គម្រោងសន្តិភាពក្នុង១៧០ ប្រទេស: HWPLប្រារព្ធខួបលើកទី១០ របស់ខ្លួនក្នុងការរួមចំណែកដល់សន្តិភាពពិភពលោក

ចាប់ពីថ្ងៃទី១៨ ខែកញ្ញា ឆ្នាំ២០២៤ ខួបលើកទី១០ នៃកិច្ចប្រជុំកំពូលសន្តិភាពពិភពលោក HWPL កំពុងត្រូវបានប្រារព្ធឡើងនៅក្នុងប្រទេសកូរ៉េខាងត្បូង និងទីតាំងផ្សេងៗនៅទូទាំងពិភពលោកដែលឈានដល់ ១២២ប្រទេស។ ក្រោមប្រធានបទ ’ការបង្កើតសហគមន៍សន្តិភាពពិភពលោក តាមរយៈកិច្ចសហប្រតិបត្តិការក្នុងតំបន់” ព្រឹត្តិការណ៍នេះរំលឹកដល់ការប្តេជ្ញាចិត្តរបស់ថ្នាក់ដឹកនាំពិភពលោក និងការប្តេជ្ញាចិត្តរបស់ប្រជាពលរដ្ឋ ចំពោះសន្តិ ភាពដែលមានរយៈពេល១ទសវត្សរ៍ ដោយសម្លឹងឆ្ពោះទៅរកយុទ្ធសាស្ត្រនាពេលអនាគត ដើម្បីលើកកម្ពស់សុខដុមរមនាសកល។

HWPL បានបញ្ជាក់ថា គោលបំណងនៃការប្រារព្ធខួបនេះ គឺដើម្បីពិនិត្យមើលសមិទ្ធិផលចាប់តាំងពីឆ្នាំ២០១៤ និងពិភាក្សាអំពីផែនការនាពេលអនាគត។ ព្រឹត្តិការណ៍នេះមានគោលបំណងប្រមូលផ្តុំសមត្ថភាពក្នុងតំបន់ និងកសាងបណ្តាញដែលចាំបាច់សម្រាប់យុទ្ធសាស្ត្រសន្តិភាពដែលស្របតាមលក្ខណៈក្នុងតំបន់។ តាមរយៈនេះ សម័យប្រជុំកំពុងត្រូវបានធ្វើឡើងនៅក្នុងប្រទេសនីមួយៗ ដោយផ្តោតលើក្រុមសង្គមផ្សេងៗ ដើម្បីពង្រឹងបណ្តា ញក្នុងតំបន់ ដើម្បីឆ្លើយតបទៅនឹងការគំរាមកំហែងដល់សន្តិភាពក្នុងតំបន់ និងដើម្បីប្រមូលផ្តុំសមត្ថភាពរួម។មានទីស្នាក់ការកណ្តាលនៅទីក្រុងសេអ៊ូល ប្រទេសកូរ៉េខាងត្បូង វប្បធម៌ឋានសួគ៌ សន្តិភាពពិភពលោក ការស្ដារឡើងវិញនៃពន្លឺ (HWPL) គឺជាអង្គការក្រៅរដ្ឋាភិបាលអន្តរជាតិមួយ ដែលមានទំនាក់ទំនងជាមួយអង្គការ សហប្រជាជាតិ ECOSOC ។ តាមរយៈកិច្ចសហប្រតិបត្តិការអន្តរជាតិ រយៈពេល១០ឆ្នាំ ដើម្បីសន្តិភាព HWPL មានសមាជិកចំនួន៥០ម៉ឺន នៅក្នុងប្រទេសចំនួន១៧០ និងកំពុងអនុវត្តគម្រោងសន្តិភាពតាមរយៈ MOA ឬMOU ជាមួយ១,០១៤អង្គការក្នុង ១០៥ប្រទេស។

លោកប្រធាន Lee Man-hee នៃ HWPL បានចង្អុលបង្ហាញថាការបែងចែកសាសនាបណ្តាលឱ្យមានអ្នកបាត់ បង់ជីវិតយ៉ាងច្រើន ដោយសង្កត់ធ្ងន់ថា សាសនាត្រូវតែនាំមុខក្នុងការសន្ទនា និងការយល់ដឹង។ លោកបន្ថែបទៀតថា ’យើងត្រូវតែធ្វើការរួមគ្នា ដើម្បីបង្កើតពិភពសន្តិភាពមួយ ហើយទុកជាកេរដំណែល សម្រាប់មនុស្សជំនាន់ក្រោយ។ នេះគឺដើម្បីបំពេញបេសកកម្មរបស់យើងជាពន្លឺ ដែលនាំជីវិតទៅកាន់សកលលោក។ មានតែតាមរយៈសេចក្ដីស្រឡាញ់ និងសន្តិភាពប៉ុណ្ណោះ ទើបពិភពលោករួមគ្នាតែមួយបាន”។

