ភ្នំពេញ ៖ អ្នកស្រី សួន សំអឿន ហៅយាយអឿន តារាកំប្លែងជើងចាស់ ពេលនេះកំពុងជួបទុក្ខធំ ដោយបានបាត់បង់ម្តាយជាទីគោរពស្រលាញ់បំផុត។
ឧបាសិកា មាស ហួន ដែលត្រូវជាម្តាយបង្កើតអ្នកស្រី សួន សំអឿន បានទទួលមរណភាពនៅថ្ងៃទី០៣ ខែវិច្ឆិកា ឆ្នាំ២០២០ ដោយជរាពាធ ក្នុងជន្មាយុ ៨៦ឆ្នាំ។ សពត្រូវបានតម្កល់ធ្វើបុណ្យនៅគេហដ្ឋានអ្នកស្រីសួន សំអឿន។
លោក អ៊ូ ប៉ុណ្ណារ៉ាត់ ហៅនាយក្រឹម និងប្រពន្ធក្មេង ស្រីលាភ រួមជាមួយតារាកំប្លែង និងសិល្បករ-សិល្បការិនីមួយចំនួន បានចូលរួមគោរពវិញ្ញាណក្ខន្ធសពឧបាសិកា មាស ហួន ម្តាយបង្កើត តារាកំប្លែង សួន សំអឿន ផងដែរ។
«នគរធំ» សូមចូលរួមរំលែកទុក្ខជាមួយអ្នកស្រី សួន សំអឿន និងសូមបួងសួងឲ្យវិញ្ញាណក្ខន្ធឧបាសិកាមាស ហួន បានទៅកាន់សុគតិភព៕