ភ្នំពេញ៖អតីតតារាសម្ដែងទសវត្សន៍៨០និង៩០អ្នកនាងកែវ កល្យាណ បានប្រាប់”នគរធំ”តាមទូរស័ព្ទកាលពីរសៀលថ្ងៃទី១៧ខែកញ្ញា ថានាងសូមគាំទ្រ១០០%ចំពោះការលើកឡើងក៍ដូចជាវិភាគរបស់ម្ចាស់ផេកឈ្មោះDaaa &Naaaដែលនិយាយរឿងកូនស្រីសំណព្វចិត្តរបស់គាត់ឈ្មោះកែវ ឡាវីញ និងតារាសម្ដែងយ៉ា សុផាន់ម៉ៃ(ខាត់ យ៉ាឡាង) ជុំវិញរឿងមានFanមួយចំនួនជម្រុញនិងបង្ខំឲ្យពួកគេគូតែស្រលាញ់គ្នាមែនទែន ឬរៀបការជាមួយគ្នាតែម្ដងទៅដើម្បីឲ្យដូចសាច់រឿងដែលពួកគេបានសម្ដែងជាស្រីស្រលាញ់ភេទដូចគ្នាក្នុងរឿង”រសជាតិអ្នកមាន”។
អ្នកនាងកែវ កល្យាណ ថាពាក្យពេជន៍គ្រប់ម៉ាត់ទាំងអស់ដែលឈ្មោះDaaa&Naaaលើកឡើងនោះគឺដូច១០០%និងអ្វីដែលនាង ចង់និយាយហើយគ្មានខុសត្រង់កន្លែងណាមួយពាក្យឡើយ ហេតុនេះហើយអ្នកនាងសូមគាំទ្រអស់ពីចិត្ តចំពោះម្ចាស់ ផេក ខាងលើដើម្បីរកយុត្តិធ័មឲ្យកូនស្រីរបស់ខ្លួនឈ្មោះកែវ ឡាវីញ ក៍ដូចជាយ៉ា សុផាន់ម៉ៃ ព្រោះការសម្ដែងភាពយន្ដ និងជីវិត ឯក ជនរបស់គេមិនដូចគ្នានោះទេ ហេតុនេះហើយសូមFanតារាទាំងសងខាងឈប់ជម្រុញឲ្យពួកគេស្រលាញ់គ្នាមែនទែន ឬរៀប ការ ជាមួយគ្នានោះទៀតទៅ។
គូរបញ្ជាក់ថាក្រោយមានរឿងចម្រូងចម្រាសដោយសារតែFanរបស់កែវ ឡាវីញ និងយ៉ា សុផាន់ម៉ៃ ខ្វែងគំនិតគ្នាព្រោះតែមានFanមួយចំនួនបានរិះគន់ឡាវីញ ថាខ្លួនមានសង្សារហើយលាក់សង្សារបែជាទៅសម្ដែងរឿងស្រលាញ់ភេទដូចគ្នាជាមួយយ៉ា សុផាន់ម៉ៃ នោះស្រាប់តែក្នុងចំណោមនោះព្យាយាមជម្រុញឲ្យឡាវីញ និងសុម៉ាន់ម៉ៃ គូតែស្រលាញ់គ្នាមែនដូចក្នុងរឿងឬរៀបការជាមួយគ្នាតែម្ដងទៅទើបពួកគេគាំទ្រ។ដោយសារតែឃើញទាស់ភ្នែកពេកទើបម្ចាស់ផេកឈ្មោះDaaa&Naaaបានបញ្ចេញប្រតិកម្មជុំវិញរឿងរ៉ាវទាំងនេះដោយឲ្យយោបល់ទៅFanទាំងនោះថាមិនអាចបង្ខំគេឲ្យធ្វើនៅក្រៅឆាកដូចក្នុងរឿងភាពយន្ដបាននោះទេ។ស្រី្ដដែលបានLiveវែកញែករឿងនេះថែមទាំងថាអ្នកនិយាយបែបនោះគឺដូចជាកំពុងតែជាន់ពន្លិចតារាទាំង២ឲ្យលិចទៅវិញ ហើយដាក់សម្ពាធទៅគេជ្រុលហួសហេតុពេកហើយ។អ្នកស្រីរូបនោះថាបើរឿងទាំងនោះធ្លាក់មកលើក្រុមគ្រួសារខ្លួនឯងវិញតើអ្នកឈឺចាប់យ៉ាងណាទៅ?