យោងតាមប្រភពព័ត៌ពីក្លឹប Bayern បានឲ្យដឹងថាកីឡាករSadio Maneដែលបានចំណាយពេលមួយរដូវកាល បានសម្រេចចិត្តចាកចេញពីក្លឹបទៅ ចូលរួមជាមួយក្លឹបបាល់ទាត់អារ៉ាប៊ីសាអូឌីត Al-Nassr ដែលដឹកនាំដោយខ្សែ ប្រយុទ្ធឆ្នើម Cristiano Ronaldo ។
ក្លឹបBayernបានចុះហត្ថលេខាទិញMane ក្នុងតម្លៃប្រហែល ជាង៣៥លានដុល្លារ ។តម្លៃផ្ទេរសម្រាប់ការផ្លាស់ប្តូរ របស់ Sane ទៅ Al-Nassr ត្រូវបានគេប៉ាន់ស្មានថាប្រហែល ជាង៤០លានដុល្លារក្នុងមួយរដូវកាល។Al-Nassr មិនបានផ្តល់ព័ត៌មានលម្អិតអំពីកិច្ចសន្យានោះទេ ប៉ុន្តែបានបង្ហោះវីដេអូនៅលើបណ្តាញសង្គមរបស់ Mane ដែល ពាក់អាវរបស់ក្លឹប។
Mane វ័យ ៣១ឆ្នាំបានប្រាប់ទូរទស្សន៍ Sky TV មួយថ្ងៃមុនថា លាហើយBayern ហើយពេលនេះខ្ញុំកំពុងធ្វើដំណើរ ទៅអាស៊ី។
Mane បានផ្លាស់ទៅទីក្រុង Munich កាលពីរដូវក្តៅមុនពី Liverpool ក្នុងកិច្ចសន្យារហូតដល់ឆ្នាំ២០២៥ ប៉ុន្តែគាត់ បានជួបនឹងរដូវកាលដំបូងដ៏លំបាកដែលរួមបញ្ចូលទាំងរបួសរយៈពេលវែងដែលគាត់បានខកខានការប្រកួត World Cup ។ គាត់ក៏បានចូលរួមក្នុងបន្ទប់ផ្លាស់សំលៀកបំពាក់ជាមួយនឹងមិត្តរួមក្រុម Leroy Sane។
Mane បង្ហាញខ្លួនបាន ៣៨ប្រកួតសម្រាប់ Bayern ដោយស៊ុតបញ្ចូលទីបាន ១២គ្រាប់៕