ភ្នំពេញ៖តារាសម្ដែងភាពយន្ដល្បីឈ្មោះកញ្ញាសួង សាខារ៉ានីត ដែលបានប្រទះឃើញរូបវីដេអូនៅលើផេកមួយគេបង្ហោះរូបភាពអ្នកលក់ឡេនាងតេង ស៊ីណាត ហៅអាជី បញ្ចេញកាយវិការស្រើបស្រាលដាក់គូដណ្ដឹងនាងដោយយកគូថទយដាក់គូស្នេហ៍នាងលោកអៀង អេងឡាយ ព្រមទាំងនិយាយទៅគូស្នេហ៍ថា”ង៉ែងមានទុល(ប្រដាប់ភេទ)ឬអត់? ង៉ែងបើមិនទុល(ខឹង)ទេ មិនបាច់ហៅមីជីទេ…។
ដោយឡែកលោកអេងឡាយ តបទៅគូដណ្ដឹងលោកថា”ប្រុសមិនមែនខ្ទើយទេណា…”។ដោយឃើញរូបភាពស្រើប ស្រាល ទាំងនោះបញ្ចេញជាសាធារណៈទើបកញ្ញាសួង សាខារ៉ានីត បានសរសេរដោយបញ្ចេញ យោបល់នៅលើហ្វេសបុក នាង នៅល្ងាចថ្ងៃទី១៨ខែកញ្ញាឆ្នាំ២០២១នេះថា”បើនៅប្រទេសគេ ដូចជាប្រទេសថៃកាលខ្ញុំឃើញដូច ជាមានច្បាប់កោះហៅជន ណាដែលធ្វើអ្វីហួសហេតុទៅអប់រំឬពិន័យ ហើយក៍អាចឈានទៅដល់ឃុំខ្លួនបាន ចុះ ប្រទេសយើងវិញ ម៉េចបណ្ដោយ ម្លេះចាំអង្កាល់ទៀត?”។
គូរបញ្ជាក់ថាថ្មីៗនេះនាងតេង ស៊ីណាត ហៅអាជី បានរងការរិះគន់ស្ពឹកមុខព្រោះតែនាងផ្ដល់បទសម្ភាសន៍ឲ្យអ្នកសាពត័មានOnlineម្នាក់ដោយអះអាងថានាងថតឲ្យសម្អាងការមួយស៊ីថ្លៃ៣០០០០ដុល្លារក្នុងកុងត្រារយៈពេលតែ១ខែ។អាជី ក៍បានអួតថារូបនាងភ្ញាក់ពីដេកមានអារម្មណ៍ថាស្អាតទាំងមិនទាន់ងូតទឹក ហើយក្នុងចំណោមស្រី១០នាក់នាងស្អាតដាច់គេ៩នាក់ទៀតផង ដែលធ្វើឲ្យផ្ទុះការខមិនវាយប្រហារស្រោចមកលើខ្លួននាងនិងហៅថា”កំពូលអួត”ទៀតផង។ចំពោះការបញ្ចេញយោបល់របស់កញ្ញាសួង សាខារ៉ានីត លើរូបភាពអាជី និងគូដណ្ដឹងដែលជាសកម្មភាពបែបដាស់អារម្មណ៍ផ្លូវភេទនេះមានមតិជាច្រើនប្រាកដជាមានការយល់ឃើញដូចស្រីស្អាតសាខារ៉ានីត ដែរជាមិនខានដោយសារវីដេអូនោះមិនសមបង្ហាញជាសនៅលើបណ្ដាញសង្គមចំហបែបនោះទេ ព្រោះវាអាចធ្វើឲ្យលេចចេញជារូបភាពស្រើបស្រាលអារម្មណ៍ភេទ ពិសេសជះឥទ្ធិពលអាក្រក់ដល់ក្មេងៗ។ប៉ុន្ដែជុំវិញរឿងកញ្ញាសួង សាខារ៉ានីត សួរថាតើនៅប្រទេសយើងម៉េចបានបណ្ដោយម្លេះចាំអង្កាល់ទៀត?ឬមានការអនុវត្តន៍ដូចនៅប្រទេសគេឬអត់តាមរយៈការកោះហៅម្ចាស់រូបភាពខាងលើមកអប់រំឬពិន័យយ៉ាងណានោះនៅមិនទាន់ឃើញមានមន្រ្ដីពាក់ព័ន្ធប្រតិកម្មចំពោះរឿងនេះឡើយគិតត្រឹមល្ងាចថ្ងៃទី១៨ខែកញ្ញាឆ្នាំ២០២១ នេះ៕