ព័ត៌មានទាន់ហេតុការណ៍បំផុត
សុីរី៖ កងកម្លាំងពិសេស របស់អ៊ីរ៉ាក់ បានចាប់ផ្តើម បើកប្រតិបត្តិការ កាលពីថ្ងៃសៅរ៍ ក្នុងការដណ្តើម យកតំបន់ Tal Afar ពីក្រុមសកម្មប្រយុទ្ធរដ្ឋអ៊ីស្លាម ដែលនេះ គឺជាការប្រឈម មុខថ្មីមួយក្នុងសមរភូមិ ដែលអូសបន្លាយ ពេលជិតពីរ សប្តាហ៍ដើម្បី ដណ្តើមក្រុងមូស៊ុល ដែលត្រួតត្រា ដោយក្រុមជីហាត នេះត្រឡប់មកវិញ។
កងកម្លាំងមក ពីក្រុម Hashed al-Shaabi ដែលជា អង្គការឆ័ត្រយោង ពិសេសមួយគ្រប់ គ្រងដោយកង ជីវពលស៊ីអ៊ីត ដែលគាំទ្រដោយអ៊ីរ៉ង់ បានស្ថិតនៅក្នុង តំណែងជាភាគី ដ៏ធំមួយគិត ចាប់តាំងពី មានការបើក ប្រតិបត្តិការវាយ យកក្រុងមូស៊ុលពីរដ្ឋអ៊ីស្លាម មកកាន់កាប់វិញ។
ចំណែកនៅ តំបន់ភាគខាងលិច កៀកនឹងក្រុង មូស៊ុល លើផ្លូវមួយក្នុងតំបន់ Tal Afar ដែលត្រឹមតែ ជាកន្លែងមួយកង កម្លាំងជើងគោកបានវាយលុក រុលចូល ក្រុងពីផ្នែកខាងជើង ខាងកើតនិងខាងត្បូង នៅមិនទាន់ ត្រូវបានដាក់ ពង្រាយកម្លាំងនេះ នៅឡើយទេ ។
អ្នកនាំពាក្យក្រុម Hashed លោក Ahmed al-Assadi បានថ្លែង ប្រាប់សារព័ត៌មាន AFP ថាទិសដៅ ប្រតិបត្តិការនេះ នឹងកាត់ ផ្តាច់ការផ្គត់ផ្គង់រវាងក្រុងមូស៊ូលនិងក្រុង Raqa ក៏ដូច ការពង្រឹង ការឡោម ព័ទ្ធក្រុម សកម្មប្រ យុទ្ធរដ្ឋអ៊ីស្លាម ក្នុងក្រុងនេះ និងការរំដោះយកតំបន់ Tal Afar ជាដើម ពោលគឺសំដៅតំបន់ សំខាន់ៗដែល ស្ថិតក្រោម ការត្រួតត្រារបស់ ក្រុមអាយស៊ីសក្នុងប្រទេសអ៊ីរ៉ាក់ និងស៊ីរី។
លោក Assadi បានថ្លែង ថាប្រតិបត្តិការនេះ ត្រូវបានចាប់ផ្តើម ឡើងពីតំបន់ Sin al-Dhaban ភាគខាងត្បូង ក្រុងមូស៊ុល និងមានទិសដៅដណ្តើមយកក្រុង Hatra និង Tal Abta ក៏ដូចជាក្រុង Tal Afar មកវិញផងដែរ។
តាមរបាយការណ៍ពី អង្គការសហ ប្រជាជាតិបង្ហាញ ថាក្រុមអាយ ស៊ីសបាន ចាប់យកជន ស៊ីវិលជាច្រើននាក់ ចូលក្នុងក្រុងមូស៊ុលដោយបង្ខំ និងបានសម្លាប់អ្នក ទាំងនោះក៏ដូច ជាអ្នកដែល បានតទល់ឬជា សមាជិកកាលពីមុន របស់កងកម្លង សន្តិសុខអ៊ីរ៉ាក់។ ដោយឡែក ការិយាល័យសិទ្ធិបាន ឲ្យដឹងថាមាន មនុស្ស២៣២នាក់ ត្រូវបានបាញ់ សម្លាប់ក្នុងអំឡុង ពេលមួយថ្ងៃកាល ពីថ្ងៃពុធហើយ២៤នាក់ ត្រូវបានសម្លាប់កាល ពីថ្ងៃមុននេះ។