បន្ទាប់ពីអភិបាលខេត្តព្រះសីហនុ លោកគួច ចំរើន កំពុងស្រាវជ្រាវចាប់ខ្លួនជនដែលបានបំផ្លិចបំផ្លាញដើមឈើ ដែលដាំតាមដងផ្លូវនានា ក្នុងខេត្តព្រះសីហនុ រំលងមិនបានប៉ុន្មានថ្ងៃ ស្រាប់តែមានជនសង្ស័យមិនស្គាល់មុខផ្សេងទៀតបានលួចកាត់ខ្សែភ្លើង និងឲ្យអ្នកទិញខ្សែភ្លើពីចោរ រាយការណ៍មកកាន់សមត្ថកិច្ចឲ្យបានឆាប់ បើចង់រួចខ្លួន។
កាលពីថ្ងៃទី០៧ ខែកញ្ញា ឆ្នាំ២០២០ លោកគួច ចំរើន បានបង្ហោះសារថា “បើកប្រតិបត្តិការធំមួយ ដើម្បីបង្ក្រាបករណី ចោរលួចខ្សែភ្លើងបំភ្លឺសាធារណ:។
ខ្ញុំផ្ដល់ថវិកា ១០លានរៀល អោយសមត្ថកិច្ចដឹកនាំការបង្ក្រាបឲ្យខានតែបាន ។ បទល្មើសតូចតាច តែផ្ដន្ទាទោសដោយមិនលើកលែង។ អ្នកទិញខ្សែភ្លើងរបស់ចោរ បើចង់រួចខ្លួន សូមឆាប់រាយការណ៍ឲ្យបានឆាប់ បើលាក់លៀមទៀត ដល់ពេលសមត្ថកិច្ចស្រាវជ្រាវរកឃើញ គឺត្រូវមានទោសជាដាច់ខាត”។
យ៉ាងណា មកដល់ពេលនេះ គេមិនទាន់ឃើញអ្នកទិញខ្សែភ្លើងរាយការណ៍មកសត្ថកិច្ចនៅឡើយ ខណៈដែលកម្លាំងសមត្ថកិច្ចកំពុងស្រាវជ្រាវតាមចាប់ជនសង្ស័យមកផ្តន្ទាទោស៕
