យោងតាមសេចក្តីថ្លែងការណ៍រួមរបស់ក្លឹបMan City និង Barcelona ចេញផ្សាយកាលពីថ្ងៃពុធទី ២៩ ធ្នូ ២០២១ បានអោយដឹងថា ខ្សែប្រយុទ្ធសញ្ជាតិអេស្ប៉ាញ Ferran Torres បានយល់ព្រមចាកចេញពីក្លឹប Man City ទៅលេងអោយក្លឹបអ្នកមានបុណ្យ Barcelonaជាអចិន្ត្រៃយ៍។ព័ត៌មានលម្អិតទាក់ទងទៅនឹងតម្លៃខ្លួនកីឡាកររូបនេះមិនត្រូវបានគេបង្ហើបអោយដឹងជាផ្ឡូវការទេប៉ុន្តែប្រព័ន្ធផ្សព្វផ្សាយរបស់អង់គ្លេស និងអេស្ប៉ាញបានរាយការណ៍ថាក្លឹប Barcelona បានចំណាយលុយប្រហែលជាង៦២លានដុល្លារអាមេរិកសម្រាប់កីឡាកររូបនេះជាមួយនឹងទឹកប្រាក់បន្ថែមជាង១០លានដុល្លារទៀត។
ក្លឹបBarcelona បាននិយាយថាកីឡករខ្សែប្រយុទ្ធ Torres បានចុះកុងត្រារហូតដល់ខែមិថុនា ឆ្នាំ 2027 ដែលធ្វើអោយកីឡាករសញ្ជាតិអេស្ប៉ាញរូបនេះនឹងតម្លៃខ្លួនសរុបជាង១ពាន់លានដុល្លារ(Release Cluase)។ Release Cluaseគឺជាតម្លៃកំណត់ដែលក្លឹបទិញបង់ទៅឱ្យក្លឹបដែលលក់កីឡាករដើម្បីតម្រូវឱ្យពួកគេចុះកិច្ចសន្យា ។ តម្លៃត្រូវបានកំណត់ខណៈពេលដែលកិច្ចសន្យាត្រូវបានចុះហត្ថលេខាដែលអាចត្រូវបានកែសម្រួលនៅពេលក្រោយតាមការយល់ព្រមពីក្លឹប និងកីឡាករ។Torres បានចូលរួមជាមួយ Man City ពី Valencia កាលពីខែសីហាឆ្នាំមុនក្នុងកិច្ចសន្យារយៈពេល 5 ឆ្នាំ និងបានបង្ហាញខ្លួន43លើកសម្រាប់ក្រុមកំពូលតារាងអង់គ្លេសក្នុងការប្រកួតទាំងអស់ដោយស៊ុតបញ្ចូលទីបាន 16 គ្រាប់។សម្រាប់រដូវកាលនេះគាត់បានចាប់ផ្តើមការប្រកួតបើកឆាកបានចំនួន6លើកប៉ុន្តែត្រូវបានទម្លាក់ទៅលេងជាកីឡាករបម្រុងសម្រាប់ការស្មើដោយគ្មានគ្រាប់បាល់ជាមួយក្រុម Southampton ក្នុងខែកញ្ញា។កីឡាកររូបនេះបានរងរបួសជើងក្នុងកាតព្វកិច្ចអន្តរជាតិជាមួយក្រុមជម្រើសជាតិអេស្ប៉ាញកាលពីខែតុលា។
គ្រូពេទ្យ ក្លឹប Barcelona បានបញ្ជាក់ថា Torres បានជាសះស្បើយពីការបាក់ឆ្អឹងជើងស្តាំរបស់គាត់ប៉ុន្តែមិនបានផ្តល់ពេលវេលាជាក់លាក់ថាពេលណាគាត់អាចបង្ហាញខ្លួនជាលើកដំបូងនោះទេ។Barcelonaត្រូវបានបង្ខំចិត្តអនុញ្ញាតឱ្យកីឡាករស៊ុតបញ្ចូលទីនាំមុខគេគ្រប់ពេលLionel Messi ចាកចេញពីក្លឹបនៅឆ្នាំនេះ ដោយសារតែ ឧបសគ្គផ្នែកហិរញ្ញវត្ថុ និងរចនាសម្ព័ន្ធដឹកនាំព្រមទាំងមានបំណុលច្រើនជាង 1.35 ពាន់លានដុល្លារផង។បន្ថែមពីនេះទៀតតំបន់ប្រយុទ្ធរបស់ Barcelona ត្រូវបានចុះខ្សោយជាមួយនឹងការចូលនិវត្តន៍របស់ខ្សែប្រយុទ្ធអាហ្សង់ទីន Sergio Aguero ក្នុងវ័យ33 ឆ្នាំក្នុងខែនេះដោយសារតែជំងឺបេះដូង។Torres បាននិយាយនៅក្នុងវីដេអូមួយថា ជំរាបសួរ អ្នក ទាំងអស់គ្នាខ្ញុំរីករាយណាស់ដែលបានប្រកាសថាថ្ងៃនេះខ្ញុំនឹងចូលរួមជាមួយក្លឹបBarcelona ។ ជួបគ្នាឆាប់ៗនេះ។
Barcelona ឈរនៅលេខរៀងទី 7 ក្នុងតារាងព្រីមេរ៉ាលីហ្គា បន្ទាប់ពីការចាប់ផ្តើមយុទ្ធនាការមិនល្អដែលបណ្តាលឱ្យមានការបណ្តេញគ្រូបង្វឹក Ronald Koeman ចេញពីតំណែងមុនពេលកោះហៅអតីតប្រធានក្រុម Xavi Hernandez ចូលមកស្នងតំណែងBarcelona ត្រលប់មកប្រកួតវិញបន្ទាប់ពីសម្រាករដូវរងានៅថ្ងៃទី 2 ខែមករា៕
