ភ្នំពេញ៖ បុរសម្នាក់ត្រូវបានសមត្ថកិច្ចឃាត់ខ្លួនជាប់ពាក់ព័ន្ធហិង្សាដោយចេតនា ដោយបានប្រើកែបកង់វាយក្បាលឪពុកខ្លួនឯងឲ្យមានរបួស កើតហេតុកាលពីវេលាម៉ោង១៧និង០០នាទីល្ងាចថ្ងៃទី១៨ ខែមិថុនា ឆ្នាំ២០១៧ នៅចំណុចក្នុងផ្ទះសង់ថ្មី ផ្លូវលំ ក្រុម០៤ ភូមិរោងចក្រ សង្កាត់ភ្នំពេញថ្មី ខណ្ឌសែនសុខ ។
ជនសង្ស័យឈ្មោះ សែម ភុំ ភេទប្រុស អាយុ៤២ឆ្នាំ មុខរបររត់ម៉ូតូឌុប ស្នាក់នៅចំណុចក្នុងផ្ទះសង់ថ្មី ផ្លូវលំ ភូមិរោងចក្រ សង្កាត់ភ្នំពេញថ្មី ខណ្ឌសែនសុខ ។ ជនរងគ្រោះឈ្មោះ សោ ជាន ភេទប្រុស អាយុ៦៨ឆ្នាំ មុខរបរនៅផ្ទះស្នាក់នៅចំណុចក្នុងផ្ទះសង់ថ្មី ផ្លូវលំ ភូមិរោងចក្រ សង្កាត់ភ្នំពេញថ្មី ខណ្ឌសែនសុខ ។
សមត្ថកិច្ចបានប្រាប់ថា មុនកើតហេតុ ដោយសាតែកូនប្រុសតែងតែស្រវឹងខួប មិនព្រមទៅរត់ម៉ូតូ និងរកស៊ីអ្វី ទើបឪពុកស្តីបន្ទោសឲ្យ ពេលនោះធ្វើឲ្យបុរសខាងលើខឹងសម្បា ក៍ទាញកែបកង់មកវាយឪពុកចំក្បាលផ្នែកខាងមុខ បណ្តាលឲ្យរងរបួសភ្លាមៗ សមត្ថកិច្ចចុះមកដល់ ក៍ឃាត់ខ្លួនបុរសខាងលើយកមកធ្វើការសាកសួរតែម្តង។
បច្ចុប្បន្ន ជនសង្ស័យកំពុងឃាត់ខ្លួននៅបណ្តោះអាសន្ននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