មុនពេលយុទ្ធនាការប្រកួតជម្រុះ World Cup នៅថ្ងៃអាទិត្យនេះ ក្រុម បិសាចក្រហមបែលហ្ស៊ិកបានកោះហៅកីឡាករខ្សែបម្រើFellaini មកជួយក្រុមរបស់ខ្លួន តែក្រោយពីពិនិត្យសុខភាពនិងវាយតម្លៃរួចរាល់ គ្រូបង្វឹកសម្រេចដកបេក្ខភាពកីឡាកររូបនេះវិញហើយអនុញ្ញាតឲ្យវិលត្រឡប់ទៅកាន់ក្លឹបMan Utd វិញដោយសារបញ្ហារបួសកំភួនជើង។
កីឡាករ Fellaini បានទទួលរងរបួស ក្នុងអំឡុងពេលប្រកួតឈ្នះ ក្រុមSwansea ៣-១ កាលពីថ្ងៃអាទិត្យកន្លងទៅនេះ។
ក្រុមជម្រើសជាតិបែលហ្ស៊ិកត្រូវត្រៀមខ្លួនហ្វឹកហាត់ទទួលភ្ញៀវ អេស្តូនីនៅថ្ងៃអាទិត្យទី ១៣ ខែវិច្ឆកា ២០១៦។ទោះជាយ៉ាងណាក្តី របួសកីឡាកររូបនេះអាចជាសះស្បើយទាន់ពេលប្រកួតប្រឺមីញេលីកជាមួយក្រុមកាំភ្លើងធំArsenal នៅថ្ងៃទី ១៩ វិច្ឆកា ខាងមុខនេះ។
យោងតាមលោក Roberto Martinez បានឲ្យដឹងថា ក្រៅពីកីឡាករ Fellaini ក្រុមបែលហ្ស៊ិក ក៏បាត់បង់កម្លាំងខ្សែប្រយុទ្ធសំខាន់មួយរូបទៀតគឺកីឡាករ De Bruyne ផងដែរ។
ដោយ៖ ហេង ដេត