ភ្នំពេញ៖តារាចម្រៀងកែ សុវណ្ណារ៉េត ហៅហ្សូណូ បានប្រារពខួបគម្រប់អាយុ៤១ឆ្នាំកាលពីថ្ងៃទី២១ ឧសភា យ៉ាងស្ងៀមស្ងាត់ ហើយលោកសវណ្ណារ៉េត បាននិយាយលេងបន្លំមែនដោយហៅខ្លួនឯងនៅថ្ងៃខួបថាជា”ចែ “ទៀតផង នាំឲ្យFan ខ្លះលើកឡើងថាពេលនេះតារាហង្សមាសមាន២ដួងហើយដែលជាប់ឈ្មោះចែ ដោយម្នាក់ជាលោកហ្សូណូ បានហៅឈ្មោះខ្លួនឯងបែបនេះ និងម្នាក់ទៀតត្រូវគេហៅឈ្មោះបែបនេះដែរ នោះគឺលោកឆន សុវណ្ណារាជ ។
លោកហ្សូណូ បានថ្លែងសារទៅកាន់Fan របស់ខ្លួនថា”ខួបចែណូ ចែណូចេញបទថ្មីឲ្យស្ដាប់ “។ការលើកឡើងបែបនេះរបស់លោកហ្សូណូ នាំឲ្យអ្នកគាំទ្រលោកនិយាយបែបលេងសើចទៅកាន់តារាកូន១រូបនេះវិញថាឃើញចែណូ ចឹងហ៊ានតែប្រហែសប៉ោង(ពោះធំ)ឥឡូវហើយ ស្រីស្អាតៗបើឆ្លាតចេះតែជឿរទៅ…។
ប្រភពបានឲ្យដឹងថាក្រៅពីហ្សូណូ ដែលតែងហៅខ្លួនឯងថាចែៗ នោះនៅមានតារាពុកមាត់ស្រម៉ូមលោកវង្ស តារារតនា ម្នាក់ទៀតដែរដែលធ្វើម្ញិកម្ញក់ជូនកាលធ្វើដូចខ្ទើយ និងពេលខ្លះបែបស្រីនោះ ប៉ុន្ដែធាតុពិតពួកគេញ៉ែរកតែស្រីស្អាត ឬឃើញស្រីស្អាតមិនបានឡើយ។ដោយឡែកតារាចម្រៀងចម្រៀងឆន សុវណ្ណារាជ វិញលោកមិនសដែលហៅខ្លួនឯងថាជា”ចែ “ដូចលោកហ្សូណូ ឬវង្ស តារារតនា នោះទេ ប៉ុន្ដែលោកបែជាត្រូវឈឺក្បាលដោយសារតែត្រូវអ្នកគាំទ្រខ្លះធ្លាប់ហៅលោកថាជា”ចែ “ និង”ម៉ាក់រាជ “ជាដើមទើបកាលពីចុងឆ្នាំ២០២២ គេធ្លាប់ឃើញលោករាជ ប្រតិកម្មតបទៅFan ទាំងនោះដោយចិត្តត្រជាក់ដូចជាខមិនសួរទៅអ្នកដឺដងនោះថា”អ្នកណាជាម៉ាក់អូនឯង?” ជាដើម ប៉ុន្ដែតារារោមទ្រូងច្រើនរូបនេះមិនធ្លាប់ផ្ទុះជម្លោះខ្លាំងជាមួយអ្នកទៅខមិន ហៅលោកថា”ចែ និងម៉ាក់រាជ “នោះឡើយ។
គួរបញ្ជាក់ថានៅក្នុងពិភពសិល្បៈមានភាពច្របូកច្របល់ខ្លាំងពេលខ្លះពិតដូចជាមិនពិត ព្រោះបុរសដែលមានរូបរាងសង្ហារសាច់ដុំណែនធំៗអាចជាភេទទី៣ក៍មានដែរទើបនាំឲ្យស្រីៗពិបាកវាយតម្លៃមុនពេលដែលពួកគេស្គាល់ប្រវត្តិច្បាស់ ។សម្រាប់លោកហ្សូណូ វិញក៍ធ្លាប់មានព័តមានថាលោកមានទាំងប្រុសនិងស្រីតាមស្រ លាញ់ដែរ ប៉ុន្ដែគេជឿរជាក់ថាលោកជាមនុស្សប្រុសពេញលក្ខណៈច្រើនជាងសង្ស័យថាលោកជា”ចែ “ព្រោះតែលោកសុវណ្ណារ៉េត ធ្លាប់បង្កាត់ភ្លើងស្នេហាជាមួយអតីតពិធីការិនីប៉ុស្ដិ៍លេខ៥ អ្នកនាងចាន់ សុផានី រហូតមានកូនស្រី១ពេលនេះពេញវ័យក្រមុំទៅហើយ។ក្រោយចែកផ្លូវកអ្នកនាងសុផានី លោកហ្សូណូ មិនធ្លាប់បង្ហាញសង្សារ ថ្មីដោយបើកចំហនោះទេ តែលោកមានជីវភាពហ៊ឺហារស់នៅយ៉ាងហាយសូនិងមានអាជីវកម្មផ្ទាល់ខ្លួនក្រៅពីសិល្បៈទៀតផងរហូតមានការលេចឭថាលោកមានគូស្នេហាថ្មីនៅក្រោយខ្នង។ដោយសារតែឃើញអតីតប្ដី ឡូយឆាយពីមួយថ្ងៃទៅមួយថ្ងៃនោះទើបមុននេះអ្នកនាងសុផានី បានចេញមុខបកអាក្រាតហ្សូណូ រឿងមិនដែលផ្គត់ផ្គងកូនស្រីនិងរូបនាង ប៉ុន្ដែលោកសុវណ្ណារ៉េត បានបង្ហាញឯកសារការផ្ទេរប្រាក់ពីកុងធនាគារABAរបស់លោកទៅឲ្យកូនស្រីជាប្រចាំ ហើយលោកមានមេធាវីចាត់ការលើរឿងអតីតភរិយាចោទប្រកាន់នោះទៀតផង ទើបធ្វើឲ្យចុងក្រោយរឿងនេះស្ងប់ស្ងាត់ទៅវិញបន្ដិច ។
ហ្សូណូអតីតតារាK.H និងM បានលោតចូលហង្សមាសដោយទទួលបានតំណែងជាតួឯកជាបន្ដបន្ទាប់ ខណៈភាពយន្ដចុងក្រោយលោកចាប់ដៃនាងមាន សូនីតា លេងរឿង”មេឆា “មានទាំងឈុតក្ដៅសាច់ថើបមាត់គ្នាក្នុងទឹកទៀតផង។តារាវ័យ៤១ឆ្នាំ រូបនេះក៍ត្រូវបានថៅកែរុញឲ្យទៅធ្វើជាគ្រូបង្វឹគកម្មវិធីThe Voice Kids Cambodia រដូវកាលទី៣ និងជាគណៈកម្មការCambodian Idol Junior រដូវកាលទី២ ផងដែរ ។មហាជនលើកឡើងថាដើម្បីឲ្យFan អស់ចិត្តថាលោកហ្សូណូ មិនមែនជា”ចែ” ពិត នោះលោកគួរតែក្លាហានបង្ហាញមុខសង្សារថ្មីដោយបើកចំហដែលនោះសង្ឃឹមថាមិនមែនប្រុសឡើយ ៕
