ភ្នំពេញ៖ស្រីស្អាតសុខ ពិសី ដែលត្រូវគេផ្ដល់រហ័ស្សនាមថាជារាជនីសម្រស់ប្រចាំសាន់ដេនោះធ្លាប់ត្រូវគេសង្ស័យថានាងបានកែសម្រស់នូវផ្នែកខ្លះដូចជាច្រមុះ ,ចាក់ចង្កា និងដើមទ្រូង ជាដើម ប៉ុន្ដែនាងមិនដែលទទួលស្គាល់សូម្បីតែម្ដង គឺខុសពីនាងតន់ ច័ន្ទសីម៉ា ដែលសារភាពថានាងបានកែច្រមុះ ,ចាក់ចង្កា និងពត់ធ្មេញ ។តែរយៈពេលជាង៥ឆ្នាំចុងក្រោយនេះមិនធ្លាប់លេចឭថាពិសី បានកែសម្រស់នូវផ្នែកផ្សេងៗទៀតនោះទេ ហើយគេបែជាឃើញនាងមានរូបរាងកាន់តែស្វែលតូចច្រឡឹងនិងក្មេងជាងវ័យបើទោះជាឆ្នាំ២០២៤ នេះនាងមានអាយុ៣៤ឆ្នាំ ទៅហើយក្ដី ។អ្នកជំនាញសិល្បៈបានលើកឡើងថាប្រសិនបើពិសី នៅតែមានរូបរាងបែបនេះតទៅទៀត នោះគឺនាងនឹងរក្សារបានទាំងទីផ្សារចម្រៀង និងស្ពតពាណិជ្ជកម្មជាមិនខាន បើទោះជាចុងក្រោយនេះនាងមិនសូវមានបទចម្រៀងល្បីៗចេញដូចមុនក៍ដោយ ។
ក្រៅពីសុខ ពិសី តារាដែលធ្លាប់លេចឭថាបានកែសម្រស់តែមិនធ្លាប់ទទួលស្គាល់ដូចពិសី ដែរមានដូចជានាងថន លក្ខិណា និងគង់ វង្សយ៉ាទី ជាដើម ខណៈដែលតារាកែច្រមុះវិញមានជាច្រើននាក់មកហើយដូចជាពេជ្រ សោភា ,មាស សុខសោភា ,យូរី និងទេព បូព្រឹក្ស … ។ចំពោះពិសី រូបឆោមនាងនៅតែរះត្រដែតនៅសាន់ដេ ហើយនិងឥទ្ធិពលរបស់នាងគ្មានតារាស្រីផ្សេងទៀតរបស់ផលិតកម្មមួយនេះប្រជែងជាមួយនាងបានទេ ។នេះពិសី មិនទាន់ទាំងដឹកដៃលោកឡាយ សុខចំរើន ថៅកែសាន់ដេចូលរោងការផង ចុះបើនាងក្លាយទៅជាថៅកែស្រីផលិតកម្មធំមួយនេះទៀតតើអំណាចនាងនឹងទៅជាយ៉ាងណាទៅ ?
