ភ្នំពេញ៖រយៈពេលជាង១០ឆ្នាំមកហើយដែលស្រីស្អាតសុខ ពិសី បានសាងស្នេហាដោយមិនបើកចំហជាមួយថៅកែសាន់ដេលោកឡាយ សុខចំរើន ដែលធ្វើឲ្យដំណឹងនាងរៀបការក៍បន្ដសែនស្ងាត់ដូចចោរលួចសេះ ។ចំណែកលោកសុខ ហេង ឪពុករបស់ពិសី ដែលចង់ឃើញនាងគ្រងឈុតកូនក្រមុំ១ទសវត្សន៍ទៅហើយនោះក៍មិនទាន់បានរំភើបដែរ ដោយសារតែពិសី អត់កំណត់ថ្ងៃរៀបការ បើទោះជាតារាល្បីៗនិងជារៀមច្បងរបស់ពិសី មានដូចជាសុគន្ធ និសា ,ឱក សុគន្ធកញ្ញា និងសួស វីសា ជាដើមសុទ្ធតែរៀបការប្ដីរៀងៗខ្លួនដែលអាចធ្វើឲ្យនាងអាចយកគំរូតាមក្ដី តែនៅទីបំផុតពិសី នៅតែមិនហ៊ានប្រថុយដដែល ។
អ្នកជំនាញសិល្បៈបានលើកឡើងថាហេតុផលតែមួយគត់ដែលសុខ ពិសី ពន្យាពេលការប្ដីជាច្រើនឆ្នាំមកនេះ គឺដោយសារតែនាងបារម្ភខ្លាចអាជីពចម្រៀងប្រឈមធ្លាក់ចុះខ្លាំងទប់លែងជាប់ ហេតុនេះហើយដើម្បីបន្ដប្រជែងទីផ្សារចម្រៀងផ្នែកយុវវ័យនាងសុខចិត្តជ្រើសផ្លូវសាងស្នេហាដោយលិបលតទៅទៀត បើទោះជាតារាដែលមានប្ដីមុននាងពេលនេះពួកគេនៅតែបន្ដអាជីពចម្រៀងបានជាធម្មតាក្ដី ។ការខ្លាចរោងការរបស់ពិសី ជាច្រើនឆ្នាំមកនេះហើយនៅឆ្នាំ២០២៤ នាងនៅតែមិនទាន់ត្រៀមថតPre-Wedding បែបនេះធ្វើឲ្យពិសី ដើរផ្លូវផ្ទុយពីសិស្សប្អូនអ៊ីវ៉ា ព្រោះដើម្បីធ្វើឲ្យលោកអ៊ូ វ៉ាវ បានសប្បាយចិត្តស្រីនាថ ចាប់ផ្ដើមបង្ហាញស្នេហាជាចំហជាមួយលោកលី សេងហួរ បានជិត១ឆ្នាំហើយ នឹងតាមព័តមានថានាងអាចនឹងរៀបការនៅឆ្នាំ២០២៤ នេះតាមបំណងលោកវ៉ាវ ទៀតផង។
គួរកត់សម្គាល់ថាសុខ ពិសី អាយុ៣៤ឆ្នាំបានរស់នៅកំព្រាម្ដាយរយៈពេលជាង១៦ឆ្នាំមកហើយក្រោយនាងជួបគ្រោះថ្នាក់ចរាចរណ៍ដ៍គួរឲ្យរន្ធត់បណ្ដាលឲ្យម្ដាយនិងអ្នករួមដំណើរស្លាប់កាលពីឆ្នាំ២០០៨ ។ពិសី ត្រូវបានឪពុកនាងលោកសុខ ហេង ជាមន្រ្ដីយោធាលើកទឹកចិត្តនាងក្នុងការអាជីពចម្រៀងគ្រប់ពេលវេលា ហើយនាងក៍ស្រលាញ់និងធ្វើតាមឪពុកគ្រប់យ៉ាងទាំងអស់លើកលែងតែដំណឹងរៀបការនេះមួយគត់ ដែលរូបនាងមិនទាន់ធ្វើឲ្យឪពុកសប្បាយចិត្ត។ទោះជាយ៉ាងណាលោកហេង មិនបង្ខំឲ្យកូនស្រីរៀបការប្ដីនោះទេ គឺនៅលើការសម្រេចចិត្តរបស់នាងហើយលោកគ្រាន់តែជម្រុញក្រោយខ្នងប៉ុណ្ណោះ ។
សូមបញ្ជាក់ថាសុខ ពិសី ក្រៅពីប្រឹងសម្រុកចេញច្រៀងគ្រប់បណ្ដារខេត្តក្រុងទាំងអស់នារដូវក្ដៅនេះនាងក៍តែងតែធ្វើការងារសប្បុរសធ័មជាបន្ដបន្ទាប់ផងដែរ ។ជាក់ស្ដែងដូចជាថ្មីៗនេះពិសី បានបរិច្ចាគថវិការចំនួន៥ពាន់ដុល្លារតាមរយៈក្រុមបាល់ទាត់តារាកម្ពុជា ដើម្បីឧបត្ថម្ភដល់មន្ទីពេទ្យគន្ធបុប្ផាផងដែរ ។សកម្មភាពរបស់នាងបែបនេះនាំឲ្យFan ជាច្រើនបានគាំទ្រនិងចាត់ទុកនាងថាជាតារាចម្រៀងដែលមិនត្រឹមតែមានរូបសម្រស់ស្រស់ស្អាតប៉ុណ្ណោះទេ តែនាងក៍មានចិត្តសប្បរសធ័មគួរឲ្យសរសើរផងដែរ ។ពិសី ធ្លាប់និយាយថានាងពេញចិត្តបរិច្ចាគមន្ទីពេទ្យគន្ធបុប្ផា ទៅតាមលទ្ធភាព ព្រោះកាលនាងនៅពីតូចឪពុកម្ដាយក៍ធ្លាប់នាំនាងមកព្យាបាលនៅពេទ្យនេះហើយបានជាដែរ ។ ដោយឡែកគូស្នេហ៍របស់ពិសី គឺលោកចំរើន តែងតែគាំទ្រនិងសម្របខ្លួនតាមនាងគ្រប់សកម្មភាពទាំងអស់ ក្នុងនោះគិតទាំងរឿងរៀបការផង បើពិសី ចង់ ឬមិនចង់លោកថៅកែចាំតែដើរជំហាន ក្រោយនាងប៉ុណ្ណោះ ៕
