លោក Steven Gerrard អតីតកីឡាករក្លឹប Liverpool និងបច្ចុប្បន្នជាគ្រូបង្វឹកក្លឹប Rangers បានផ្តល់បទសម្ភាសន៍ប្រាប់អ្នកសារព័ត៌មានថា ប្រសិនបើ Liverpool លើកពាន English Premier League រដូវកាលនេះ ម្ចាស់ក្លឹបគួរតែសង់រូបសំណាកគ្រូបង្វឹកលោក Jurgen Klopp ។
ក្លឹប Liverpool កំពុងនាំមុខគេ២៥ពិន្ទុ ក្នុងតារាង ហើយត្រូវការជ័យជម្នះតែ២ប្រកួតប៉ុណ្ណោះ ដើម្បីលើកពានដែលគេរង់ចាំអស់រយៈពេលជិត៣០ឆ្នាំកន្លងមកហើយ។
លោក Steven Gerrard បានលើកឡើងថា អតីតគ្រូបង្វឹក Liverpool លោក Bill Shankly ដែលធ្លាប់ដឹកនាំក្នុងឆ្នាំ១៩៥៩-១៩៧៤ លោក Bob Paisley ធ្លាប់ដឹកនាំក្នុងឆ្នាំ១៩៧៤-១៩៨៣ ត្រូវបានក្លឹបធ្វើរូបសំណាកដាក់តាំងនៅជាប់ពហុកីឡដ្ឋាន Anfield ដូច្នេះលោក Jurgen Klopp ក៏ត្រូវតែមានរូប សំណាកបែបនេះដែរ។
Steven Gerrard បន្ថែមថា ការនាំយកពានរង្វាន់ English Premier League ឱ្យក្លឹប Liverpool ក្នុងរយៈពេលជិត៣០ឆ្នាំ គឺជាការបើកទំព័រប្រវត្តិសាស្ត្រថ្មីរបស់ក្លឹប៕
ប្រភព ៖ Daily Star
ប្រែសម្រួលដោយ ៖ ដេត