កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កងយោធពលខេមរៈភូមិន្ទប៉ុស្ដិ៍លេខ៥ (Tv5) សហការជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី២១ហើយ ដែលសប្ដាហ៍នេះកាន់តែអស្ចារ្យថែមទៀតដោយសារតែទាំងកីឡាករជាតិ និងអន្ដរជាតិវាយគ្នាអស់ពីសម្ថភាព នាំឲ្យទស្សនិកជកជក់ចិត្ដខ្លាំង និងស្រែកហ៊ោពេញសែង្វៀន ព្រោះតែអ្នករៀបចំកម្មវិធីបានសម្រិតសម្រាំងយកកីឡាករបរទេសមកសុទ្ធតែលំដាប់ខ្លាំងៗទើបធ្វើឲ្យអ្នកស្នេហាវិស័យប្រដាល់គុនខ្មែរមានចំនួនកាន់តែកើនឡើង ពិសេសគឺនៅឆ្នាំថ្មី២០២៤ ។
លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី២ ខែមីនា ឆ្នាំ២០២៤ គឺ៖
-គូពិសេសទី១៖កីឡាករបង្គោលក្រហមម៉ន ភារម្យ អាយុ២៦ឆ្នាំ មកពីក្លឹបប្រដាល់ពន្លឺថ្មីគុនខ្មែរព្រែកឯង សមា គមកីឡាប្រដាល់ក្រសួងមហាផ្ទៃ ធ្លាប់ប្រកួតបាន៥៧លើក ឈ្នះ៤០លើក,ចាញ់១៦លើក និងស្មើ១លើក ធ្លាប់ផ្ដួលគូប្រកួតឲ្យសម្លប់៧ដង ប្រកួតទម្ងន់៥៤គ.ក្រ បានបោះបង់ការប្រកួតនៅត្រឹមទឹកទី២ ក្រោមកណ្ដាប់ដៃកីឡាករបង្គោលខៀវរិទ្ធី នឹមណូ មកពីក្លិបគុនខ្មែរស៊ុបពើហ្វៃ អាយុ២០ឆ្នាំ ធ្លាប់ប្រកួត៥៩លើក,ឈ្នះ៤៥លើក,ស្មើ១លើក ,ចាញ់១៣លើក និងធ្លាប់ផ្ដួលគូប្រកួតឲ្យសម្លប់៣ដង ។
-គូពិសេសទី២៖ កីឡាករបង្គោលក្រហមយ៉ន ពិសី អាយុ២៥ឆ្នាំ មកពីក្លិបប្រដាល់សាលវ័ន្ដកីឡាខេត្តមណ្ឌុលគិរី សមាគមកីឡាប្រដាល់ក្រសួងមហាផ្ទៃ ធ្លាប់ប្រកួត៧៩លើក,ឈ្នះ៥១លើក,ចាញ់២៥លើក ,ស្មើ៣លើក ធ្លាប់ផ្ដួលគូប្រកួតឲ្យសម្លប់២២ដង ប្រភេទទម្ងន់៥៧គ.ក្រ បានឈ្នះដោយពិន្ទុគ្នាលើកីឡាករបង្គោលខៀវឡុង ខេត្ត អាយុ ២២ឆ្នាំមកពីក្លិបខ្លារខិនមានរិទ្ធ សមាគមកីឡាក្រសួងមហាផ្ទៃ ធ្លាប់ប្រកួតចំនួន៥៣លើក ឈ្នះ៣៨លើក ,ចាញ់១០លើក ,ស្មើ៥លើក និងធ្លាប់ផ្ដួលគូប្រកួតឲ្យសម្លប់២ដង ។
