ភ្នំពេញ៖មាស សុខសោភា ឈជើងនៅរាម ជាង៧ខែមកហើយដែលតំណាក់កាលដំបូងនាងកុងត្រាជាមួយផលិតកម្មថ្មីនេះក្នុងរយៈពេលតែ១ឆ្នាំទេ តែគេជឿរថារាម នឹងបន្លាយចំនួនកុងត្រាថ្មីដើម្បីចងជើងសោភា ឲ្យបន្ដនៅរកស៊ីលក់ផលិតផលជាមួយថៅកែស្រីជាបន្ដទៀតជាមិនខាន។ការទៅដល់រាម នេះសុខសោភា មានដៃគូចម្រៀងប្រុសតែម្នាក់គត់នោះគឺលោកដួង វីរៈសិទ្ធ អតីតតារាហង្សមាសហើយច្បាស់ណាស់ថាដោយសារតែសោភា ល្បីល្បាញដល់កំពូលជាច្រើនឆ្នាំមកហើយទើបគេសន្និដ្ឋានថាអតីតតារាថោន រូបនេះនឹងយោងលោកវីរៈសិទ្ធ ឲ្យស្ទុះទៅមុខតាមរយៈការក្លាយទៅជាដៃគូនិងគ្នានេះ។ប៉ុន្ដែសំណួរថាសុខសោភា នឹងធ្វើឲ្យវីរៈសិទ្ធ ឡើងដល់កំពូលបានឬយ៉ាងណានោះអ្នកជំនាញសិល្បៈមិនហ៊ានអះអាងច្បាស់ៗថាអាចទៅរួចនោះទេព្រោះអាស្រ័យទៅលើការផលិតបទចម្រៀងរបស់រាម។
លោកនូ ស៊ឹប អតីតតារាហង្សមាសប្រាប់ថាសុខសោភា និងវីរៈសិទ្ធ អាចធ្វើជាដៃគូចម្រៀងជាមួយគ្នាបានទោះជាអាយុខុសគ្នាក្ដី ព្រោះវីរៈសិទ្ធ ក៍ជាតារាមានប្រជាប្រិយភាពម្នាក់ដែរនាពេលបច្ចុប្បន្ន។ចំណែកគ្រូភ្លេង(Composer)ម្នាក់នៅហង្សមាសបានយល់ឃើញថាវីរៈសិទ្ធ នឹងឡើងទៅមុខមួយកម្រិតទៀតក្រោយក្លាយទៅជាដៃគូរបស់សុខសោភា ព្រោះសោភា ជាតារាលំដាប់Grade A តែលោកមិនហ៊ានថាវីរៈសិទ្ធ អាចឈានទៅដល់លំដាប់តារាជូរមុខឬយ៉ាងណានោះទេ ព្រោះថាអាស្រ័យទៅលើធនធាននិងការផលិតបទចម្រៀងរបស់រាម។
មជ្ឈដ្ឋានមហាជនបានមើលឃើញថាមាស សុខសោភា ទៅរាម ដោយមើលរំលងហង្សមាសនិងGalaxyនោះដោយសារតែនាងផ្ដោតទៅលើការរកស៊ីលក់ផលិតផលច្រើនជាងការចង់ល្បីល្បាញផ្នែកចម្រៀងហើយនៅពេលដែលកូវីដ នៅតែបន្ដអូសបន្លាយធ្វើឲ្យConcertsនៅតាមខេត្តត្រូវបានបិត២ឆ្នាំនោះសោភា ដែលក្លាយទៅជាថៅកែស្រីម្ចាស់ហាងមួយនោះមិនសម្រុកក្នុងការផលិតបទចម្រៀងវាយបុកទីផ្សារខ្លាំងក្លានោះទេ ព្រោះនាងជាប់ដៃលក់ផលិតផលទើបធ្វើឲ្យអាជីពចម្រៀងនាងនៅទ្រឹង។មិនត្រឹមតែមិនទាន់អាចធ្វើព្យុះភ្លៀងនៅរាម បាននោះទេ ប៉ុន្ដែផលិតកម្មផ្ទាល់ខ្លួនរបស់នាងCamtraxនោះក៍នៅស្ងៀមស្ងាត់ផងដែរបើទោះជាសា្វមីនាងលោកអ៊ឹត រ៉ាដា និងបងប្រុសនាងលោកមាស សុខរនតៈ នៅនៅកាន់ផលិតកម្មមួយនេះដើម្បីជួយទប់លំនឹងសោភា ក្ដីតែពេលនេះសោភា នៅតែមិនទាន់មានអ្វីដែលថ្មីនិងលេចធ្លោខ្លាំងដូចមុនឡើយ។ទោះជាយ៉ាងណាទស្សនិកជនរងចាំមើលថាក្រោយសុខសោភា ក្លាយទៅជាដៃគូចម្រៀងជាមួយវីរៈសិទ្ធ នោះនាងជោគជ័យដូចកាលចាប់ដៃជាមួយលោកខេម នៅថោនដែរឬយ៉ាងណា?
