៅខែ៨។គេថានាងសីម៉ា មានជម្រើសស្នេហ៍ច្រើនតែរាល់លើកនាងបែជានិយាយបែបកម្សត់រឿងរកតែក្ដឹបសង្សារ១ ធ្វើថ្នាំមិនបាននោះគ្រាន់តែជាស្ទីលDrama របស់នាងប៉ុណ្ណោះ៕
