ភ្នំពេញ៖សុគន្ធ និសា បានដឹកដៃស្វាមីនាងលោកចៅ សម្បត្តិ ចេញទៅមើលផ្ទះរបស់ពួកគេនៅរដ្ឋBoston សហរដ្ឋអាមេរិក និងដំណើរកម្សាន្ដជាលក្ខណៈឯកជនរយៈពេលខ្លីផងដែរ ។នេះជាទម្លាប់ទៅហើយដែលឲ្យតែនៅរដូវធ្លាក់ភ្លៀងនិសា ដឹកដៃប្ដីទៅអាមេរិក ដើម្បីរឹតចំណងស្នេហាឲ្យកាន់តែរឹងមាំថែមទៀត ព្រោះនេះជាពេលវេលាដែលនាងស្បើយពីការច្រៀងសម្ដែងក្នុងស្រុក បន្ទាប់ពីកើបលុយ១រដូវក្ដៅពេញ។យ៉ាងណាតំណើរលើកនេះរបស់និសា ក៍មានតារាដែលស្និតបំផុតជាមួយនាងគឺនាងណាក់ ស្រីណា រួមជាមួយផងដែរ ហើយតាមស្រីណា ថាគឺនាងនិងនិសា ទៅអាមេរិកមានពេលខ្លី ព្រោះត្រូវប្រញ៉ាប់វិលមកខ្មែរជួបជុំគ្នាវិញ ។
ការនាំប្ដីចេញទៅអាមេរិកលើកនេះរបស់សុគន្ធ និសា ក៍មិនខុសពីលើកមុនៗដងដែរ ពោលគឺតារាជិតដិត និងFan ក្រៅពីជូនពរឲ្យនាងមានសុវត្ថិភាពល្អទាំងទៅនិងមកនោះក៍មានអ្នកចង់ឲ្យនាងបានសម្រេចបំណងធំមួយទៀតនោះគឺការផ្ដល់កំណើតកូនលើកដំបូងលើដីអាមេរិកដើម្បីឲ្យស្នេហានាងកាន់តែមានភាពកកក់ក្ដៅថែមទៀត ខណៈដែលការចេញទៅកាលពីឆ្នាំមុនក្រុមតារាចម្រៀងហង្សមាសភាគច្រើនដែលជូនពរនាងឲ្យពពោះលើទឹកដីអាមេរិកនោះបានត្រឹមខកចិត្តព្រោះពេលនាងមកខ្មែរវិញនៅតែអត់ដដែល ។ចំពោះជើងនេះវិញ គេមិនទាន់អាចសន្និដ្ឋានជាមុនថាតើនិសា អាចមកវិញមានផ្ទៃពោះដូចបំណងមែន ឬនៅតែអត់ដដែល ព្រោះតាមការអះអាងរបស់ស្រីណា គឺមានរយៈពេលខ្លីបំផុតពោលគឺដូចទៅអើតនៅអាមេរិកមួយភ្លែតអីចឹង ។
សុគន្ធ និសា បានរៀបគម្រោងយកកូនតាំងពីឆ្នាំ២០២១ ប៉ុន្ដែបានបរាជ័យ៣លើកមកហើយទើបធ្វើឲ្យនាងអាចប្រឈមពិបាកយកកូនព្រោះតែរៀបការប្ដី៧ឆ្នាំ គ្មានកូន១គ្រាប់ ។ប៉ុន្ដែនិសា ធ្លាប់ប្រាប់អ្នកយកព័តមានយើងថាមូលហេតុដែលនាងមិនអាចការភ្លាម មានកូនភ្លែតដូចគេនោះគឺដោយសារតែនាងចង់យកកូនតាមគម្រោងការច្បាស់លាស់ មិនចង់បានកូនដោយចៃដន្យឡើយ។ចំណែកក្រុមគ្រួសារទាំងសងខាងបានជម្រុញឲ្យនាងយកកូនតាំងពីនាងរៀបការរួចភ្លាមៗម្លេះ ។
