ភ្នំពេញ៖អតីតតារាចម្រៀងEV Band លោកសែម សង្វាត បានទទួលមរណភាពកាលពីយប់ថ្ងៃទី៣០កញ្ញា ឈានចូលថ្ងៃទី០១តុលា បន្ទាប់ពីលោកបានសម្លប់និងដឹកចូលសង្រ្គោះបន្ទាន់បន្ទប់ICU នៅពេទ្យលោកសង្ឃហើយកូនៗរបស់លោកអំពាវនាវឲ្យសប្បុរសជនជួយជួយថវិការព្យាបាលឪពុកដែលមានសិល្បករនិងមហាជនបានឧបត្ថម្ភជាបន្ដបន្ទាប់នោះ។ប៉ុន្ដែក្រុមគ្រូពេទ្យនៅតែមិនអាចសង្រ្គោះជីវិតលោកបានទេហើយតាមកូនប្រុសរបស់លោកឈ្មោះសង្វាត បញ្ញា បានជូនដណឹងថាឪពុករបស់លោកបានទទួលមរណភាពនៅយប់ថ្ងៃទី៣០កញ្ញាឈានចូលថ្ងៃទី០១តុលា វេលាម៉ោង១២,១០នាទីដោយជំងឺប្រចាំកាយ។
អ្នកសិល្បកររួមអាជីពនិងមហាជនជាច្រើនបានសម្ដែងការសោកស្ដាយចំពោះការលាចាកលោករបស់អតីតតារាចម្រៀងEV Band រូបនេះដែលធ្វើឲ្យលោកបន្សល់កូនប្រុស៣នាក់កំព្រាឪពុក បន្ទាប់ពីលោកបានចែកផ្លូវគ្នាជាមួយអតីតប្រពន្ធកាលពីឆ្នាំ២០១៥។
គូរំលឹកថាលោកសែម សង្វាត ធ្លាប់ជាជាតារាចម្រៀងរបស់ក្រុមEV Band ដែលមានសមាជិកដូចជាអ្នកនាងឱក សុគន្ធកញ្ញា ,យក់ ថិតរដ្ឋា,លោកឃុំ បណ្ណាដែត និងបូរ វិចិត្រ ។ក្រោយបាត់មុខពីសិល្បៈជាច្រើនឆ្នាំលោកសង្វាត បានទៅរកស៊ីលក់កាបូបនៅជាយដែនថៃ ហើយក្រោយមកលោកក៍បានមករស់នៅក្រុងតាខ្មៅ រាជធានីភ្នំពេញនិងប្រកបរបរកស៊ីលក់ផ្លែឈើ។ប៉ុន្ដែលោកមានជំងឺជាប្រចាំកាយជាច្រើនឆ្នាំមកហើយរហូតទទួលមរភាពនៅពេលនេះដែលសពតំកល់និងរៀបចំធ្វើបុណ្យតាមប្រពៃណីនៅវត្តទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ៕
