ភ្នំពេញ ៖ ដោយសារតែរកស៊ីដណ្តើមម៉ូយកាច់កុងគ្ នាស្រីៗបុគ្គលិកបារបារាំង ស្ថិតនៅទល់មុខគ្នាបានឈ្លោះប្រកែកវាយតប់គ្នាទៅវិញទៅមក បង្កការភ្ញាក់ផ្អើលកាលពីវេលាម៉ោង៣ទៀបភ្លឺថ្ងៃទី៥ ខែកក្កដា ឆ្នាំ២០១៧ តាមបណ្តោយផ្លូវ១៣០ នៅចំណុចមុខហាង Black&White Bar ស្ថិតនៅក្នុងសង្កាត់ផ្សារកណ្តាល១ ខណ្ឌដូនពេញ។
ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុមានស្រីៗបុគ្គលិកបារបារាំង បានគប់ដបស្រាដាក់គ្នា រួចហើយបានរត់ប្រសាចពេញផ្លូវទៅវាយតប់គ្នា រងរបួសស្រាល បង្កឲ្យមានការភ្ញាក់ផ្អើលដល់អ្នកធ្វើដំណើរចោមរោមមើល ។
តាមប្រភពព័ត៌មានពីខាងម្ចាស់ហាង Black&White Bar បានរៀបរាប់ឲ្យដឹងថា មុនពេលដែលកើតហេតុ បុគ្គលិករបស់គាត់មានគ្នាជាង១០នាក់ បានអង្គុយញុំាអីនិងផឹកស្រានៅមុខហាងមិនដឹងជាយ៉ាងម៉េចនោះទេ ក៏ស្រាប់តែបុគ្គលិកហាងទល់មុខ យីហោ Sensations ស្រែកជេរមកលើកូនចៅរបស់គាត់ ហើយបានគប់ថូផ្កាមកលើបុគ្គលិកគាត់ រួចហើយយកកូនកាំបិតចិតក្រូចយកមកគំរាមចាក់ទៀត បានសន្តិសុខ និងប្រជាពលរដ្ឋម្តុំនោះជួយឃាត់ កុំអីត្រូវមានអ្នករងគ្រោះថ្នាក់ហើយមើលទៅ។
ចំណែកម្ចាស់ហាង Sensations បានរៀបរាប់ប្រាប់ថា ហាងគាត់មានបុគ្គលិកជាង១០នាក់ដែរ ស្ថិតនៅទល់មុខហាង Black&White Bar កន្លងមកបុគ្គលិករបស់ហាងដែលនៅទល់មុខគ្នានោះតែងតែហៅម៉ូយកាច់កុងគ្នាជាមួយហាងរបស់គាត់ ព្រមទាំងនិយាយឌឺដងឲ្យបុគ្គលិករបស់គាត់សុទ្ធតែនិយាយថា បុគ្គលិកគាត់សុទ្ធតែមានកូនរួចហើយ នៅមកធ្វើការទៀត ។ នៅយប់កើតហេតុ បុគ្គលិកហាង Black&White Bar បានយកយកកៅចំនួន២ គប់ទៅខាងហាងគាត់ ទើបបុគ្គលិកគាត់ទ្រាំអត់បាន ក៏ចូលទៅវ៉ៃឡើងផ្អើលពេញផ្លូវតែម្តង ភ្លាមៗនោះសមត្ថកិច្ចជួយអន្តរាគមន៍ទាន់ពេលវេលា។
ក្រោយពេលកើតហេតុភាគីទាំងសងខាងបានទៅដល់ប៉ុស្តិ៍នគរបាលរដ្ឋផ្សារកណ្តាល១ តែដោយសារមិនបានរងរបួសស្នាមអ្វីទាំងសងខាង ទើបភាគីទាំងសងខាងមិនបានដាក់ពាក្យបណ្តឹង ហើយត្រឡប់ទៅផ្ទះរៀងៗខ្លួន ៕
