ខេត្តព្រះវិហារ ៖ សពបុរសម្នាក់ ត្រូវបានគេប្រទះឃើញដេកស្លាប់យ៉ាងអាណោចអាធ័ម នៅក្នុងកូនខ្ទមចម្ការមួយកន្លែង ដោយនៅលើ ក្បាល និងខ្នងសព មានស្លាកស្នាមកាប់ប្រហារ និងត្រូវសមត្ថកិច្ចដាក់ការសង្ស័យថា ជាករណី ឃាតកម្ម បង្កឱ្យមានការភ្ញាក់ផ្អើលឡើង កាល ពីថ្ងៃទី២១ ខែកុម្ភៈ ឆ្នាំ២០១៧ នៅចំណុច ត្រពាំងធំ ស្ថិតក្នុងភូមិអន្ទឹល ឃុំយាង ស្រុក ជាំក្សាន្ត។
សពជនរងគ្រោះខាងលើ មិនត្រូវបានគេ ស្គាល់អត្តសញ្ញាណនៅឡើយ គ្រាន់តែពិនិត្យ តាមភិនភាគ មានវ័យជាង៣០ឆ្នាំ។
តាមប្រភពពីកន្លែងកើតហេតុ បានឱ្យដឹង ថា នៅមុនពេលកើតហេតុ មានប្រជាពលរដ្ឋ ម្នាក់ បានធ្វើដំណើរឆ្លងកាត់ទីតាំងកើតហេតុ ខាងលើ និងបានប្រទះឃើញម៉ូតូ២គ្រឿងបញ្ឈរ ចោលនៅក្បែរខ្ទមចម្ការ ទើបដើរចូលទៅអើត មើលស្រាប់តែប្រទះឃើញសពបុរសម្នាក់ ដេក ស្លាប់ផ្កាប់មុខដោយមានស្លាកស្នាមរបួសនៅ លើខ្នង និងក្បាលផ្នែកខាងក្រោយ ទើបកើត មានការភ្ញាក់ផ្អើលឡើងរត់ចូលភូមិស្រែកឆោ- ឡោផ្អើលដល់អ្នកភូមិចោមរោមមើល និង រាយការណ៍សុំអន្តរាគមន៍ពីសមត្ថកិច្ច។
សមត្ថកិច្ចមូលដ្ឋានបានបញ្ជាក់ថា ក្រោយ ពីទទួលបានសេចក្តីរាយការណ៍ពីប្រជាពលរដ្ឋ រួចមកសមត្ថកិច្ចក៏ចុះមកដល់ទីតាំងកើតហេតុ និងបានពិនិត្យឃើញថា សពជនរងគ្រោះស្លៀក- ខោខូវប៊យជើងវែង ពណ៌ខៀវ គ្មានអាវ ដេក ស្លាប់ផ្កាប់មុខ ដោយនៅលើខ្នង និងក្បាល ផ្នែកខាងក្រោយមានស្លាកស្នាមរបួស ដោយ- សារវត្ថុមុតស្រួច។ ចំណែកនៅក្បែរកន្លែងកើត- ហេតុសមត្ថកិច្ចរកឃើញម៉ូតូ២គ្រឿង មួយ គ្រឿង ម៉ាកគុបជ្រុង ពណ៌ទឹកសមុទ្រ ពាក់ស្លាក លេខ ភព ១ឆ-៨២៨៨ និងមួយគ្រឿងទៀត ម៉ាកសង់កូរ៉េ សេ១០០ ពណ៌ព្រីងទុំ គ្មានពាក់ ស្លាកលេខ ម៉ាស៊ីនកាត់ឈើ១គ្រឿង ព្រមទាំង អត្តសញ្ញាណប័ណ្ណមួយសន្លឹក ឈ្មោះហួត តេ ភេទប្រុស កើតឆ្នាំ១៩៨២ មានលំនៅភូមិឈើ ទាល ឃុំត្បែង ស្រុកកំពង់ស្វាយ ខេត្តកំពង់ធំ ប៉ុន្តែអត្តសញ្ញាណប័ណ្ណមួយនេះ មិនមែនជា របស់សពនោះទេ។
តាមការសន្និដ្ឋានជាជំហានដំបូងរបស់ សមត្ថកិច្ច ករណីនេះ អាចជាអំពើឃាតកម្មតែ យ៉ាងណាពេលនេះសមត្ថកិច្ចកំពុងធ្វើការស្រាវជ្រាវរកអត្តសញ្ញាណជនរងគ្រោះ និងមុខសញ្ញា ប្រព្រឹត្តល្មើស ដើម្បីនាំយកមកផ្តន្ទាទោសតាមច្បាប់៕