ភ្នំពេញ៖ក្នុងMV និងច្រៀងលើឆាកមួយចំនួនពេជ្រ សោភា ធ្លាប់លេងជាមួយពស់ថ្លាន់ដូចជាបី និងយកទៅរំលើកជាដើមដែលអ្នកនៅជិតខ្លួននាងខ្លះរត់ជាន់ជើងគ្នា ព្រោះខ្លាចពស់ខាំ ឬលេបនាងចូលក្នុងពោះ តែសោភា តាំងស្មារតីធម្មតា ។ជាមួយគ្នានេះដែសោភា ក៍ធ្លាប់ថតជាមួយថតអោបស្វានៅអង្គរវត្តដែលល្បីថាជាស្វាកាចកាំអ្នកទេសចរ រួមទាំងថតបីជាមួយសត្វបង្កួយយក្សទៀតផងតែនាងគ្មានអារម្មណ៍ភ័យ ព្រឺសំបុរនោះទេ ។ប៉ុន្ដែសោភា បែជាថាសត្វដែលនាងខ្លាចបំផុតក្នុងជីវិតគឺជា«សត្វជីងចក់» ទៅវិញ ។នាងថាជីងចក់នេះឲ្យតែឃើញគឺដឹងតែភ័យរត់ជើងសព្រាត ឬបាស់សក់ច្រូងតែម្ដង ព្រោះមើលទៅគួរឲ្យញញើត អត់ហ៊ានប៉ះ ទេ ។
ដោយសារឃើញពេជ្រ សោភា ខ្លាចនូវសត្វដែលមិនគួរឲ្យខ្លាច និងមិនខ្លាចនូវសត្វដែលមើលទៅគួរឲ្យខ្លាចនោះទើបFan សោភា ខ្លះនិយាយលេងបែបសើចទៅសោភា ថា«ខ្ញុំក៍ចាញ់បោកជីងចក់រាល់ព្រឹកដែរ ចែភា!»។សូមបញ្ជាក់ថាសត្វដែលពេជ្រ សោភា ស្រលាញ់ជាងគេនោះគឺ«សត្វឆ្មា»ដែលនាងឲ្យឆ្មា គេងនៅលើពូកជាមួយនាងតែម្ដង ។ តែសោភា មិនដែលចិញ្ចឹមសត្វសាហាវៗដែលនាងបីលេងដូចជាពស់ នៅផ្ទះនាងឡើយ ។
មជ្ឈដ្ឋានមហាជនសង្កេតឃើញថាពេជ្រ សោភា នៅឆ្នាំ២០២៥ នេះនាងនៅតែមានទីផ្សារសិល្បៈ បើទោះជាមានដំណឹងថានាងបានដើរចេញពីហង្សមាសតាំងពីចុងឆ្នាំ២០២៤ ក្ដី តែសោភា ដែលមានអាយុ៤១ឆ្នាំ នោះចេញមុខច្រៀងតាមConcerts ធំៗជាបន្ដបន្ទាប់។អ្វីដែលគួរឲ្យកត់សម្គាល់ពេជ្រ សោភា ដែលធ្លាប់ប្រកាសថាបានភ្ជាប់ពាក្យជាមួយលោកឆឹម សក្កដា ថ្ងៃទី១១ ខែ១១ ឆ្នាំ២០២២ នោះពេលនេះសោភា បានប្រកាសកាលនៅថ្ងៃខួបកំណើតលោកឆឹម សក្កដា កាលពីថ្ងថៃទី២ ខែ២ ឆ្នាំ២០២៥ ទំនាក់ទំនងនាងជាមួយសក្កដា បានប្រែក្លាយទៅជាមិត្តភ្ដិ។
ពេជ្រ សោភា ជូនពរលោកសក្កដា នៅថ្ងៃខួបកំណើថា«ជូនពរមិត្តភក្ដិឲ្យមានសំណាង មានការងារច្រើន ប្រាថ្នាអ្វីបានដូចបំណងណា អ្នកណាថាពីស្នេហាមកជាមិត្តភក្ដិមិនបាន ឥឡូវមិត្តភក្ដិតិចទៀតក៍មិត្ដភក្ដិ » ។ចំណែកលោកឆឹម សក្កដា បានតបទៅពេជ្រ សោភា វិញភ្លាមៗថា«ពេលអ្នកកុហកខ្ញុំ ខ្ញុំដឹងទាំងអស់ តែខ្ញុំមិននិយាយ គ្រាន់តែខ្ញុំដើរចេញ និងនៅឲ្យឆ្ងាយពីមនុស្សចូលចិត្តកុហកដូចអ្នក» ។
គេកត់សម្គាល់ថាចំណងស្នេហាពេជ្រ សោភា-ឆឹម សក្កដា ជាង២ឆ្នាំនេះផ្អែមល្ហែមបានតែដំបូងៗ តែជិត១ឆ្នាំចុងក្រោយនេះពួកគេខ្វែងគំនិតគ្នា រហូតសឹងតែលែងដើរចូលគ្នាតែម្ដង ។សកម្មភាពបែបនេះធ្វើឲ្យលោកសក្កដា ព្រមានធ្វើអត្តឃាតបញ្ចប់ជីវិតជាច្រើនលើកច្រើនសារ ប៉ុន្ដែសោភា បែជាថាអត់ដឹងរឿងគ្រប់យ៉ាងទៅវិញ ។ដោយឡែកទាក់ទងរឿងរៀបការវិញសោភា ធ្លាប់ប្រាប់អ្នកយកព័តមានយើងកាលពីពេលថ្មីៗនេះថានាងលែងនិយាយរឿងរៀបការទៀតហើយ ហើយក៍គ្មានការកំណត់ពីពេលវេលាជាក់រៀបការទៀតដែរ ។កាវាចាបែបនេះក្រោយពីសោភា- សក្កដា លុបចោលមង្គលការកាលពីឆ្នាំ២០២៣ យ៉ាងទាន់ហន់ដោយគ្មានមូលហេតុ។
ក្រៅពីពេជ្រ សោភា តារាដែលចូលចិត្តថតជាមួយសត្វមានដូចជាឌួង ហ្សូរីដា (ចូលចិត្តដំរី ,ឆ្កែ) ,សុគន្ធ និសា (ចូលចិត្តឆ្កែ) និងលោកព្រាប សុវត្ថិ (ចូលចិត្តឆ្កែ និងស្វា) ជាដើម ៕