-គូអន្ដរជាតិទី៣៖កីឡាបង្គោលក្រហមកីឡាករខុន បូឡា មកពីក្លិបនាគនាំសំណាងនរាយណ៍តេជៈ សមគមកីឡាប្រដាល់ក្រសួងមហាផ្ទៃ អាយុ២៧ឆ្នាំ ធ្លាប់ប្រកួត៨១លើក,ឈះ៦០លើក,ចាញ់១៥លើក ,ស្មើ៦លើក និងធ្លាប់ផ្ដួលគូប្រកួតឲ្យសម្លប់១២ដង ប្រកួតប្រភេទទម្ងន់៦៣,៥ គ.ក្រ បានឈ្នះដោយពិន្ទុលើកីឡាករបង្គោលខៀវឈោគ ណាំសាប់(CHHUOK NAMSEAP) មកពីThailand អាយុ២១ឆ្នាំ ធ្លាប់ប្រកួត៨០លើក,ឈ្នះ៦០លើក,ចាញ់១៥លើក ,ស្មើ១លើក និងធ្លាប់ផ្ដួលគូប្រកួតឲ្យសម្លប់៩ដង ។
-គូអន្ដរជាតិទី៤៖ កីឡាករបង្គោលក្រហមគង់ ហូវ អាយុ២៣ឆ្នាំមកពីក្លិបមហិទ្ធិរិទ្ធមេសថ្ញក ខេត្តស្វាយរៀង សមាគមកីឡាកងយោធពលខេមរភូមិន្ទ ធ្លាប់ប្រកួត៩៩លើក,ឈ្នះ៧៨លើក,ចាញ់១៦លើក,ស្មើ៥លើក និងធ្លាប់ផ្ដួលគូប្រកួតឲ្យសម្លប់ចំនួន៣៦ដង ប្រកួតប្រភេទទម្ងន់៦០គ.ក្រ បានឈ្នះដោយពិន្ទុលើកីឡាករបង្គោលខៀវសែន សាក់ងិន(SEN SAKGNEUN) អាយុ២3ឆ្នាំមកពីThailand ធ្លាប់ប្រកួតចំនួន៨៣លើក,ឈ្នះ៦២លើក,ចាញ់១៩លើក ,ស្មើ២លើក និងធ្លាប់ផ្ដួលគូប្រកួតឲ្យសម្លប់ចំនួន១២ដង ។
-គូអន្ដរជាតិទី៥៖ កីឡាករបង្គោលក្រហមហ៊ុនកង គុនខ្មែរ អាយុ២១ឆ្នាំមកពីក្លិបគុនខ្មែរដូនតា ខេត្តបន្ទាយមានមានជ័យ សមាគមកីឡាកងយោធពលខេមរភូមិន្ទ ធ្លាប់ប្រកួត៦០លើក,ឈ្នះ៤៤លើក,ចាញ់១៦លើក អត់ធ្លាប់ស្មើ និងធ្លាប់ផ្ដួលគូប្រកួតឲ្យសម្លប់១៧ដង ប្រភេទទម្ងន់៦៩គ.ក្រ បានត្រឹមស្មើគ្នាជាមួយកីឡាករបង្គោលខៀវ ភេត សាយហ្វា(PHAT SEAYFA) មកពីThailand អាយុ២៦ឆ្នាំ ធ្លាប់ប្រកួត៩០លើក,ឈ្នះ ៦៥ លើក,ចាញ់២១លើក ,ស្មើ៤លើក និងធ្លាប់ផ្ដួលគូប្រកួតឲ្យសម្លប់១៥ដង ។
សូមបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យទស្សនិកជនគាំទ្រច្រើន ដោយសារតែមានការសម្រិតសម្រាំងគូពិសេសៗជារៀងរាល់សប្ដាហ៍ទាំងកីឡាករជាតិ និងអន្ដរជាតិដើម្បីបម្រើអារម្មណ៍បងប្អូនក៍ដូចជាបំផុសកីឡាប្រដាល់គុនខ្មែរឲ្យកាន់តែល្បីល្បាញទាំងនៅលើឆាកជាតិ និងអន្ដរជាតិ។ ទស្សនិកជនអាចមកទស្សនាដោយផ្ទាល់នៅស្ទូឌីយោ ប៉ុស្ដិ៍លេខ៥ ព្រែកកំពឹសឬតាមAp Tv5 Cambodia Facebook និងតាមយូធូបរៀងរាល់ល្ងាចថ្ងៃសៅរិ៍ចាប់ពីម៉ោង៦ល្ងាចតទៅ៕
ប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ តំណើរការបាន ដោយសារតែមានការឧបត្ថម្ភធំពីទឹកបរិសុទ្ធលីយ៉ង និងក្រុមហ៊ុនទឹកកកអនាម័យPremium ៕
