វង្ស ថាណាន់ទទួលបានការចាប់អារម្មណ៍ខ្លាំងក្នុងកម្មវិធី Cambodian Idol យប់មិញ

នៅក្នុងកម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី៣សប្តាហ៍ទី៤ កាលពីរាត្រីថ្ងៃទី១២ មករា កន្លងទៅនេះបេក្ខជនប្រឡងលោកវង្ស ថាណាន់ ទទួលបានការចាប់អារម្មណ៍ខ្លាំងទាំងកំសត់ រួមជាមួយទឹកដមសំឡេងក្រអួនក្រអៅខណៈដែលគណៈកម្មការបានផ្ដល់យេសរហូតទៅដល់៤ បានឆ្លងផុតវគ្កJudge Audition ។

លោកវង្ស ថាណាន់ បានលើកយកបទ«ស្រលាញ់អូនរហូត»របស់លោកណុប បាយ៉ារិទ្ធ មកបកស្រាយនៅក្នុងវគ្គJudge Audition នេះជាមួយនឹងទឹកដមសំឡេងក្រអួនក្រអៅមិនចាញ់ម្ចាស់ដើមដោយទទួលបានការលើកសរសើរពីគណៈកម្មការទាំង៤ ដូចជាលោកព្រាប សុវត្ថិ កញ្ញាឱក សុគន្ធ កញ្ញា លោកណុប បាយ៉ារិទ្ធ និងលោកឆន សុវណ្ណរាជ មិនដាច់ពីមាត់រហូតបានឆ្លងកាត់វគ្គនេះ។

គណៈកម្មការទាំង៤បានចាត់ទុកទេពកោសល្យរបស់លោកវង្ស ថាណាន់ ថាឆ្លាតក្នុងការប្រើបច្ចេកទេសមិនធម្មតា ទាំងការប្រើទឹកដមសំឡេង ចេះដាក់មនោសញ្ចេតនាកម្សត់ស៊ីជម្រៅដែលធ្វើឲ្យបទចម្រៀងមួយនេះនៅពេលបកស្រាយធ្វើឲ្យអ្នកស្ដាប់ជក់ចិត្តខណៈទិចនិចក្នុងការច្រៀងរបស់លោកថាន់ណា បានទាក់ចិត្តគណៈកម្មការទាំង៤ជួយឲ្យលោកឆ្លងផុតវគ្គ Judge Audition ត្រៀមទៅវគ្គបន្តនៅសប្តាហ៍ក្រោយទៀត។

ការបង្ហាញខ្លួនរបស់លោកថាណាន់ យប់មិញនេះក្រៅពីទទួលបានការចាប់អារម្មណ៍ខ្លាំងលើទឹកដមសំឡេងគេក៏ចាប់អារម្មណ៍ពីជីវិតកំសត់របស់លោកផងដែរ ជាពិសេសនៅពេលដែលគេដឹងថាលោកគឺជាតារាចម្រៀងអាហ្វែមួយរូប ដែលរស់នៅមណ្ឌលកុមារកំព្រាតាំងពីតូចមិនទាន់ដឹងក្ដី ដោយសារតែឪពុកម្ដាយបែកបាក់គ្នា ហើយបោះបង់លោកដោយមិននឹកនា។ លោកត្រូវគេដឹងថាបានស្គាល់មុខម្ដាយតែប៉ុន្មានដងប៉ុណ្ណោះ ក៏ត្រូវម្ដាយស្លាប់ចោល ខណៈដែលឪពុករបស់លោកក៏មានគ្រួសារថ្មី ហើយហាក់បំភ្លេចចោលលោកជាយូរមកហើយ។ លោកជាតារាចម្រៀងដែលមានប្រវត្តិជីវិតកម្សត់ តែអ្វីដែលពិសេសគឺលោកមានទឹកដមសំលេងល្អ ទើបលោកបានបង្ហាញខ្លួនក្នុងកម្មវិធី Cambodian Idol រដូវកាលទី៣ ហើយទទួលបានជោគជ័យ សម្រាប់ជំហានដំបូងជាមួយនឹងការរំពឹងថាលោកនឹងអាចឆ្លងទៅកាន់វគ្គបន្តបន្ទាប់ទៀត៕

សូមទស្សនាវីដេអូឃ្លីបរបស់លោកវង្ស ថាណាន់ នៅក្នុងកម្មវិធីCambodian Idol ទើបបញ្ចប់យប់មិញ៖