យោងតាមទីភ្នាក់ងារព័ត៌មានជប៉ុនក្យូដូ ដោយដកស្រង់ប្រភពរដ្ឋាភិបាលដែលមិនបញ្ចេញឈ្មោះ ចេញផ្សាយកាលពីថ្ងៃសុក្រទី ២៤ធ្នូ ២០២១ បានអោយដឹងថា កងកម្លាំងប្រដាប់អាវុធជប៉ុន និងសហរដ្ឋអាមេរិក បានរៀបចំផែនការព្រាងមួយសម្រាប់ប្រតិបត្តិការរួមគ្នា សង្គ្រោះបន្ទាន់កោះតៃវ៉ាន់ចំពេលមានភាពតានតឹងកើនឡើងរវាងទីក្រុងតៃប៉ិនិងប៉េកាំង។ប្រទេសចិនតែងតែទាមទារយកត្រឡប់មកវិញនូវទឹកដីដែលគ្រប់គ្រងតាមបែបប្រជាធិបតេយ្យជាមួយនឹងការបង្កើនសម្ពាធផ្នែកយោធានិងការទូតដែលធ្វើអោយមានការព្រួយបារម្ភយ៉ាងខ្លាំងពីទីក្រុងវ៉ាស៊ីនតោន។សារព័ត៌មានក្យូដូបានអោយដឹងទៀតថា គម្រោងផែនការនេះគឺ កងម៉ារីនអាមេរិកនឹងបង្កើតមូលដ្ឋានបណ្តោះអាសន្ននៅលើខ្សែសង្វាក់កោះ Nansei លាតសន្ធឹងពីកោះ Kyushu ដែលជាកោះមួយក្នុងចំណោមកោះសំខាន់ៗទាំងបួនរបស់ប្រទេសជប៉ុនទៅកាន់កោះតៃវ៉ាន់នៅដំណាក់កាលដំបូងនៃគ្រាអាសន្នរបស់តៃវ៉ាន់ ហើយនឹងដាក់ពង្រាយកងទ័ព។ .កងកម្លាំងប្រដាប់អាវុធជប៉ុននឹងផ្តល់ការគាំទ្រផ្នែកភស្តុភារ នៅក្នុងតំបន់ដូចជា គ្រាប់រំសេវ និងការផ្គត់ផ្គង់ប្រេងឥន្ធនៈ។
ទីភ្នាក់ងារសារព័ត៌មានបាននិយាយថា ប្រទេសជប៉ុន អតីតអ្នកគ្រប់គ្រងអាណានិគមតៃវ៉ាន់និងសហរដ្ឋអាមេរិកទំនងជានឹងឈានដល់កិច្ចព្រមព្រៀងមួយដើម្បីចាប់ផ្តើមបង្កើតផែនការផ្លូវការមួយនៅឯកិច្ចប្រជុំ “2+2” នៃរដ្ឋមន្ត្រីការបរទេស និងការពារជាតិនៅដើមឆ្នាំក្រោយ។ទោះជាយ៉ាងណាក្តីគេមិនអាចសុំការអត្ថាធិប្បាយបានភ្លាមៗទេ មន្ត្រីក្រសួងការពារជាតិជប៉ុន ។កាលពីខែតុលារដ្ឋាភិបាលជប៉ុនបានបង្ហាញពីជំហរអះអាងបន្ថែមទៀតលើឥរិយាបថឈ្លានពានរបស់ចិនឆ្ពោះទៅកាន់កោះតៃវ៉ាន់ដែលគ្រប់គ្រងដោយខ្លួនឯងដោយស្នើថាខ្លួននឹងពិចារណាជម្រើស និងរៀបចំសម្រាប់ សេណារីយ៉ូផ្សេងៗសម្រាប់ជួយកោះតៃវ៉ាន់។
កាលពីដើមខែនេះ អតីតនាយករដ្ឋមន្ត្រីជប៉ុន លោក ហ្ស៊ីនស៊ូ អាបេបាននិយាយថា ជប៉ុន និងសហរដ្ឋអាមេរិក មិនអាចឈរអោបដៃមើលបានទេប្រសិនបើចិនវាយប្រហារតៃវ៉ាន់។អ្នកនាំពាក្យមន្ទីរបញ្ចកោណបាននិយាយថា ប្រធានាធិបតីអាមេរិក លោក ចូ បៃឌិន និងសមភាគីជប៉ុនបាននិយាយនៅក្នុងសេចក្តីថ្លែងការណ៍រួមកាលពីខែមីនាថាប្រទេសទាំងពីរបានចែករំលែកការប្តេជ្ញាចិត្តចំពោះសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់។មន្ទីរបញ្ចកោណបានបន្ថែមថា យើងប្តេជ្ញាពង្រឹងភាពធន់ និងអន្តរប្រតិបត្តិការរវាងកងកម្លាំងអាមេរិក និងជប៉ុន និងការធ្វើឱ្យស៊ីជម្រៅកិច្ចសហប្រតិបត្តិការក្នុងអំឡុងសន្តិភាពនិងស្ថានការណ៍ក្នុងតំបន់ផ្សេងៗ៕