អន់ចិត្តទេ?ខឹងអត់?ព្រោះរឿងនេះមិនអាចទៅរួចទេ!ហើយម៉េចបានជាចង់បំផ្លាញគេអីចឹង?អ្នកស្រីថាមានការអាណិតកែវ ឡាវីញ ដែលខំសម្ដែងរឿងនោះឲ្យគេមើលហើយចុងក្រោយបែជាងសម្ពាធត្រូវគេបង្ខំឲ្យធ្វើបែបនោះនៅក្រៅឆាកទៀតគឺវាអយុត្តិធ័មហួស…។
អ្នកនាងកែ កល្យាណ ថាអ្នកស្រីពេញចិត្តខ្លាំងណាស់ចំពោះស្ដ្រីខាងលើដែលបានវែកញែកលម្អិតលើរឿងកូនស្រីឡាវីញ និងតារាសម្ដែងសុផាន់ម៉ៃ ។អ្នកនាងកែវ កល្យាណ បញ្ជាក់ថាឡាវីញ កាន់តែរងថ្មបាក់ថែមទៀតរឿងត្រូវគេជម្រុញឲ្យស្រលាញ់គ្នាជាមួយសុផាន់ម៉ៃ មែនទែននោះក្រោយពីអ្នកសម្ដែងរូបនេះមកចូលរួមខួបកំណើតឡាវីញកាលពីថ្ងៃទី១៤ខែកញ្ញាឆ្នាំ២០២១។យ៉ាងណាអ្នកនាងកល្យាណ ប្រាប់ថាកូនស្រីបណ្ដូលចិត្តរបស់នាងមិនមែនជាស្រីស្រលាញ់ស្រីនោះទេ ព្រោះពេលនេះគេមានសង្សារហើយជាបុរសពេញលក្ខណៈដែលក្រុមគ្រួសារខាងប្រុសធ្លាប់ចូលស្ដីដណ្ដឹងឡាវីញ ២លើកមកហើយតែនាងមិនទាន់លើកឲ្យព្រោះគ្នានៅក្មេងទុកមើលទៅមុខទៀតសិន ព្រោះថ្ងៃអនគាគតគ្មានអ្នកណាដឹងថាមានរឿងអ្វីកើតឡើងទេ។អតីតតារាសម្ដែងល្បីល្បាញរូបនេះថាដោយសារតែជួបរឿងចម្រូងសម្រាសបែបនេះទើបអ្នកនាងបាក់ទឹកចិត្តលែងចង់ឲ្យកូនស្រីថតភាពយន្ដទៀតព្រោះខ្លាចតែមានរឿងអីចឹងកើតឡើង។អ្នកនាងបន្ថែមថាពីដំបូងកែវ ឡាវីញ មិនចង់ចូលសិល្បៈទេ តែអ្នកនាងជម្រុញព្រោះចង់លើកស្ទួយភាពយន្ដខ្មែរតែដល់ពេលកូនស្រីជួបរឿងអីចឹងអ្នកនាងមិនចង់ឲ្យកូនប្រឡូកសិល្បៈពេញទំហ៊ឹងឬចាប់ជាអាជីពនោះទេគឺចង់ឲ្យគេប្រើប្រាស់ជំនាញដែលរៀនចប់មហាវិទ្យាល័យខាងផ្នែកDesign នោះវិញ៕
