យោងតាមប្រភពព័ត៌មានពី Goal.com ចេញផ្សាយកាលពីថ្ងៃព្រហស្បតិ៍ ទី១៨ ខែមិថុនា ឆ្នាំ២០២០ បានឱ្យដឹងថា ក្លឹប Napoli ចង់បានកីឡាករខ្សែបម្រើ Marko Grujic របស់ក្លឹប Liverpool។
កីឡាករខ្សែបម្រើសញ្ជាតិស៊ែប៊ី ត្រូវបានក្លឹប Liverpool នាំយកមកកាន់ពហុកីឡដ្ឋាន Anfield សម្រាប់រដូវកាលនេះ ក្រោយពេលដែលជោគជ័យនៅជាមួយក្លឹប Hertha រយៈពេល២ឆ្នាំ ក្នុងលក្ខខណ្ឌខ្ចីជើង។
ក្លឹប Liverpool ចង់លក់កីឡាករវ័យ២២ឆ្នាំ ទៅឱ្យក្លឹប Napoli ក្នុងតម្លៃជាង២៥លានដុល្លារ។ ក្រៅពី Napoli កីឡាកររូបនេះ ត្រូវបានក្លឹប Lazio ចាប់អារម្មណ៍ចង់បានផងដែរ។
ចាប់តាំងពីមកលេងជាមួយ Liverpool ក្នុងឆ្នាំ២០១៦ ទើបតែបង្ហាញវត្តមានបាន១៤ប្រកួតប៉ុណ្ណោះ។ នៅជាមួយ Hertha រយៈពេល២ឆ្នាំ ស៊ុតបាន៩គ្រាប់ ក្នុងការបង្ហាញវត្តមាន៤៩ប្រកួត៕
ប្រភពពី ៖ Goal.com
ប្រែសម្រួលដោយ ៖ ដេត