ស្របតាមពាក្យគន្លឹះនៃព្រឹត្តិការណ៍នៃកិច្ចសហប្រតិបត្តិការក្នុងតំបន់ HWPL បានបង្កើតភាពជាដៃគូជាមួយអង្គ ការអន្តររដ្ឋាភិបាល Group of 7+ (G7+) និងអង្គការវេទិកានយោបាយកម្រិតខ្ពស់នៃសភាអាមេរិកឡាទីន (Parlatino) ដើម្បីអភិវឌ្ឍគំនិតផ្តួចផ្តើមសន្តិភាព។ G7+ ត្រូវបានបង្កើតឡើងដើម្បីបង្រួបបង្រួមប្រទេសដែលរងផលប៉ះពាល់ដោយជម្លោះដោយចក្ខុវិស័យនៃសន្តិភាព ស្ថិរភាព និងការអភិវឌ្ឍន៍ ដែលមានរដ្ឋសមាជិកចំនួន២០ ហើយ PALATINO ត្រូវបានបង្កើតឡើងដើម្បីលើកកម្ពស់ការអភិវឌ្ឍន៍ និងសមាហរណកម្មក្នុងក្របខ័ណ្ឌនៃលទ្ធិប្រជាធិបតេយ្យពេញលេញដែលមានប្រទេសសមាជិកចំនួន២៣។

គម្រោងការសន្តិភាពនៅប្រទេសទីម័រខាងកើត បង្ហាញដោយរដ្ឋមន្ត្រីក្រសួងឧត្តមសិក្សា វិទ្យាសាស្ត្រ និងវប្ប ធម៌ Dr. Jose Honorio da Costa Pereira Jeronimo ។ លោកបានពន្យល់ថា ក្រសួង និងគ្រឹះស្ថានឧត្តម សិក្សាចំនួន៨ បានចាប់ដៃគូជាមួយ HWPL ដើម្បីណែនាំការអប់រំសន្តិភាពនៅក្នុងប្រទេស។ លោកបានមាន ប្រសាសន៍ថា ’ខ្ញុំជឿជាក់ថា ការអប់រំសន្តិភាពនឹងដើរតួនាទីយ៉ាងសំខាន់ មិនត្រឹមតែជាមុខវិជ្ជាសាមញ្ញប៉ុណ្ណោះ ទេ ប៉ុន្តែក្នុងការជួយសិស្សានុសិស្សរីកចម្រើនទៅជាពលរដ្ឋសកលលោកនាពេលអនាគត និងជាមូលដ្ឋានគ្រឹះ សម្រាប់សន្តិភាព និងស្ថិរភាពនៅទូទាំងសង្គម” ។

ប្រធានាធិបតីទី៣របស់ប្រទេសរូម៉ានី H.E., Prof., Dr. Emil Constantinescu ជាប្រធានវិទ្យាស្ថានវប្បធម៌ និងអរិយធម៌ Levantine បានរំលឹកអ្នកចូលរួមនៃសន្និសីទពិភពលោក HWPL ឆ្នាំ២០២៤ ដែលបានអំពាវនាវឱ្យមានកិច្ចសហប្រតិបត្តិការអន្តរជាតិ ដើម្បីកសាងសន្តិភាព។ លោកបានមានប្រសាសន៍ថា ’ទិដ្ឋភាពដ៏អស្ចារ្យ និងគួរឱ្យចាប់អារម្មណ៍នោះបង្ហាញថា ជំនឿលើសន្តិភាពពិភពលោក គឺច្រើនជាងផែនការមួយទៅទៀត។ នោះជាលើកដំបូងដែលខ្ញុំពិតជាមានអារម្មណ៍ថា យើងទាំងអស់គ្នារួមតែមួយ ដោយមិនគិតពីភាពខុសគ្នានៃការយល់ឃើញរបស់យើង។ យើងទាំងអស់គ្នាត្រូវបានភ្ជាប់នៅក្នុងដង្ហើមតែមួយ សម្រាប់ក្ដីសង្ឃឹមកាន់តែខ្លាំង ឡើងជាសន្តិភាពពិភពលោក។

សន្និសីទសន្តិភាពពិភពលោកនេះ មានការចូលរួមពីឥស្សរជនសង្គមនៅក្នុងគម្រោងសន្តិភាពនៅក្នុងប្រទេសផ្សេងៗ។ នៅប្រទេសកូរ៉េ ពិធីសម្ពោធមួយត្រូវបានប្រារព្ធឡើងសម្រាប់យុទ្ធនាការថ្នាក់ជាតិ ដើម្បីសុខដុមរមនាក្នុងសង្គម ដែលមានឈ្មោះថា ‘រួមគ្នា៖ ការតភ្ជាប់សាធារណរដ្ឋកូរ៉េ’។ ដោយភ្ជាប់ជាមួយអង្គការសង្គមស៊ីវិលចំនួន២៣០ យុទ្ធនាការនេះភ្ជាប់មនុស្សគ្រប់ជំនាន់ និងវប្បធម៌ចម្រុះ ហើយអនុវត្តសកម្មភាពការពារបរិស្ថានផ្សេងៗ ៕