អ្នកចាត់ការក្លឹបChelseaលោក Mauricio Pochettino បាននិយាយថា កីឡាករចំណូលថ្មី Lesley Ugochukwu អាចនឹងឲ្យទៅក្លឹបផ្សេងខ្ចីជើងបន្ទាប់ពីខ្សែបម្រើរូបនេះបានចូលរួមជាមួយ Chelsea ក្នុងតម្លៃជាង២៧លានដុល្លារ ពីក្លឹបបាល់ទាត់បារាំង Rennes ។
Ugochukwu បានចុះកុងត្រារយៈពេលប្រាំពីរឆ្នាំ ប៉ុន្តែលោក Pochettino មិនទាន់សម្រេចចិត្តភ្លាមៗចំពោះអនាគតរបស់កីឡាករសញ្ជាតិបារាំងរូបនេះនៅឡើយទេ។
កីឡាករវ័យ១៩ឆ្នាំរូបនេះបានបង្ហាញខ្លួន៤៧ប្រកួតនៅ Ligue 1 សម្រាប់ក្រុម Rennes និងបានបង្ហាញខ្លួនក្នុងក្របខ័ណ្ឌ យូរ៉ូប៉ាលីកផងដែរ។
លោកPochettinoបាននិយាយថាយើងត្រូវវាយតម្លៃគាត់នៅពេលគាត់ចាប់ផ្តើមហ្វឹកហាត់នៅថ្ងៃនេះហើយបន្ទាប់មកនៅទីក្រុងឡុងដ៍បន្ទាប់ពីដំណើរទេសចរណ៍។គាត់ជាកីឡាករវ័យក្មេង និងមានទេពកោសល្យ។
Ugochukwu ដែលកិច្ចព្រមព្រៀងមានជម្រើសមួយឆ្នាំទៀតនោះមិនទាន់បង្ហាញខ្លួនជាជម្រើសដំបូងសម្រាប់ប្រទេសបារាំង ប៉ុន្តែបានលេងឱ្យក្រុមជម្រើសជាតិក្នុងកម្រិតអាយុក្រោម ១៧ឆ្នាំ ក្រោមអាយុ ១៨ ឆ្នាំ និងអាយុក្រោម ១៩ ឆ្នាំ ៕