ភ្នំពេញ៖បើទោះជាស្រីស្អាតមាន សូនីតា ហ៊ានលេងឈុតស្នេហាក្ដៅសាច់ជាញឹកញាប់ជាមួយអតីតស្វាមីអ្នកនាងចាន់ សុផានី គឺលោកហ្សូណូ ក្ដី ប៉ុន្ដែបុរសដែលនាងទុកចិត្តហើយស្និតស្នាលនាងជាងគេគឺជាចៅប្រុសអ្នកនិពន្ធជើងចាស់លោកស្រីពាន់ ភួងបុប្ផា ជាបុរសមាឌធំលោកម៉ានិត ឯណ្ណោះទេ ដែលទាំងក្នុងនិងក្រៅស្រុកពួកគេតែងតែបណ្ដើរគ្នាត្រសងដូចគូស្នេហ៍។ជាក់ស្ដែងដូចជាថ្មីៗនេះក្នុងពិធីដើរលើកម្រាលព្រហ្មក្រហម នៃព្រឹត្តិការណ៍មហោស្រពភាពយន្ដអន្ដរជាតិនៅទីក្រុងកាន ប្រទេសបារាំងលើកទី៧៧ កាលពីពេលថ្មីៗនេះនាងសូនីតា ក៍បានបណ្ដើរលោកម៉ានិត ដោយរួមតំណើរតែ២នាក់ដែរ ហើយអតីតតារាហង្សមាសរូបនោះបានសរសើរក្មួយស្រីចន ច័ន្ទលក្ខិណា ពេញៗមាត់តែម្ដង។
លោកម៉ានិត បានបង្ហាញរូបអោបគ្នាយ៉ាងស្អិតល្មូតជាមួយសូនីតា ដោយផឹកស្រាក្រហមយ៉ាងរ៉ូមែនទិកនិងស្នាក់នៅសណ្ឋាគាបន្ទប់ក្បែគ្នានៅមាត់សមុទ្រនៃប្រទេសបារាំងទៀតផង។ចៅលោកស្រីពាន់ ភួងបុប្ផា រូបនេះបានថ្លែងពីទំនាក់ទំនងរវាងលោកនិងសូនីតា មានទាំងផ្អែមល្ហែម និងល្វីងជូរចត់ជាមួយគ្នាថាសូនីតា ជាអ្នកនៅពីក្រោយភាពជោគជ័យរបស់លោក ។ លោកបន្ថែមថា”អ្នកទាំងអស់គ្នាធ្លាប់ឃើញដៃគូសិល្បៈជាគូស្នេហា តែខ្ញុំនិងគាត់ដៃគូគ្នាជាលក្ខណៈបងប្អូនតែម្ដង។ ជួយគិត ជួយគ្នា ប្រឹក្សា លើកទឹកចិត្តគ្នា គាំទ្រគ្នា ជម្រុញគ្នា ភ័យស្លន់ជាមួយគ្នា ឈ្លោះគ្នា ប្រកែកគ្នា យំសោក ហើយងើបធ្វើការតទៀត គឺជារឿងធម្មតាទៅហើយ តែសំខាន់ខ្ញុំនិងគាត់មិនដែលបោះបង់ចោលគ្នាទេ។ យើងជោគជ័យជាមួយគ្នា ដើរជាមួយគ្នា។ ធ្វើអីគិតឃើញគ្នាមុនគេ។ សួរថាល្អល្អូកល្អើនរហូតអត់? គឺអត់ទេ តែយោគយល់ ការពារគ្នា ស្រលាញ់គ្នាដូចគ្រួសារបង្កើត។ ពេលនេះ បេសកកម្មមក Cannes Film Festival បានរួចរាល់ជាស្ថាពរ។ ផ្ទះស្រលាញ់ ស្រលាញ់សៀវភៅ កម្ពុជាឋានសួគ៌លើដី នៅតែដំណើរការណ៍ល្អទៅមុខ ដោយមានពួកយើងទាំងពីរស្រាក់ដៃគ្នា ស្រលាញ់ គោរព ជួយគ្នា មិនបោះបង់ចោលគ្នា។សង្ឃឹមថាពួកយើងនឹងមានដំណឹងពិសេសការងារថ្មីៗឆាប់ៗនេះសម្រាប់អ្នកគាំទ្ររបស់ខ្ញុំនិងគាត់” ។
