ភ្នំពេញ ៖ ស្ថានទូតចិន ប្រចាំកម្ពុជា កាលពីល្ងាចថ្ងៃទី២៦ ខែវិច្ឆិកា ឆ្នាំ២០២៥ បានប្រកាសតាមគណនីបណ្តាញសង្គម WEIBO របស់ខ្លួនថា ក្រោមការសហប្រឹងប្រែងរបស់ភាគីចិន និងកម្ពុជា លោកលី យីហឹង (Li Yiheng) ជាជនជាតិចិន ម្នាក់ ដែលបានបាត់ខ្លួននៅកម្ពុជា ត្រូវបានរកឃើញនិងជួយសង្គ្រោះដោយជោគជ័យ ហើយបានមកដល់ស្ថានទូតចិន ប្រចាំកម្ពុជា ហើយ។ ស្ថានទូត កំពុងរៀបចំឯកសារ សម្រាប់ឱ្យលោកលី យីហឹង ត្រឡប់ទៅប្រទេសវិញ។
ជាមួយនេះ ស្ថានទូតចិន ប្រចាំកម្ពុជា បន្តរំលឹកដល់ជនជាតិចិន ទាំងអស់ ឱ្យបង្កើនការប្រុងប្រយ័ត្នចំពោះព័ត៌ មានជ្រើសរើសបុគ្គលិក ដូចជា “ការងារប្រាក់ខែខ្ពស់” ឬ “ការងាររកលុយងាយស្រួល” ដើម្បីចៀសវាងការត្រូវបន្លំនិងការគំរាមកំហែងដល់សុវត្ថិភាពផ្ទាល់ខ្លួន។
គួរបញ្ជាក់ថា រយៈពេល២-៣ថ្ងៃចុងក្រោយនេះ បណ្តាញសង្គមចិន បានផ្ទុះព័ត៌មានពាក់ព័ន្ធនឹងលោកលី យីហឹង (Li Yiheng) ដែលជាប្អូនជីដូនមួយរបស់តារាចិន ថុង ជួ (Tong Zhuo) ដោយមានសារផ្សព្វផ្សាយថា លោកត្រូវបានបាត់ខ្លួននៅកម្ពុជា៕