ភ្នំពេញ៖តារាចម្រៀងលោកសុខ វិបុល ហៅStep រកបានដៃគូថ្មីជំនួសពេជ្រ សោភា នោះគឺស្រីស្អាតSk ដែលពួកគេមិនត្រឹមតែជាដៃគូនៅលើឆាកតន្រ្ដីនោះទេ តែនៅក្រៅឆាកក៍ជាគូសង្សារនិងគ្នាផងដែរ បន្ទាប់ពីប្អូនប្រុសពិធីករលោកសុខ សេរីវឌ្ឍនា រូបនេះធ្លាប់ប្រកាសសារភាពស្នេហ៍នាងនៅលើឆាកតន្រ្ដី។អ្នកលេងបណ្ដាញសង្គមបានសរសើរលោកStep ថាពិតជាភ្នែកមុតមែន ដែលរកបានសង្សារជាស្រីស្អាតដូចនាងSk ខណៈដែលពេលនេះតារាចម្រៀងហង្សមាសមាន២គូហើយដែលពួកគេជ្រកក្រោមដំបូលផលិតកម្មតែ១ បង្កាត់ភ្លើងស្នេហាជាមួយគ្នានោះគឺលោកសយ រតនៈ -ប៉ាច គីមមួយ និងStep –SK ។ប៉ុន្ដែមិនទាន់មានព័តមានថាលោកStep គ្រោងធ្វើពិធីភ្ជាប់ពាក្យជាមួយនាងSK ដូចលោករតនៈ បានភ្ជាប់ពាក្យជាមួយនាងប៉ាច គីមមួយ នោះឡើយ។
គួរកត់សម្គាល់ថាថ្មីៗនេះនាងSK បានទៅថតរូបនៅបរិវេណប្រាសាទអង្គរវត្ត ហើយរូបថតរបស់នាងមានការចែកចាយជាច្រើននៅលើបណ្ដាញសង្គមពិសេសមានការចាប់អារម្មណ៍ទៅលើរូបសម្រស់នាងថាមិនចាញ់តារាកូរ៉េឡើយ។ប៉ុន្ដែសម្រាប់ទឹកដម វិញនាង SK ដែលក្លាយជាតារាចម្រៀងGenMusic ជាសាខាថ្មីរបស់ហង្សមាសនោះសម្លេងគ្រាន់តែមធ្យម ប៉ុណ្ណោះ ពោលគឺគេចាប់អារម្មណ៍ទៅលើរូបសម្រស់នាងច្រើនជាងសម្ថភាពសម្លេង ហើយកន្លងមកគេក៍មិនដែលបានឃើញនាងធ្លាប់ប្រលងចម្រៀងក្នុងកម្មវិធីណាមួយដែរ ពោលគឺសា្ងត់ៗចូលហង្សមាសដោយងាយតែម្ដង។ប្រភពបានឲ្យដឹងថាលោកStep ដើរតួនាទីយ៉ាងសំខាន់ក្នុងការជ្រោមជ្រែងស្រីស្អាតរូបនេះទាំងការអន្ដរាគមន៍ឲ្យចូលហង្សមាស និងការធ្វើភ្លេងឲ្យនាងច្រៀងជាដើម។យ៉ាងណាគេចាំមើលថាតើនាងSk ដែលមានសម្រស់មិនចាញ់ស្រីស្អាតរ៉េត ស៊ូហ្សាណា នោះអាចនឹងដណ្ដើមទីផ្សារលេចធ្លោនៅផលិតកម្មថ្មីរបស់ហង្សមាសនេះបានដែរឬទេ ?
Step លេចធ្លោគួរសមនៅពេលដែលលោកបានចាប់ដៃច្រៀងជាមួយពេជ្រ សោភា ប៉ុន្ដែឆ្លងឆ្លើយគ្នាបានត្រឹមរយៈពេលខ្លីតារាចម្រៀងលេងស្ទីលដូចតារាកូរ៉េលោករ៉េន ឬអ្នកខ្លះបានហៅលោកថាCopy ស្ទីលពីRain នោះក៍នៅទ្រឹងហើយសោភា ចេញច្រៀងម្នាក់ៗឯងទៅវិញ។ចំណែកថៅកែហង្សមាសវិញបានផ្ដល់ឱកាសលោកStep សម្ដែងភាពយន្ដជាតួឯកជាបន្ដបន្ទាប់បន្ថែមពីលើអាជីពចម្រៀងដើម្បីឲ្យលោកមានសកម្មភាពសិល្បៈកាន់តែច្រើន ប៉ុន្ដែអ្នកជំនាញសិល្បៈថាលោកStep ពិបាកឈានទៅធ្វើជាតួឯកនៅហង្សមាស ឬជាកំពូលតារាចម្រៀងព្រោះលោកនិយាយខ្មែរមិនសូវច្បាស់ឡើយ ។
គួរបញ្ជាក់ថាStep បានបាត់មុខមួយរយៈក្រោយលែងចាប់ដៃពេជ្រ សោភា តែលោកបានវិលមកវិញកាលីចុងខែកញ្ញា ឆ្នាំ២០២៣ តាមរយៈMV “កាឡកណ្ណី “ដែលទាំងការសម្ដែងនិងរូបរាងមានការប្រែប្រួលទាំងស្រុងតែម្ដង។ប្អូនប្រុសលោកសេរីវឌ្ឍនា រូបនេះក៍អាចច្រៀងរ៉េប បានផងដែរ ហេតុនេះគេចាំមើលថាក្រោយរកបានដៃគូទាំងក្នុងនិងក្រៅឆាកស្រីស្អាតSk នេះលោកStep នឹងទទួលបានជោគជ័យដូចកាលចាប់ដៃជាមួយពេជ្រ សោភា ដែរ ឬមិនអាចទៅរួចទេ ?
ក្រៅពីStep តារាចម្រៀងដែលយកគូស្នេហ៍ធ្វើជាដៃគូលើឆាកតន្រ្ដីនោះមានដូចជាលោកងួន ចាន់ដេវីត(ទេព បូព្រឹក្ស ),សយ រតនៈ (ប៉ាច គីមមួយ )និងស៊ិន សុភ័ក្រ (គង់ ច័ន្ទរដ្ឋា )ជាដើម ៕
