ទីបំផុត លោកស្នងការនគរបាលខេត្តកំពង់ធំ អ៊ុក កុសល ដែលលេចឮរឿងមានទំនាក់ទំនងជាមួយកូនចៅស្តីខ្លួនឯងត្រូវបានសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី នៃក្រសួងមហាផ្ទៃ សម្រេចផ្អាកការងារបណ្តោះអាសន្នហើយ។
លោកឧត្តមសេនីយ៍ត្រី អ៉ិត គឹមស្រ៊ន ដែលមានតួនាទីជាស្នងការរង ត្រូវបានសម្តេច ស ខេង តម្លើងតួនាទីជាស្នងការស្តីទីនគរបាលខេត្តកំពង់ធំ។
លោកអ៊ុក កុសល ត្រូវមកបង្ហាញខ្លួននៅនាយកដ្ឋានបុគ្គលិក រៀងរាល់ម៉ោងធ្វើការដើម្បីរង់ចាំការសម្រេចជាថ្មី។
ការផ្អាកការងារបណ្តោះអាសន្ននោះពេលននេះ ដោយសារតែនៅពេលថ្មីៗនេះ នគរបាលស្រីៗជាកូនចៅដាក់ពាក្យបណ្ដឹងប្ដឹងទៅកាន់សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដី នៃក្រសួងមហាផ្ទៃ ពីបទបទបៀតបៀនកេរ្ដិ៍ខ្មាសយ៉ាងធ្ងន់ធ្ងរ។
តាមរយៈលិខិត2ទំព័រ ចុះថ្ងៃទី៣០ ខែកក្ដដា ឆ្នាំ២០២០ ដែលមានស្នាមមេដៃមន្ត្រីនគរបាលជានារីៗ បែកធ្លាយដល់អ្នកសារព័ត៌មាន បានរៀបរាប់ថា លោកឧត្ដមសេនីយ៍ទោ អ៊ុក កុសល បានប្រើអំណាចជាមេបៀតបៀនកេរ្តិ៍ ខ្មាសចំពោះពួកនាងដែលពួកនាងមិនអាចអត់ទ្រាំបាន៕