បែកធ្លាយ! ទូរស័ព្ទស្មាតហ្វូន Samsung Galaxy ដែលធ្លាប់បានបង្ហាញវត្តមាននៅក្នុងព្រឹត្តការណ៍សន្និបាតបណ្តាញចល័តពិភពលោកក្នុងទីក្រុង Barcelona ដែលកាលពីថ្មីៗនេះតែត្រូវបរាជ័យដោយសារតែ Galaxy Note 7 រហូតជំរុញឲ្យក្រុមហ៊ុនផ្អាកផលិតកម្មម៉ូដែលនេះបណ្តោះអាសន្ន បច្ចុប្បន្នបានសម្រេចចិត្តចេញលក់ម៉ូដែលថ្មីសែស្រឡាយ Galaxy ក្នុងត្រកូល Samsung របស់ខ្លួននៅចុងខែមីនាខាងមុខនេះ ។
ជាក់ស្តែងក្រោយពីក្រុមហ៊ុនយក្ស Samsung ធ្វើសុន្ទរកថាកាលពីរាត្រីថ្ងៃអាទិត្យ យើងបានដឹងយ៉ាងច្បាស់ពីពេលវេលាដែលសែស្រឡាយ Galaxy ម៉ូដែល S8 នឹងចេញលក់នៅថ្ងៃទី២៩ខែមីនាខាងមុខនេះជាមិនខាន។
តែយ៉ាងណាលោក David Lewis ប្រធានប្រតិបត្តិទីផ្សារក្រុមហ៊ុន Samsung ប្រចាំតំបន់អឺរ៉ុបបានបង្ហាញនូវវីដេអូខ្លីមួយដែលអះអាងពីកាលបរិច្ឆេទពិតនៃការបង្ហាញវត្តមានរបស់ Galaxy S8 ដ៏ថ្មីសន្លាង ក្នុងថ្ងៃទី២៩ខែមីនា តាមសំណើរនៃការទម្លាយព័ត៌មានដល់ទីផ្សារ។
https://www.youtube.com/watch?v=2iNTxLXO-Iw
ប្រែសម្រួលដោយ៖ អុីវ វិចិត្រា