អឺរ៉ុប៖ លទ្ធផលនៃការបោះឆ្នោតប្រជាមតិជាសាធារណៈមួយបានបង្ហាញថាថ្វីត្បិតការគាំទ្រអំពីសមាជិកភាពនៃសហគមអឺរ៉ុបរបស់ប្រទេសម៉ាសេដូនៀបានបញ្ជាក់ឲ្យឃើញពីការថយចុះនៅតែបន្តកើតមានដដែលក្នុងអំឡុងពេលប៉ុន្មានឆ្នាំថ្មីៗនេះយ៉ាងណាក្តី ក៏គេសង្កេតឃើញថា៧៧%នៃប្រជាជនក្នុងប្រទេសនេះបានគាំទ្រការធ្វើសមាហរ័ណកម្មរបស់ពួកគេចូលអឺរ៉ុប។
ការបោះឆ្នោតដែលមានវត្តមានចូលរួមដោយវិទ្យាស្ថានប្រជាធិបតេយ្យ Societas Civilis ដែលសហការជាមួយនិងគ្រឹះស្ថាន Konrad Adenauer Foundation ឲ្យដឹងថាសមាជិកភាពនៃសហគមអឺរ៉ុបគឺនៅតែត្រូវបានគេពិចារណាក្នុងការគាំទ្រដោយរីករាយជាច្រើនលើសលុបដដែលក្នុងប្រទេសម៉ាសេដូនៀ។
ថ្លែងទៅកាន់អ្នកសារព័ត៌មានអំពីការស្វែងរកការបោះឆ្នោតលោក Ivan Damjanoovski មន្ត្រីវិទ្យាស្ថានដើម្បីប្រជាធិបតេយ្យបានថ្លែងថាការគាំទ្រជាសាធារណៈកម្រិតខ្ពស់នេះគឺជាលទ្ធផលមួយនៃក្តីរំពឹងរបស់ប្រជាជនពីគុណប្រយោជន៍សេដ្ឋកិច្ចនៅពេលដែលបានចូលជាសមាជិកសហគមអឺរ៉ុប។
លោកបានថ្លែងប្រាប់ក្រុមអ្នកសារព័ត៌មានថាកត្តាសំខាន់នៃការថយចុះបន្តិចម្តងៗក្នុងបរិមាណអ្នកគាំទ្រការដាក់បញ្ចូលប្រទេសនេះជាសមាជិកអឺរ៉ុបគឺមានជាប់ពាក់ព័ន្ធនឹងបញ្ហាដ៏ស្មុគស្មាញពីបញ្ហាជាមួយនិងក្រិក។
ប្រែសម្រួលដោយ៖ អុីវ វិចិត្រា