សូមបញ្ជាក់ថាសុខ ពិសី បច្ចុប្បន្នផ្ដោតតែលើការពង្រឹងអាជីពចម្រៀងមួយច្រកប៉ុណ្ណោះ ព្រោះផ្អាកថតភាពយន្ដជាច្រើនឆ្នាំមកហើយ ខណៈដែលរឿងចុងក្រោយនាងសម្ដែងជាតួឯកជាមួយលោកឆាយ វីរៈយុទ្ធ “អាឡេវ ចូលក្រុង “នោះបានជាប់គាំងមិនទាន់ដាក់បញ្ចាំងតាំងពីឆ្នាំ២០១៦ ម្លេះ ។អ្វីដែលគួរឲ្យកត់សម្គាល់នោះពិសី ក្រោយអត់ដៃគូពិសេសលោកខេមរៈ សិរីមន្ដ នោះពេលនេះនាងចាប់ដៃជាមួយលោកឆាយ វីរៈយុទ្ធ ស្និតជាងតារាផ្សេងទៀត បើទោះជានាងថាមិនដែលប្រកាន់ការច្រៀងឆ្លងឆ្លើយជាមួយតារាប្រុសណាក៍ដោយ។
គួរកត់សម្គាល់ថាសុខ ពិសី បានបិទច្រកស្នេហ៍ពីមន្រ្ដីធំៗខ្លះដែលតាមចែចង់នាងជាច្រើនឆ្នាំមកហើយនោះតាមរយៈការភ្ជាប់ស្នេហាជាមួយថៅកែសាន់ដេលោកឡាយ សុខចំរើន ជិត១០ឆ្នាំមកនេះ បើទោះជាអ្នកទាំងពីរមិនដែលសារភាពក៍ដោយ ។បញ្ហានេះបានធ្វើឲ្យស្នេហាពិសី និងថៅកែបាត់បង់ទាំងស្រុងនូវភាពផ្អែមល្ហែមស្នេហ៍ដូចគូស្នេហ៍ដ៍ទៃទៀត តែប្រុសផ្សេងៗទៀតលែងហ៊ានស្នេហ៍ស្និតនាងព្រោះគេជឿរថានាងនឹងក្លាយទៅជាភរិយារបស់លោកចំរើន នាពេលខាងមុខ គ្រាន់តែពេលនេះភាគីទាំងសងខាងពន្យាពេលរៀបការប៉ុណ្ណោះ ។ប៉ុន្ដែក្នុងចំណោមប្រុសតាមប្រម៉ាញ់បេះដូងពិសី នោះគឺមានតែបុរសម្នាក់គត់ដែលមិនក្វល់ពីរឿងព័តមានផ្សព្វផ្សាយរឿងនាងមានស្នេហាជាមួយថៅកែសាន់ដេ ហើយលោកនៅតែបន្ដតាមស្រលាញ់នាងដដែលនោះគឺលោកឧកញ៉ាម្នាក់ដែលជាកូនអ្នកឧកញ៉ាមហាសេដ្ឋីរកស៊ីផ្នែកសណ្ឋាគារ និងលក់សាំង នោះគឺលោក”ហ” ដែលនៅតែបន្ដតាមប្រម៉ាញ់បេះដូងពិសី ក្នុងរយៈពេលជិត១ទសវត្សន៍មកនេះ ។តាមព័តមានថាកូនអ្នកជំនួញលំដាប់សេដ្ឋីនោះមិនមែននៅទំនេរទេ ពោលគឺលោកមានប្រពន្ធកូនទៅហើយអីចឹងហើយបានជាពិសី ព្យាយាមគេចអន្ទាក់ស្នេហ៍មួយនេះ ហើយនាងជ្រើសផ្លូវដូចឱក សុគន្ធកញ្ញា ដែរពោលគឺយកគូស្នេហ៍ជាបុរសដែលស្គាល់ពីអាជីពនាងច្បាស់ដោយផាត់ចោលតំណែងជំទាវលាក់មុខ ។
ក្រៅពីសុខ ពិសី តារាដែលមានគូស្នេហ៍តែមិនហ៊ានបណ្ដើរនៅឆ្នាំ២០២៤ នេះមានដូចជានាងកែវ និសា ,សុខ សោម៉ាវត្តី និងវី ឌីណែត ជាដើម ។សម្រាប់ពិសី វិញនាងអាចពិចារណាលាតត្រដាងស្នេហ៍ជាសារធារណៈនាពេលដ៍ខ្លីនេះដោយជៀសមិនរួច ព្រោះសិស្សប្អូននាងអ៊ីវ៉ា ដែលលាក់សង្សារបាន៧ឆ្នាំ ព្រមបង្ហាញមុខគូស្នេហ៍នឹងត្រៀមរៀបការតាមបំណងឪពុក ខណៈពិសី ដែលត្រូវឪពុកនាងលោកគឹម ហេង ចង់ឲ្យនាងរៀបការជាច្រើនឆ្នាំដែរប៉ុន្ដែនាងនៅតែរារែកចិត្តនៅឡើយ ហើយចំណុចនោះត្រូវបានគេព្យាករណ៍ថាមកពីស្រីស្រស់បារម្ភខ្លាចទីផ្សារចម្រៀងមានការប្រែប្រួលក្រោយពេលរៀបការស្វាមី ៕
