ភ្នំពេញ៖ទេព បូព្រឹក្ស ហៅស្រីនិច្ច ត្រូវបានកូនចៅរបស់នាងទម្លាយនៅលើបណ្ដាញសង្គមថាបទ”វីរៈនារី”មានការចំណាយដល់ទៅ៦០០លានរៀល ឬស្មើនិង១៥ម៉ឺនដុល្លារ ព្រោះ១បទនេះមានការសម្រិតសម្រាំងខ្លាំងណាស់ ហើយសាមីខ្លួនផ្ទាល់ហ៊ានលក់ឡាន និងគ្រឿងអលង្ការមួយចំនួនដើម្បីធ្វើបទមួយនេះឲ្យចេញជារូបរាងទៀតផង។យ៉ាងណាចម្រៀងមួយបទនេះមិនទាន់ចេញជាFull Mv នោះទេគឺមានតែTrailer ទើបគេមិនទាន់អាចវាយតម្លៃបានថាគុណភាពសាកសមជាមួយការចំណាយលុយឬអត់។ប៉ុន្ដែFanអតីតតារាហង្សមាសរូបនេះសម្ដែងការគាំទ្រស្រីនិច្ច ដែលហ៊ានចាយលុយផលិតចម្រៀងឡើងដើម្បីលើកស្ទួយពីវប្បធ័មជាតិតាមរយៈការរំលេចនូវប្រាងប្រាសាទរបស់ខ្មែរជាច្រើនដើម្បីឲ្យពិភពលោកកាន់តែស្គាល់ច្បាស់។
សូមបញ្ជាក់ថាក្រោយតារាចម្រៀងលំដាប់ពិភពលោករបស់ថៃនាងLisa ជាសមាជិករបស់ក្រុមBlackpink ចេញបទ”Lalisa” ដែលក្នុងMvមានបង្កប់រូបក្លោងទ្វារស្រដៀងប្រាសាទខ្មែរព្រះវិហារនាំឲ្យមានការជជែកគ្នាពីសំណាក់មហាជនថាតារាស្រុកគេចេះជួយលើកវប្បធ័មរបស់គេទៅលើឆាកអន្ដរជាតិតែតារាខ្មែរវិញគិតតែពីអួតលុយ ឡាន និងវីឡារ ហើយឈ្លោះតែគ្នាលើបណ្ដាញសង្គមនោះគេឃើញតារាល្បីៗបានងាកមកផលិតMv ដែលរំលេចទៅដោយប្រាសាទ,ក្បាច់គុណល្បុកតោ និងនាថការីរបាំល្បីៗរបស់ខ្មែរក្នុងនោះមានដូចជាពេជ្រ សោភា ចេញបទ”ទ្វារបេះដូង”,ឱក សុគន្ធកញ្ញា ផលិតបទ”រស់ជាខ្លួនឯង” ខណៈដែលពេលនេះទេព បូព្រឹក្ស ត្រៀមចេញបទ”វីរៈនារី”ដែលបទទាំងនោះពួកគេសុទ្ធតែបង្ហាញពីអត្តសញ្ញាណជាតិរៀងៗខ្លួនទើបធ្វើឲ្យទស្សនិកជនដែលគាំទ្រតារាខាងលើផ្ដល់កំលាំងចិត្តឲ្យIdol របស់ពួកគេកាន់តែខ្លាំង។ចំពោះទេព បូព្រឹក្ស វិញតាំងពីចេញពីហង្សមាសមកមុននេះនាងគ្មានសកម្មភាពសិល្បៈណាមួយលេចធ្លោនោះទេក្រៅពីញាំអាហារប្លែកៗ ហេតុនេះហើយមជ្ឈដ្ឋានមហាជនរងចាំមើលថាមួយបទនេះពិតជាធ្វើឲ្យបូព្រឹក្ស មានឈ្មោះបោះសម្លេងសារជាថ្មីឡើងវិញឬយ៉ាងណាព្រោះថាបច្ចុប្បន្នតារាចម្រៀងផ្នែកយុវវ័យដែលកំពុងនាំមុខគេគឺនាងតន់ ច័ន្ទសីម៉ា របស់Galaxy។
គូរំលឹកថាក្រៅពីបទ”វីរៈនារី”ដែលត្រូវបានគេទម្លាយថាចាយលុយអស់១៥ម៉ឺនដុល្លារនោះកន្លងមកGalaxy ធ្លាប់អះអាងថាបានចំណាយលុយដល់ទៅ១០ម៉ឺនដុល្លារផលិតបទ”ជូនដំណើរអូនឡើងផ្លូវHighway”ច្រៀងដោយលោកខេម ខណៈបទ”Are You Ok?”របស់តន់ ច័ន្ទសីម៉ា ចំណាយអស់៥ម៉ឺនដុល្លារក្នុងការផលិត។ប៉ុន្ដែភ្លាមៗនោះមានការរិះគន់ទាំងអ្នកនៅក្នុងចង្កោមអ្នកសិល្បៈនិងមហាជនថាGalaxyអួតជ្រុលហើយពួកគេបានឲ្យយោបល់ថ្នាក់ដឹកនាំផលិតកម្មនេះថាបើចាយលុយដល់ម្លឹងទៅហើយគូរតែធ្វើអ្វីដែលបង្ហាញពីវប្បធ័មអរិយធ័មខ្មែរផងទៅ កុំចាយទៅលើបទបែកស្លុយច្រើនពេក…៕
