អ្នកកាសែត AFP ម្នាក់បានឃើញការញញឹមរបស់ខ្សែប្រយុទ្ធ Kylian Mbappe ថតរូប Selfie ឱ្យអ្នកគាំទ្រក្លឹបParis SG វ័យក្មេងកាលពីថ្ងៃសៅរ៍បន្ទាប់ពីការហ្វឹកហាត់ទោះបីជាត្រូវបាន ដកចេញពីដំណើរប្រកួតទេសចរណ៍មុនរដូវ កាលរបស់ក្លឹបនៅអាស៊ីក៏ដោយ។
តិចជាង២៤ម៉ោងបន្ទាប់ពីការប្រកាសថាក្រុមនឹងធ្វើដំណើរទៅអាស៊ីដោយគ្មាន Mbappe គាត់ក៏បានហ្វឹកហាត់ ជាមួយក្រុមបម្រុងរបស់ក្លឹបនៅឯបរិវេណរបស់ពួកគេនៅទីក្រុង Poissy ខាងក្រៅទីក្រុងប៉ារីស។
PSG បានប្រកាសថាខ្សែប្រយុទ្ធវ័យ២៤ឆ្នាំរូបនេះនឹងមិនធ្វើដំណើរទៅ ប្រទេសជប៉ុនឬកូរ៉េខាងត្បូងនោះទេ ខណៈគាត់ រំពឹងទុកថានឹងទៅចូលរួមជាមួយក្លឹបយក្សអេស្ប៉ាញ Real Madrid។Mbappe បានបដិសេធមិន ចុះហត្ថលេខាលើកិច្ចព្រមព្រៀងថ្មី ប៉ុន្តែនិយាយថាគាត់ចង់ បន្តនៅPSGសម្រាប់ឆ្នាំ ចុងក្រោយនៃកិច្ចសន្យា របស់គាត់ ។
ប្រធានក្លឹប PSG លោក Nasser al-Khelaifi បាននិយាយថា សេណារីយ៉ូបែបនេះគឺ មិនអាចទៅរួចទេ ហើយ លោកនឹងមិនអនុញ្ញាតិឲ្យកីឡាករល្អបំផុតនៅក្នុងពិភពលោកថ្ងៃនេះចាកចេញដោយឥតគិតថ្លៃនោះទេ៕