លោកម៉ានិត បញ្ជាក់ដែរថាលោកចាត់ទុកសូនីតា គឺជាបងស្រី ខណៈដែលស្រីស្រស់សម្លេងស្រាលរូបនេះវិញក្រោយចៅលោកស្រីបុប្ផា រៀបរាប់និងសរសើរពីគុណសម្បត្តិរបស់នាងបែបនេះនាងវាចាថា”យើងជោគជ័យទាំងអស់គ្នា “។
Fan មិនតិចនាក់ទេដែលច្រណែនលោកម៉ានិត ព្រោះលោកញាំស្រាក្រហមជាមួយសីស្អាតសូនីតា ហើយអោបគ្នាយ៉ាងរ៉ូមែនទិក តែលោកថាគ្មានស្នេហាជាមួយនាង និងចាត់ទុកថាជាបងស្រីទៅវិញ។បុរសដែលធ្លាប់គ្រឺតក្នាញ់សម្រស់សូនីតា មិនតិចនាក់ទេបានលាន់មាត់ថា”កោតតែម៉ានិត ទ្រាំបាន,អត់ក្តៅសាច់ទេអី? បើស្រីដូចគ្នាក៍ពិបាកទប់អារម្មណ៍ដែរ …”។
ជាមួយគ្នានេះដែរមានការលើកឡើងថាមាន សូនីតា ធ្លាប់អះអាងថានាងមានសង្សារទៅហើយ តែស្ថិតក្នុងតំណាក់កាលមើលចិត្តថ្លើមគ្នា ហេតុនេះគេសរសើរគូស្នេហ៍របស់នាងថាពិតបុរសដែលមានចិត្តធ្ងន់បំផុតមែន អត់ចេះប្រចណ្ឌនីតា ជាមួយលោកម៉ានិត សោះ បើជាប្រុសផ្សេងវិញឆេះដុំជាមិនខាន ។ប៉ុន្ដែគេនៅមិនដឹងថាគូស្នេហ៍លាក់មុខរបស់សូនីតា គឺជាប្រុសរូបណាទេ បើទោះជាកន្លងមកធ្លាប់លេចឭថាមន្រ្ដីគយវ័យចំណាស់ម្នាក់បានតាមស្នេហានាងយ៉ាងប្រកតិបំផុតក្ដី តែនាងមិនដែលហ៊ានបកស្រាយរឿងនេះនិងអត់ដែលបញ្ចេញមុខគូស្នេហ៍ពិតជាសាធារណៈម្ដងណាឡើយ ។
មាន សូនីតា ស្ថិតក្នុងចំណោមតារាជំនាន់ក្រោយដែលមានទ្រព្យយ៉ាងឆាប់រហ័ស្ស ព្រោះបច្ចុប្បន្ននាងរស់នៅផ្ទះវីឡារយ៉ាងប្រណិត ជិះរថយន្ដទំនើបៗ និងមានហាង៣ផ្សេងគ្នាគឺហាងកាហ្វេ ,ហាងកាត់ដេរ និងហាងក្រម៉ា ។អតីតFrshie ឆ្នាំ២០០៩ រហ័ស្សនាមរាជនីក្រម៉ា រូបនេះធ្លាប់មានដំណឹងថានាងមានស្រីតាមស្នេហាច្រើនជាងប្រុសទៅទៀត ប៉ុន្ដែនីតា បានលាក់ម្ចាស់ចិត្តជិតឈឹងទើបមកដល់ពេលនេះគេមិនទាន់ដឹងថាតើម្ចាស់បេះដូងរបស់នាងគឺម្នាក់ណាឡើយ៕