បើតាមប្រភពថាសុគន្ធ និសា អាចពិបាកយកកូនព្រោះតែនាងពន្យាពេលយកកូនច្រើនឆ្នាំពេក ហើយរឿងនោះដោយសារតែនាងមិនចង់បាត់មុខពីការច្រៀងសម្ដែងជាច្រើនខែពេលពពោះ និងរឿងសំខាន់មួយទៀតនាងចង់ផ្ដល់កំណើតកូនដំបូងលើដីអាមេរិក ពោលគឺកើតភ្លាម បានសញ្ជាតិអាមេរិកភ្លែត ទើបឥឡូវដល់វេលាត្រូវយកកូនបែជាមិនបានដូចចិត្តបែបនេះ ។តែនិសា ដែលមានអាយុ៤១ឆ្នាំ នោះនៅមិនទាន់អស់សង្ឃឹមទេ ព្រោះថាមិត្តភក្ដិរបស់នាងមាស សុខសោភា អាយុ៤៣ឆ្នាំដែលគេមិនដែលឃើញនាងពពោះទាល់តែសោះស្រាប់តែថ្មីៗនេះនាងប្រកាសថាមានកូនកំលោះអាយុ១៨ឆ្នាំទៅហើយ ។
សូមបញ្ជាក់ថាក្រៅពីសុគន្ធ និសា តារាដែលជ្រើសផ្លូវសាងស្នេហាជាមួយបុរសអាណិកជនខ្មែរនៅអាមេរិកមានដូចជាអ្នកនាងគឹម លក្ខិណា ,វ៉េត រតនា និងសារ៉ាយ សក្ខណា ជាដើម ។ចំពោះនិសា វិញបន្ទាប់ពីមានប្ដី៧ឆ្នាំនេះនាងមិនសូវមានបទចម្រៀងល្បីៗដូចមុនទៀតទេ ដែលធ្វើឲ្យនាងពិបាករក្សារតំណែងក្នុងចំណោមតារាចម្រៀងស្រីលំដាប់ជូរមុខនៅហង្សមាស។បញ្ហានេះក៍បានធ្វើឲ្យនិសា បារម្ភខ្លាំងដែរ ប៉ុន្ដែនាងថារឿងនេះកើតមានចំពោះតារាទូទៅ ព្រោះថាអ្នកចម្រៀងសព្វថ្ងៃមិនផ្ដោតលើអាជីពសិល្បៈតែមួយច្រកទេ គឺមានមុខរបរតាមOnline ហេតុនេះហើយបានជាធ្វើឲ្យលែងសូវមានបទចម្រៀងចេញច្រើនដូចមុន ខណៈដែលរូបនាងមានមុខរបរមួយចំនួនក្រៅពីសិល្បៈមានដូចជាគ្លីនិកកែសម្រស់ ,លក់គុយទាវខ្ចប់ ,កាហ្វេ និងចេកឆឹង ជាដើម ។ដើម្បីកុំឲ្យធ្លាក់កូដខ្លាំងនិសា នាងបានផ្អាកថតភាពយន្ដទាំងស្រុងនារយៈពេលប៉ុន្មានឆ្នាំចុងក្រោយនេះដើម្បីយកពេលមកពង្រឹងអាជីពចម្រៀង ប៉ុន្ដែហាក់នៅទ្រឹងស្របពេលដែលថៅកែហង្សមាសមិនចង់ឲ្យនាងដើរចេញជាលើកទី២ទេ ទើបឲ្យតំណែងធំនាង២ព្រមគ្នាគឺជាគ្រូបង្វឹកThe Voice Kids Cambodia រដូវកាលទី៣ និងCambodian Idol Junior រដូវកាលទី២។
Fan ចាំមើលថាអ្នកនាងប៊ុន សុគន្ធា ហៅសុគន្ធ និសា ជោគជ័យរឿងយកកូននៅឆ្នាំ២០២៤ ឬប្រឈមបរាជ័យលើកទី៤ ?
