ភ្នំពេញ ៖ ស្រីស្អាតវ័យក្មេងម្នាក់ បើករថយន្តឆ្លងផ្លូវល្បឿនលឿនពេកបើកទៅបុក ម៉ូតូដែលកំពុងតែ ឈប់រង់ចាំភ្លើងស្តុបបណ្តាលឲ្យរងរបួសស្រាលនិងខូចម៉ូតូ កើតឡើងកាលពីវេលាម៉ោង១១និង១០នាទីយប់ថ្ងៃទី១៥ខែមីនាឆ្នាំ២០១៧តាមបណ្តោយផ្លូវព្រះសីហនុនៅចំណុចស្តុបវត្តមហាមន្ត្រីស្ថិតនៅក្នុងសង្កាត់វាលវង់ខណ្ឌ៧មករា។
សាក្សីដែលឃើញហេតុការណ៍បានអោយដឹងថាមុនពេលកើតហេតុគេបានឃើញបុរសម្នាក់ជិះម៉ូតូហុងដាឌ្រីមពណ៌ខ្មៅពាក់ស្លាកលេខភ្នំពេញ1DD0027ធ្វើដំណើរតាមបណ្តោយផ្លូវព្រះសីហនុក្នុងទិសដៅពីកើតទៅលិចខណៈពេលមកដល់ចំណុចកើតហេតុបានឈប់រង់ចាំស្តុបស្រាប់តែស្រីស្រស់សោភាម្នាក់បើករថយន្តបង្កម៉ាកកាមរីបាឡែន ពណ៌ស្ករ ពាក់ស្លាកលេខភ្នំពេញ2AN4971បើកបរតាមបណ្តោយផ្លូវ១៤៣ក្នុងទិសដៅពីក្នុងទិសដៅពីជើងទៅត្បូងបើកឆ្លងស្តុបក្នុងល្បឿនយ៉ាងលឿនមិនបានប្រយ័ត្នក៏ជ្រុលទៅបុកម៉ូតូចំពីមុខពេញទំហឹងបណ្តាលអោយវៀចកង់មុខនិងបែកក្បាំងខាងឆ្វេងសំណាងល្អរងរបួសស្រាល ចំនែកឯរថយន្តវិញក៏មិនមានខូចខាតអីធ្ងន់ធ្ងរទេ គ្រាន់តែបាក់កញ្ចក់ ចំហៀងខាងឆ្វេងតែប៉ុណ្ណោះ។
ក្រោយពេលកើតហេតុជនរងគ្រោះគាត់ទាមទារសំណង់ចំនួន100$ ប៉ុន្តែខាងរថយន្តបង្កវិញព្រមសងតែ50$ ។ ដោយមានការសម្របសម្រួលរបស់សមត្ថកិច្ចមកទើបជនរងគ្រោះព្រមយកសំណងចំនួន60$ដើម្បីបញ្ចប់រឿងនៅកន្លែងកើតហេតុ៕ ឥន សាន់ស៊ីដេត