យោងតាមរបាយការណ៍ស្រាវជ្រាវ CIES ដែលត្រូវបានសារព័ត៌មានអង់គ្លេស Daily Mail ដកស្រង់មកចុះផ្សាយនៅថ្ងៃទី០៩ ខែមិថុនា ឆ្នាំ២០២០ បានឱ្យដឹងថា កីឡាករខ្សែប្រយុទ្ធ Kylian Mbappe មានតម្លៃខ្លួនថ្លៃជាងគេបំផុតលើពិភពលោក សម្រាប់ទីផ្សារដោះដូរកីឡាករនាពេលបច្ចុប្បន្ននេះ។
របាយការណ៍ខាងលើ បានឱ្យដឹងទៀតថា Kylian Mbappe មានតម្លៃខ្លួនជិត៣០០លានដុល្លារ (តម្លៃប៉ាន់ស្មាន) នាំមុខតារាបាល់ទាត់ឆ្នើមៗរបស់អង់គ្លេសចំនួន៤នាក់។
ក្នុងរបាយការណ៍ CIES បានឱ្យដឹងថា Raheem Sterling ក្លឹប Man City ឈរចំណាត់ថ្នាក់លេខ២ ជា កីឡាករមានតម្លៃខ្លួនខ្ពស់ គឺជាង២១៩លានដុល្លារ ខណៈដែល Jadon Sancho ក្លឹប Dortmund ឈរលេខ៣ មានតម្លៃខ្លួនជាង២០០លានដុល្លារ។
ចំណែកឯខ្សែការពារ Trent Alexander Arnold របស់ក្លឹប Liverpool មានតម្លៃខ្លួន១៩៣លានដុល្លារ និង Marcus Rashford មានតម្លៃជាង១៧២លានដុល្លារ។
ក្រៅពីនេះ ខ្សែប្រយុទ្ធ Mohamed Salah ជាប់ចំណាត់ថ្នាក់លេខ៦ ដែលមានតម្លៃ១៦៣លានដុល្លា កីឡាករ Sadio Mane មានតម្លៃជាង១៥៧លានដុល្លារ ឈរចំណាត់ថ្នាក់លេខ៧ និងខ្សែប្រយុទ្ធ Harry kane ឈរចំណាត់ថ្នាក់លេខ១០ ដែមានតម្លៃខ្លួនជាង១៣៤លានដុល្លារ៕
ប្រភពពី ៖ Daily Mail
ប្រែសម្រួលដោយ ៖ ដេត