ក្លឹបមាន់ខ្នាយមាសTottenham កំពុងរងការវាយប្រហារដោយជំងឺឆ្លងកូវីដ-១៩ ថ្មីបន្ថែមទៀតមុនការប្រកួតពានរង្វាន់អង់គ្លេស League Cup វគ្គពាក់កណ្តាលផ្តាច់ព្រ័ត្រជើងទី១នៅក្នុងទឹកដីក្រុមChelsea នារាត្រីនៅថ្ងៃពុធនេះ។ក្លឹបTottenham ផ្ទុះជំងឺឆ្លង កូវីដ-១៩ ម្តងរួចមកហើយកាលពីខែធ្នូដែលធ្វើអោយប៉ះពាល់ដល់កីឡាករចំនួន ៩នាក់កាលពីខែធ្នូហើយ បានបានលុបចោល ការប្រកួត ចំនួន 3។ បន្ថែមពីនេះនេះទៀតកាលពីថ្ងៃអង្គារ គ្រូបង្វឹកលោក Antonio Conte បាននិយាយថាឥឡូវនេះមានករណី វិជ្ជមានពីរផ្សេងទៀតនៅក្នុងជំរុំហ្វឹកហាត់។ក្លឹបកំពុងរង់ចាំលទ្ធផលនៃការធ្វើតេស្ត PCR ខណៈពេលដែលលោកConteក៏សង្ឃឹម ថាមិនមានការធ្វើតេស្តវិជ្ជមានថ្មីបន្ថែមទៀតនៅថ្ងៃអង្គារមុនការធ្វើដំណើររបស់ពួកគេទៅកាន់ក្រុមជើងឯកអឺរ៉ុប។
លោកConteបាននិយាយនៅឯសារព័ត៌មានមុនការប្រកួតរបស់គាត់ថា៖’’យើងកំពុងពិនិត្យមើលស្ថានភាពពីរបីអំពី កូវីដ-១៩។លោកបានបន្តថាយើងកំពុងរស់នៅជាមួយស្ថានភាពនេះ មិនត្រឹមតែ Tottenham ប៉ុណ្ណោះទេ ប៉ុន្តែក្លឹបទាំងអស់ផងដែរ។ យើងត្រូវតែត្រៀមខ្លួនជានិច្ចដើម្បីស្វែងរកដំណោះស្រាយ ដ៏ល្អបំផុតសម្រាប់ក្រុម។ វាមិនងាយស្រួលទេ ប៉ុន្តែមិនមែន សម្រាប់តែខ្ញុំទេ ប៉ុន្តែអ្នកគ្រប់គ្រងទាំងអស់នៅទីនេះ»។
ការប្រកួតនៅក្នុងក្របខណ្ឌអង់គ្លេសប្រឺមីញេលីកសរុបចំនួន 18 ត្រូវបានពន្យារពេលក្នុងរយៈពេលមួយខែកន្លងមកនេះ ដោយសារតែការផ្ទុះឡើងនៅទូទាំងក្រុមមួយចំនួន៕
