លោកវេជ្ជបណ្ឌិត Tedros Adhanom Ghebreyesu ប្រធានអង្គការសុខភាពពិភពលោក (WHO) បាននិយាយថាខ្ញុំមានសុទិដ្ឋិនិយមថាជំងឺឆ្លងរាតត្បាតកូវីដ-១៩ នឹងត្រូវបានកម្ចាត់ត្រឹមឆ្នាំ2022 ជាមួយនឹងការផ្តល់អនុសាសន៍ឱ្យប្រទេសនានាធ្វើការរួមគ្នាដើម្បីទប់ស្កាត់ការរីករាលដាលរបស់វា។នេះបើយោងតាមការចេញផ្សាយរបស់សារព័ត៌មានប៊ីប៊ីស៊ីកាលពីថ្ងៃសៅរ៍ទី ១មករា ២០២១។
WHO បានកំណត់គោលដៅថ្មីសម្រាប់ឆ្នាំ 2022 ដោយធ្វើយ៉ាងណាចាក់វ៉ាក់សាំងអោយបាន ៧០ភាគរយ ត្រឹមខែកក្កដាត្រឹមខែកក្កដានៃចំនួនប្រជាជននៅគ្រប់ប្រទេសទាំងអស់លើពិភពលោកដើម្បីបញ្ចប់ជំងឺរាតត្បាត។នៅក្នុងសុន្ទរកថាឆ្នាំថ្មីវេជ្ជបណ្ឌិត Tedros Adhanom Ghebreyesu បានព្រមានប្រឆាំងនឹង ជាតិនិយមហួសហេតុ និងការស្តុកទុកវ៉ាក់សាំង។ការបញ្ចេញសំឡេងជាវិជ្ជមាននៅក្នុងសុន្ទរកថារបស់លោក Tedros Adhanom ដោយផ្អែកទៅលើវ៉ាក់សាំងនិងថ្នាំគ្រាប់ជាច្រើនប្រភេទដែលអាច
ព្យាបាលកូវីដ-១៩បាន ប៉ុន្តែលោកបានព្រមានថា វិសមភាពក្នុងការចែកចាយថ្នាំបង្ការកំពុងបង្កើនហានិភ័យនៃការវិវត្តន៍មេរោគឆ្លង។លោកបានបន្ថែមថា ប្រសិនបើយើងបញ្ចប់ភាពមិនស្មើភាពគ្នា ក្នុងការទទួលបានវ៉ាក់សាំង យើងនឹងបញ្ចប់ជំងឺរាតត្បាតបាន។ខណៈពេលដែលចំនួនប្រជាជនភាគច្រើននៅអឺរ៉ុប និងអាមេរិកបានទទួលយ៉ាងហោចណាស់មួយដូស គោលដៅរបស់អង្គការសុខភាពពិភពលោកនៃអត្រាការចាក់វ៉ាក់សាំងពេញលេញក្នុង 40% នៃគ្រប់ប្រទេសទាំងអស់នៅចុងឆ្នាំ 2021ត្រូវបានខកខានក្នុងប្រទេសជាច្រើននៅទូទាំងទ្វីបអាហ្រ្វិក ៕
