ភ្នំពេញ៖ សួស វីសា ដែលចុងក្រោយនេះរវល់ច្រើនតែ លើការលក់តាមOnlineនោះ ស្រាប់តែ បានបណ្ដើរប្ដីនាងលោកប៊ុនថុល ប៊ុនថង ហៅថមមី ទៅទិញគ្រឿងអលង្ការមាស ពេជ្រ ពាក់ស្រោចខ្លួនរហូតអស់លុយជាង១០ម៉ឺនដុល្លារឯណ្ណោះ។ទាំងអ្នកសិល្បៈរួមអាជីពនិងមហាជនពិតជាមានការចាប់អារម្មណ៍នៅពេលដែលឃើញវីសា លេងគ្រឿងមាសពេជ្រម្ដងចំណាយដល់ទៅអស់ជាង១សេនដុល្លារនៅរដូវកូវីដនេះ ដែលនេះមិនត្រឹមតែបញ្ជាក់ថានាងគ្មានវិបត្តិសេដ្ឋកិច្ចនោះទេនោះទេ ប៉ុន្ដែថែមទាំងសល់លុយជាច្រើនម៉ឺនដុល្លារនៅពេលដែលគ្រប់គ្នាធ្លាក់ចំណូលនេះទើបនាងស្ពាយលុយសុទ្ធតែក្រដាស១០០ដុល្លារទៅទិញមាស និងពេជ្រពាក់ទាំងប្ដីប្រពន្ធតែម្ដង។
សួស វីសា មិនក្វល់អ្នកណានិយាយពីនាងរឿងលេងគ្រឿងអលង្ការម្ដងស្មើទិញផ្ទះវីឡារបាន១នោះឡើយដោយនាងវាចារកាល ពីថ្ងៃទី១៥កញ្ញាថា”ចង់អ្នកណាថាអីថាចុះ តែវាជាញើសឈាម មានតែពាក្យថាមានសេចក្ដីសុខណាស់ ពេលបានរបស់ដែលខ្លួនស្រលាញ់”។ដោយឡែកទាក់ទងការវិលមករកឆាកតន្រ្ដីវិញពេលណានោះគេមិនទាន់ឃើញវីសា បានត្រៀមខ្លួនចេញច្រៀងសម្ដែងសារជាថ្មីឡើយ តែមុននេះនាងថ្ងូរនឹកក្រុមការងារនិងមិត្តរួមអាជីព។
សួស វីសា បានផ្អាកច្រៀងសម្ដែងជាង៥ខែក្រោយពីនាងបានកើតកូវីដីវកាលពីដើមខែមីនាឆ្នាំ២០២១ ហើយបានជាសះស្បើយឡើងវិញនៅចុងខែដដែល តែនាងពន្យាពេលចេញច្រៀងរាំជិតកន្លះឆ្នាំ ខណៈអំឡុងពេលដែលនាងពពោះសម្រាលកូនដំបូងនោះបានសុំច្បាប់ថៅកែហង្សមាសផ្អាកច្រៀងរាំដល់ទៅ១ឆ្នាំឯណ្ណោះ ហេតុនេះហើយសរុបនៃការបាត់មុខទាំង២លើកធ្វើឲ្យវីសា ខានឡើងឆាក១ឆ្នាំកន្លះទើបធ្វើឲ្យអាជីពចម្រៀងរបស់នាងប្រឈមស្ងប់ស្ងាត់កាន់តែខ្លាំង។ប៉ុន្ដែនៅពេលដែលវីសា គូមុខមាត់ប្លែកៗជាមួយប្ដីនាងដែលមានពេលខ្លះតែងខ្លួនជាស្រីលក់Onlineតែមួយប្រាវសោះនាងមានលុយបើកក្រុមហ៊ុន ព្រមទាំងស្ពាយលុយទៅទិញពេជ្រ ម្ដងផ្អើលមេឃ។
សួស វីសា បានដឹកដៃលោកប៊ុនថុល ប៊ុនថង រៀបការថ្ងៃទី២៩ខែវិច្ឆិការឆ្នាំ២០១៩ និងសម្រាលកូនស្រីថ្ងៃទី៩ខែតុលាឆ្នាំ២០២០ដោយដាក់ឈ្មោះថាថង សាម៉ូលីណា ហៅJenny ។ ក្រោយវីសា ក្លាយទៅជាប្រពន្ធលោកថមមី ជិត២ឆ្នាំនេះគ្រួសារតារ១គូនេះមានជីវភាពធូធារខ្លាំងរស់នៅផ្ទះវីឡាយ៉ាងប្រណិតនិងជិះរថយន្ដទំនើបៗដូចជាLexus Lx570 Kuro220,Lexus Nx200t និងMazda ជាដើមហើយពេលនេះពួកគេងាកមកលេងគ្រឿងមាសពេជ្រស្រោចខ្លួនទៀតទើបធ្វើឲ្យទស្សនិកជនកាន់តែស្ញប់ស្ញែងជីវិតដ៍ហ៊ឺហារបស់វីសា និងថមមី ជាខ្លាំង៕