ភ្នំពេញ៖ នៅម៉ោង៤ និង២០នាទីរសៀលថ្ងៃទី១២ ខែកញ្ញា ឆ្នាំ២០១៦នេះ មុននេះបន្ដិច សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានអញ្ជើញទៅគោរពវិញ្ញាណក្ខន្ធសពឯកឧត្ដម ទេសរដ្ឋមន្រ្ដី មិន ឃិន និងចូលរួមរំលែកមរណទុក្ខជាមួយក្រុមគ្រួសារសព នៅគេហដ្ឋានសពក្នុងក្បែរបឹងកងកង ក្នុងសង្កាត់បឹងកេងកង១ ខណ្ឌចំការមន ។
ការអញ្ជើញទៅគោរពសពឯកឧត្ដម ទេសរដ្ឋមន្រ្ដី មិន ឃិន នារសៀលនេះ ធ្វើឡើងបន្ទាប់ពីសម្ដេចតេជោ ទើបតែត្រឡប់មកពីចូលរួមការតាំងពិព័រណ៍ចិន-អាស៊ាន នៅខេត្តក្វាងស៊ី ប្រទេសចិន កាលពីព្រឹកមិញ មិនទាន់បានប៉ុន្មានម៉ោងផង ៕