ភ្នំពេញ៖តារាចម្រៀងលោកឆាយ ចាន់ឆោម ហៅឆាយ វីរៈយុទ្ធ បានប្រារពខួបអាពាហ៍ពិពាហ៍ គម្រប់៧ឆ្នាំ កាលពីថ្ងៃទី២១ ខែឧសភា ហើយដូចឆ្នាំមុនៗដែរគឺលោកបាននាំភរិយាទៅញាំអាហារយ៉ាងរ៉ូមែនទិក និងថា៧ឆ្នាំពិតជាលឿនសម្រាប់លោកនិងភរិយា។លោកចាន់ឆោម ថាការផ្ដល់តម្លៃ ស្រលាញ់ដោយគ្មានការផ្លាស់ប្ដូរ ក្នុងនាមជាប្ដីប្រពន្ធ ពោពេញទៅដោយមនោសញ្ចេតនារហូតទទទួលបានកូន២នាក់ …។
យ៉ាងណាលោកឆាយ វីរៈយុទ្ធ ធ្លាប់ប្រាប់អ្នកយកព័តមានយើងថាលោកអាចនឹងយកកូនថែម តែរយៈពេលយូឆ្នាំទៀត ដែលនេះបញ្ជាក់ថាការមានកូនពីរនាក់មិនទាន់គ្រប់គ្រាន់សម្រាប់តារាសាន់ដេនេះឡើយ ព្រោះនៅថ្ងៃរៀបការលោកប្រាប់អ្នកសារព័តមានថាចង់បានកូន៣ ។ប្រភពបានឲ្យដឹងថាលោកចាន់ឆោម ចង់បានកូនទី៣ ជាកូនប្រុស។
ឆាយ វីៈយុទ្ធ បានរៀបការជាមួយអ្នកនាងសែ ចាន់ឌី កូនអ្នកជំនួញធំលោកហាក់ សែ នៅក្រុងកំពង់ចាមកាលពីថ្ងៃទី២១ ខែឧសភា ឆ្នាំ២០១៧ ហើយពេលនេះភរិយាលោកជាអ្នកនិពន្ធបទចម្រៀងឲ្យលោកច្រៀងតែម្ដង។អ្នកនាងចាន់ឌី ក៍ជាអ្នកនៅពីក្រោយខ្នងលោកចាន់ឆោម ក្នុងការច្រៀងសម្ដែងតាមឆាកតន្រ្ដីទាំងឡាយផងដែរតាមរយៈការជួយតុបតែងសម្លៀកបំពាក់ ធ្វើសក់និងគ្រឿងអលង្ការជាដើម ពោលគឺដូចគ្នាទៅនិងភរិយាលោកព្រាប សុវត្ថិ អ្នកស្រីឡុង ស្រីមុំ ,ប្រពន្ធខេម អ្នកនាងស្រីកា រួមទាំងអ្នកនាងគួយ ផល្លី ភរិយាលោកខេមរៈ សិរីមន្ដ ដែរ ។ចំណងស្នេហាវីរៈយុទ្ធ-ចាន់ឌី ៧ឆ្នាំនេះទទួលបានចំណងដៃកូនស្រី២នាក់គឺកូនទី១ឈ្មោះវីរៈយុទ្ធ អភិជាតារាទេវី ហៅAtara អាយុជាង៤ឆ្នាំ និងកូនទី២ឈ្មោះវីរៈយុទ្ធ អមរាទេវី ហៅAlinna ទើបសម្រាលកាលពីថ្ងៃទី២៥ មេសា ។ប្រភពបានឲ្យដឹងថាក្រៅពីជាអ្នកនិពន្ធឲ្យប្ដីច្រៀងភរិយាលោកវីរៈយុទ្ធ ក៍ជាម្ចាស់ហាងលក់អង្ករជាច្រើនសាខានៅក្រុងភ្នំពេញ ផងដែរ ។
