សុីរី៖ មន្ត្រីផ្នែកឱសថនិងអ្នកឃ្លាំមើលអំពីសង្គ្រាមក្នុងតំបន់ដែលកាន់កាប់ដោយក្រុមឧទ្ទាមបានឲ្យដឹងថា ការវាយមួយដែលគេ សង្ស័ យ ថាប្រើអាវុធគីមីហើយត្រូវបានគេជឿជាក់ថាធ្វើឡើងដោយយន្តហោះចម្បាំងរបស់រដ្ឋាភិបាលស៊ីរីបានសម្លាប់មនុស្សយ៉ាងតិច៥៨ នាក់ ក្នុងនោះមានកុមារ១១នាក់ដែលមានអាយុក្រោម៨ឆ្នាំនៅក្នុងតំបន់ភាគពាយព្យខេត្ត Idlib កាលពីថ្ងៃអង្គារ។
ប្រភពពីយោធាស៊ីរីម្នាក់បានបដិសេធយ៉ាងដាច់អហង្ការថាកងទ័ពរបស់ខ្លួនបានប្រើប្រាស់អាវុធប្រភេទនេះ ។
តាមមន្ត្រីសិទ្ធិមនុស្សប្រចាំស៊ីរីនិងប្រភពពីមន្ត្រីផ្នែកឱសថបានឲ្យដឹងថាការវាយប្រហារនេះបានបណ្តាលឲ្យប្រជាជនស្លូតត្រង់និង ទន់ខ្សោយនិងអ្នកមួយចំនួនបានចេញពពុះតាមមាត់របស់ពួកគេ ដែលគេបានពណ៌នាថាវាជាសញ្ញាមួយនៃការវាយប្រហារដោយអាវុធគីមី។
មន្ត្រីអង្គការសិទ្ធិមនុស្សរបស់អង់គ្លេសប្រចាំស៊ីរីបានថ្លែងថាការវាយប្រហារពីដែនអាកាសមកលើក្រុង Khan Sheikhoun ដែលស្ថិតនៅភាគខាងត្បូងខេត្ត Idlib ដែលត្រួតត្រាដោយពួកឧទ្ទាមក៏បណ្តាលឲ្យមនុស្សជាង៦០នាក់រងរបួសផងដែរ ។ កាលពីម៉ោង៦និង៣០នាទីព្រឹក យន្តហោះចម្បាំងបានដាក់ទិសដៅលើក្រុង Khan Sheikhoun ដោយអាវុធគីមីដែលគេជឿជាក់ថាជាប្រភេទក្លូរីននិងជាតិគីមីម្យ៉ាងដែលមាននៅលើអាវុធប្រល័យលោក ។ ក្នុងហេតុការណ៍នេះមានមនុស្សជាង៥០នាក់បានស្លាប់បាត់បង់ជីវិតនិងរងរបួស៣០០នាក់ ។
ប្រភពបន្តទៀតថាក្រោយមកយន្តហោះចម្បាំងបានទម្លាក់គ្រាប់បែកក្បែរទីតាំងផ្គត់ផ្គង់ឱសថដែលជនរងគ្រោះដោយការវាយ ប្រហារ នេះកំពុងព្យាបាលរបួស ។
គណៈកម្មការស៊ើបអង្កេតរបស់អង្គការសហប្រជាជាតិប្រចាំស៊ីរីថ្លែងថាខ្លួនបានចាប់ធ្វើការស៊ើបអង្កេតលើការវាយប្រហារដែលគេសង្ស័ យថាប្រើអាវុធគីមីនេះ ។ក្រោយមកអ្នកជំនាញរបស់ UN បានបញ្ជាក់ថានេះគឺជាការវាយប្រហារដោយអាវុធគីមីដែលកំពុងតែជាក្តីបារម្ភយ៉ាងខ្លាំង តែយ៉ាងណាករណីនេះនៅតែបន្តស៊ើបអង្កេតដដែល។
ប្រែសម្រួលដោយ៖ អុីវ វិចិត្រា