ទីផ្សារអចលនទ្រព្យ៖ អង្គការឃ្លាំមើលទីផ្សារបានបង្ហើបកាលពីថ្ងៃព្រហ្បត្តិ៍នេះថាមហទ្ធជន(មូលធនិកធំៗ)អចលនទ្រព្យក្នុងស្រុកកំពុងងាកចេញពីការវិនិយោគទ្រង់ទ្រាយធំក្នុងវិស័យអចលនទ្រព្យកូរ៉េខាងត្បូង ស្របពេលដែលប្រទេសនេះរៀបចំប្រារព្ធការបោះឆ្នោតប្រធានាធិបតីគួបផ្សំនិងការដំឡើងអត្រាការប្រាក់។
អ្នកវិភាគមួយរូបរបស់ធនាគារសេអ៊ូលបានលើកឡើងថាវិនិយោគិនធំៗថ្មីៗនេះកំពុងប្រុងប្រយ័ត្នចំពោះការផ្លាស់ប្តូរតំណែងមេដឹកនាំរបស់ប្រទេសនេះ ថ្វីត្បិតតែពួកគេនៅតែមិនសប្បាយចិត្តចំពោះអត្រាការប្រាក់ក្នុងឧស្សាហកម្មនេះយ៉ាងណាក្តី ។
ធនាគារកណ្តាលសហរដ្ឋអាមេរិកបានដំឡើងអត្រាការប្រាក់គោលប្រមាណជា២៥ពិន្ទុក្នុងកម្រិត០,៧៥ទៅ១%កាលពីថ្ងៃពុធ ដែលជាសញ្ញានៃបង្កើនបន្ថែមនៅលើផ្លូវមួយដែលប៉ះពាល់ជាវិជ្ជមានដល់ការអភិវឌ្ឍក្នុងវិស័យសេដ្ឋកិច្ចសហរដ្ឋអាមេរិក។
អ្នកតាមដានទីផ្សារបានព្យាករទុកថាកូរ៉េខាងត្បូងអាចនឹងធ្វើតាមការពេញចិត្តនៅថ្ងៃអនាគតដ៏ខ្លីនេះថ្វីបើធនាគារកណ្តាលបានបញ្ជាក់យ៉ាងច្បាស់ថាខ្លួននឹងមិនឆ្លើយតបនឹងយន្តការនៃការដំឡើងអត្រាការប្រាក់សហរដ្ឋអាមេរិកឡើយ។
ការបោះឆ្នោតប្រធានាធិបតីនៅថ្ងៃទី៩ខែឧសភាខាងមុខនេះគឺជាកត្តាដ៏ធំមួយផ្សេងទៀតដែលប៉ះពាល់ដល់ទីផ្សារអចលនទ្រព្យរបស់ប្រទេសនេះ។
ប្រែសម្រួលដោយ៖ អុីវ វិចិត្រា