ភ្នំពេញ៖តារាចម្រៀងរ៉េប វណ្ណដា កាន់តែបង្ហាញភាពផ្អែមល្ហែមស្នេហ៍ជាមួយស្រីក្មេងនាងLauryn ពីមួយថ្ងៃទៅមួយថ្ងៃមិនចាញ់តារារ៉េបងួន ចាន់ដេវីត -ទេព បូព្រឹក្ស ឡើយ ក្រោយតារារ៉េប របស់ផលិតកម្មបារមី រូបនេះបង្កាត់ភ្លើងស្នេងហាជាមួយស្រីស្រស់ជាង១ឆ្នាំ ។ដើម្បីឲ្យសង្សារកាន់តែទុកចិត្តនិងកុំឲ្យស្រីផ្សេងៗតាមញ៉ែ នាងLauryn បានឲ្យវណ្ណដា អោបថើប ស្អិតល្មូតនាងជាសាធារណៈតែម្ដងដែលសកម្មភាពនោះធ្វើឲ្យមានការទាក់ ទាញនៅលើបណ្ដាញសង្គមហើយមនុស្សប្រុសជាច្រើនបានសរសើរវណ្ណដា ថាពូកែរកបានសង្សារសាច់សខ្ចីញេញតែម្ដង ។ប្រភពបានឲ្យដឹងថាចំណងស្នេហានេះត្រូវបានក្រុមគ្រួសារវណ្ណដា និងនាងLauryn គាំទ្រ ប៉ុន្ដែគ្មានដំណឹងពួកគេគ្រោងដឹកដៃគ្នាចូលរោងការនៅពេលណាឡើយ បើទោះជាសង្សារថ្មីរបស់តារារ៉េប រូបនេះធ្លាប់បានទៅដល់ផ្ទះលោកនៅកំពង់សោម ជាញឹកញាប់ក្ដី ។
គួរបញ្ជាក់ថាវណ្ណដា ជាតារារ៉េប លំដាប់ជូរមុខគេនាពេលបច្ចុប្បន្នដែលប្រជែងទីផ្សារចម្រៀងយ៉ាងស្វិតស្វាញជាមួយងួន ចាន់ដេវីត ប៉ុន្ដែតាមប្រភពពីអ្នកដឹកនាំការប្រគុំតន្ត្រីបានបង្ហើបឲ្យដឹងថាវណ្ណដា មានតម្លៃខ្លួនខ្ពស់ជាងដេវីត ព្រោះបទចម្រៀងលោកមានViews ច្រើនជាង ទោះជាតារាជក់បារីជាប្រចាំវណ្ណដា បានបាត់ដៃស្ដាំរបស់ខ្លួនគឺលោកសង្ហារ ទៅចូលទ្រនុំGalaxy ដែលធ្វើឲ្យពិបាកវាយលុកទីផ្សារចម្រៀងរ៉េប ខ្លាំងដូចមុន ប៉ុន្ដែគេឃើញតារាចាក់សាក់រូបនេះមិនធ្លាក់ចុះព្រោះអត់ដៃគូចម្រៀង នោះទេ ព្រោះពេលនេះលោកកំពុងមានក្ដីសុខបានថ្នាក់ថ្នមដៃអូនសាច់សខ្ចីដូចបណ្ដូលចេកនាងLauryn យ៉ាងកក់ក្ដៅ បន្ទាប់ពីលោកបានចែកផ្លូវជាមួយនាងNam ។
អ្នកយកព័តមានយើងមិនអាចទាក់ទងវណ្ណដា បានទេ ព្រោះគ្មានលេខ ខណៈអ្នកទីផ្សារផលិតកម្មបារមី មាន ល័ក្ខខណ្ឌសាំញាំច្រើនចំពោះសារព័តមានដែលសម្ភាសន៍តារារបស់ខ្លួន។យ៉ាងណាវណ្ណដា ពេលនេះត្រូវគូស្នេហ៍ថ្មីតាមស្អិតគ្រប់ជំហ៊ានតែម្ដង ហើយគេឃើញថាក្រោយពួកគេចាប់ដៃគ្នាជាង១ឆ្នាំនេះវណ្ណដា ហាក់កាន់តែមានយីអ៊ុនល្អ ព្រោះបានធ្វើBA ក្រុមហ៊ុនធំៗជាបន្ដបន្ទាប់ ពោលគឺមិនចាញ់ងួន ចាន់ដេវីត ឡើយ ។
គួរបញ្ជាក់ថាទោះក្រៅពីវណ្ណដា និងងួន ចាន់ដេវីត ដែលអុកឡុកទីផ្សាររ៉េប នោះបច្ចុប្បន្នមានតារាចម្រៀងអា ជីពកាន់តែច្រើនបានផលិតវិស័យមួយនេះ បើទោះជាចង្វាក់រ៉េប គ្មានប្រភពច្បាស់លាស់ក្ដី ។លោកព្រាប សុវត្ថិ ,ខេមរៈ សិរីមន្ដ ,ឡេង តារា(ខ្មែរ១ជីវិត)ទេព ពិសិដ្ឋ ,ចាន់ សុបញ្ញា ,សុវត្ថិ មុនីវណ្ណ និងពេជ្រ សោភា ជាដើមសុទ្ធតែធ្លាប់ច្រៀងរ៉េប បើទោះជាមានតារាខ្លះសាកល្បងបានតែ១ប្រាវក៍បាត់ទៅវិញក៍ដោយ ។សម្រាប់វណ្ណដា វិញនៅឆ្នាំ២០២៤ នេះលោកលេចធ្លោរឿងស្នេហាជាមួយនាងLauryn ច្រើនជាងចម្រៀង ហើយការបញ្ចេញស្នេហាជាសាធារណៈនេះ នាំឲ្យស្រីផ្សេងៗទៀតលែងហ៊ានតាមស្នេហ៍ស្និតតារារ៉េប ល្បីឈ្មោះម្នាក់នេះទៀតហើយព្រោះខ្លាចស្រីក្មេងឆេះដុំ ។ប៉ុន្ដែយ៉ាងណាគ្មានដំណឹងថាវណ្ណដា គ្រោងបណ្ដុះឬបង្ហាត់នាងLauryn ឲ្យក្លាយជាតារារ៉េប ដូចខ្លួនដើម្បីចាប់ដៃគូគ្នានៅលើឆាកដូចងួន ចាន់ដេវីត និងទេព បូព្រឹក្ស ឡើយ បើទោះជាមានFan ជម្រុញឲ្យសង្សារវណ្ណដា ចាប់ជំនាញជាតារារ៉េប ដូចប្រុសស្នេហ៍នាងក្ដី ។
ក្រៅពីវណ្ណដា តារាប្រុសដែលបង្ហាញគូស្នេហ៍ជាចំហ តែគ្មានដំណឹងរៀបការមានដូចជាលោកចាន់ សុបញ្ញា ,នាយព្រែក និងខេម ជាដើម ៕
