ខុសពីកូនទី១ និងទី២ ដែលតារាចម្រៀងល្បីឈ្មោះរបស់ផលិតកម្មរស្មីហង្សមាសគ្រាន់តែបង្ហាញថា ស្រលាញ់ស្មើកែវភ្នែក តែចំពោះកូនស្រីទី៣នេះ សិរីមន្ដ បានយកមកឡង់សេហាងទឹកអប់របស់ខ្លួន ម៉ាក Or brand តែម្ដង នៅពេលដែលទារិកាទើបមានអាយុត្រឹម១ខែប៉ុណ្ណោះ។
ភរិយាខេមរៈ សិរីមន្ដ អ្នកនាងផល្លី ថ្លែងសារថា ពេលនេះ កូនពៅមន្ដ រាជនីយ មានអាយុបាន១ខែហើយ ហើយប្រពន្ធតារាចម្រៀងល្បីរូបនេះ បានភ្ជាប់ជាមួយនូវទឹកអប់របស់សិរីមន្ដ ដើម្បីឃោនា ភ្ជាប់ជាមួយកូនស្រីទី៣។
ខេមរៈ សិរីមន្ដ ដែលមិនអាចបឹទបាំងប្រពន្ធកូនបានតទៅទៀតនៅឆ្នាំ២០១៨នេះ ក្លាយជាតារាចម្រៀងមានកូន៣ គឺកូនប្រុសទី១ ឈ្មោះខេមរៈ មន្ដស្នេហ៍ អាយុជាង៥ឆ្នាំ, កូនទី២ ឈ្មោះខេមរៈ ស្រី្ដ អាយុជាង២ឆ្នាំ និងកូនទី៣ ឈ្មោះខេមរៈ មន្ដរាជនី អាយុ១ខែ។
តារាចម្រៀងផលិតកម្មរស្មីហង្សមាស ខេមរៈ សិរីមន្ដ អះអាងថា ការមានកូន៣នាក់នេះ រូបគេស្កប់ស្កល់ហើយដែលមានភរិយាជួយគ្រប់យ៉ាង តាំងពីចាប់ដៃគ្នាជិត១០ឆ្នាំនេះ។
ខេមរៈ សិរីមន្ដ គ្មានគម្រោងយកកូនថែមទៀតឡើយ ខណៈដែលមង្គលការតាមប្រពៃណីពិតប្រាកដ នៅមិនទាន់ប្រព្រឹត្តទៅបានឡើយ បើទោះជាសិរីមន្ដ ធ្លាប់អះអាងថា បានរៀបការតាំងពីឆ្នាំ២០០៩ក្ដី តែមហាជនមិនទាន់ជឿជាក់ឡើយ ព្រោះថា រូបថតអាពាហ៍ពិពាហ៍របស់តារាល្បីរូបនេះ មិនត្រូវបានបង្ហាញដូចព្រាប សុវត្ថិ និងអ្នកស្រីឡុង ស្រីមុំ ឡើយ៕
