ភ្នំពេញ ៖ បុរសម្នាក់មានប្រពន្ធនិងកូនប្រុសហើយ លួចមានសង្សារម្នាក់ទៀត មិនអស់ចិត្តបានលួងលោមរំលោភសេពសន្ថវៈក្មេងស្រីអាយុ១៧ឆ្នាំ មិនបានសម្រេច ត្រូវម្តាយមីងក្មេងស្រីប្តឹងសមត្ថកិច្ចឃាត់ខ្លួន បង្កឲ្យមានការផ្អើលឆោឡោកាលពីវេលាម៉ោង៦ព្រលប់ ថ្ងៃទី១១ ខែកក្កដា ឆ្នាំ២០១៧ ស្ថិតនៅបន្ទប់ជួលលេខ៦៤ ភូមិព្រៃព្រីងជើង សង្កាត់ចោមចៅ ខណ្ឌពោធិ៍សែនជ័យ ។
ក្មេងស្រីរងគ្រោះ មានឈ្មោះ ស.ស.ន អាយុ១៧ឆ្នាំ មុខរបរសិស្ស ទើបតែមកស្នាក់នៅបន្ទប់ជួលក្នុងភូមិសង្កាត់កើតហេតុខាងលើ បាន២ថ្ងៃ ដើម្បីរកការងារធ្វើ មានស្រុកកំណើត នៅស្រុករុក្ខគិរី ខេត្តបាត់ដំបង ។ ចំណែកជនសង្ស័យមានឈ្មោះ ម៉េត ដែន ភេទប្រុស អាយុ២៥ឆ្នាំ មុខរបរជាងដែក ស្នាក់នៅបន្ទប់ជួលកន្លែងកើតហេតុ មានស្រុកកំណើតភូមិត្រពាំងដង្ហិត ឃុំដូនកឹង ស្រុកកំចាយមារ ខេត្តព្រៃវែង ។ ជនសង្ស័យមានប្រពន្ធនិងកូនប្រុសម្នាក់ នៅឯស្រុកកំណើត ហើយមានសង្សារម្នាក់ទៀត ឈ្មោះ ស៊ូ លីណា អាយុ២២ឆ្នាំ មុខរបរកម្មកររោងចក្រ ស្នាក់នៅជាមួយជនសង្ស័យ មានស្រុកកំណើតភូមិស្រែវាល ឃុំ ស្រែវាល ស្រុកចំការលើ ខេត្តកំពង់ចាម ។
តាមសម្តីក្មេងស្រីរងគ្រោះបានឲ្យដឹងថា ខ្លួនទើបតែមកពីស្រុកស្នាក់នៅបន្ទប់ជួល ជាមួយម្តាយមីងនៅកន្លែងកើតហេតុបាន២ថ្ងៃមកហើយ មុនពេលកើតហេតុ ជនសង្ស័យនិយាយលេងសុំរាប់អានគ្នាជាអ្នកជិតខាង ហើយជនសង្ស័យចេះតែនិយាយលេងសើចលេបខាយ ផ្លែផ្កា ក្នុងន័យស្នេហា ចំអន់លេង លុះនៅវេលាម៉ោង៤រសៀល ថ្ងៃទី១១ ខែកក្កដា ជនសង្ស័យបានប្រើល្បិចហៅឲ្យចូលលេងក្នុងបន្ទប់ជួលនៅជាប់គ្នា ខណៈដែលស្រ្តីសង្សារមិននៅ រួចទាញទ្វារបិទជិតចាប់ដៃជាប់ ស្ទាបអង្អែលប្រដាប់ភេទ ហើយផ្តួលសម្រាតខោរំលោភ ត្រូវបាននាងចាប់ច្របាច់ប្រដាច់ភេទជនសង្ស័យ រុញទៅម្ខាង ស្ទុះរត់បើកទ្វារចេញក្រៅ ផុតពីក្រញាំបិសាចតណ្ហា លុះដល់វេលាម៉ោង៦ព្រលប់ រយៈពេល២ម៉ោងក្រោយកើតហេតុ ម្តាយមីង សាច់ញាតិមកដល់ និយាយប្រាប់ ដឹងសព្វរឿង ក៏បានឃាត់ខ្លួនជនសង្ស័យប្តឹងប៉ូលីសចាប់ចូលប៉ុស្តិ៍តែម្តង ។
ចំណែកជនសង្ស័យវិញ បានឲ្យដឹងថា ខ្លួនមិនមែនចាប់បង្ខំរំលោភនារីខាងលើទេ ក្រោយពីនិយាយត្រូវរ៉ូវគ្នា ប្រគល់ខ្លួនឲ្យស្ទាបអង្អែល បង្កើនអារម្មណ៍ចំណង់ផ្លូវភេទរៀងខ្លួន រួចបើកយុទ្ធនាការរួមភេទ ហើយខណៈពេលដែលកំពុងប្រតិបត្តិការរួមភេទ នាងស្រែកខឹង ស្ទុះវឹង រត់ចេញ ប្រាប់បងប្អូននាង ហើយចោទថាខ្លួនចាប់រំលោភ ។
តាមនគរបាលបានឲ្យដឹងថា ផ្អែកទៅតាមបណ្តឹង ក្មេងស្រីរងគ្រោះចោទប្រកាន់បុរសខាងលើ ចាប់ស្ទាបអង្អែលកេរ្តិ៍ខ្មាស់ ប៉ុនប៉ងរំលោភ ទើបសមត្ថកិច្ចឃាត់ខ្លួនសាកសួរ និង
កសាងសំណុំរឿងបញ្ជូនទៅផ្នែកជំនាញអធិការដ្ឋាន ចាត់ការបន្តទៅតាមនីតិវិធី ៕