គួរបញ្ជាក់ថាក្រៅពីលោកឆាយ វីរៈយុទ្ធ តារាដែលមានកូនពីរនៅឆ្នាំ២០២៤ នេះមានដូចជាអ្នកនាងស៊ឹម សូលិកា ,ខាត់ សុឃីម ,ឱក សុគន្ធកញ្ញា និងលោកចា រិទ្ធី ជាដើម ។ប៉ុន្ដែលោកចាន់ឆោម ថាក្រោយក្លាយទៅជាស្វាមីអ្នកនាងចាន់ឌី ៧ឆ្នាំមកនេះជីវិតលោកមានការប្រែប្រួលច្រើនពិសេសគឺបន្ទាប់ពីបានកូនស្រីទាំងពីរនេះតែម្ដងដែលលោកទៅដល់ណាក៍នឹកប្រពន្ធកូនដែរ ។
គេកត់សម្គាល់ថាលោកឆាយ វីរៈយុទ្ធ ក្លាយទៅជាតារាស្នូលរបស់សាន់ដេ ក្រោយពីលោកខេមរៈ សិរីមន្ដ ដើរចេញពីទ្រនុំនេះកាលពីឆ្នាំ២០១៧ ធ្វើឲ្យលោកឆោម បានក្លាយទៅជាតួឯកនិងដៃគូសុខ ពិសី ។ប្រភពបានឲ្យដឹងថាថៅកែសាន់ដេលោកឡាយ សុខហុក ចង់រក្សារទុកលោកចាន់ឆោម មិនឲ្យចាកចេញទៅណាទេ ខណៈដែលតាមព័តមានថាតារាកូន២រូបនេះជាមុខសញ្ញារបស់ផលិតកម្មធំហង្សមាស ដើម្បីជំនួសលោកព្រាប សុវត្ថិ និងខេមរៈ សិរីមន្ដ ដែលបានដើរចេញ។តែក្នុងជំនួបតាមទូរស័ព្ទថ្មីៗនេះលោកវីរៈយុទ្ធ ថាលោកនៅតែជាអ្នកចម្រៀងរបស់សាន់ដេដដែល ប៉ុន្ដែមិនប្រាប់ថានៅសល់កុងត្រាប៉ុន្មានឆ្នាំទៀតឡើយ គ្រាន់តែថាលោកនៅមានក្ដីសុខជាមួយផលិតកម្មនេះ។
ឆាយ វីរៈយុទ្ធ ពិបាកមានតារាណាអាចផ្ដួលលោកបានព្រោះលោកចាន់ឆោម អាចច្រៀងបានទាំងការប្រើសម្លេងខ្ពស់បំផុត និងច្រៀងទាបក៍បាន ។នៅតាមបណ្ដារកម្មវិធីប្រលងចម្រៀងមួយចំនួនគេឃើញបេក្ខភាពជាច្រើនបានយកបទលោកទៅច្រៀងដែលចំណុចនេះអ្នកធ្វើភ្លេងម្នាក់នៅហង្សមាសបានប្រាប់អ្នយកព័តមានយើងថាដោយសារតែបទរបស់វីរៈយុទ្ធ មិនទាមទារបេក្ខជនដែលមានសម្ថភាពខ្ពស់បំផុតទើបច្រៀងបានទេ ពោលគឺអ្នកមានសម្ថភាពមធ្យមក៍អាចច្រៀងបាន ហើយបទត្រូវសម័យកាលយុវវ័យបច្ចុប្បន្ន។ប៉ុន្ដែលោកថាបើវីរៈយុទ្ធ ចង់ប្រជែងទីផ្សារចម្រៀងឲ្យខ្ពស់បំផុតទាល់តែមកហង្សមាសទើបបានឃើញពីសម្ថភាពច្បាស់ ។លោកថាថៅកែហង្សមាសចង់បានវីរៈយុទ្ធ ជាច្រើនឆ្នាំមកហើយ មិនមែនពេលទើបតែបាត់បង់ព្រាប សុវចត្ថិ និងខេមរៈ សិរីមន្ដ នោះទេ ។
ក្រៅពីឆាយ វីរៈយុទ្ធ តារាដែលបានកូនអ្នកមានទ្រព្យស្ដុកមានដូចជាលោកនី រតនា និងកែវ វាសនា ជាដើម ៕