កងកម្លាំងសន្តិសុខកាហ្សាក់ស្ថានបាននិយាយថា ពួកគេបានសម្លាប់អ្នកបះបោរប្រឆាំងរដ្ឋាភិបាលជាច្រើននាក់នៅក្នុងប្រតិ បត្តិការមួយដើម្បីស្ដារសណ្តាប់ធ្នាប់នៅក្នុងទីក្រុងសំខាន់Almaty។នេះបើយោងតាមការចេញផ្សាយរបស់បណ្តាញសារព័ត៌ មានប៊ីប៊ីស៊ីកាលពីថ្ងៃព្រហស្បតិ៍ទី ៦ មករា ២០២២។អ្នកនាំពាក្យប៉ូលិសម្នាក់បាននិយាយថាពួកគេបានរើចេញ បន្ទាប់ពី ក្រុម អ្នកតវ៉ាបានព្យាយាមចូលកាន់កាប់ប៉ុស្តិ៍ប៉ូលិសក្នុងទីក្រុងសមាជិកនៃកងកម្លាំងសន្តិសុខចំនួនប្រាំបីនាក់ត្រូវបានសម្លាប់មុននេះនៅក្នុងភាពចលាចលដែលត្រូវបានបង្កឡើងដោយក្រុមតវ៉ាប្រឆាំងទៅនឹងតម្លៃប្រេងឥន្ធនៈកើនឡើងទ្វេដងនៃថ្លៃឧស្ម័នប្រេងរាវ (LPG) ។
ប្រព័ន្ធផ្សព្វផ្សាយក្នុងស្រុកបានរាយការណ៍ថា មន្ត្រីប៉ូលិស ៨ នាក់ និងបុគ្គលិកការពារជាតិត្រូវបានសម្លាប់និងជាង ៣០០ នាក់ បានរងរបួស។ គេមិនដឹងថាជនស៊ីវិលត្រូវបានសម្លាប់ ឬរងរបួសដល់កម្រិតណាទេ។ក្រសួងមហាផ្ទៃរបស់ប្រទេសនេះបាននិ យាយថា មនុស្សជាង២០០នាក់ត្រូវបានចាប់ខ្លួន។ការតវ៉ាបានចាប់ផ្តើមកាលពីថ្ងៃអាទិត្យនៅពេលដែល រដ្ឋាភិបាលបានដំឡើង តម្លៃឧស្ម័ន LPG ដែលមនុស្សជាច្រើនប្រើដើម្បីចាក់សាំងរថយន្តរបស់ពួកគេ ប៉ុន្តែភាពចលាចលបានរីករាលដាលចាប់តាំងពី ពេលនោះមក រួមទាំងបញ្ហានយោបាយផងដែរ។
ដោយសារតែស្ថានភាពកាន់តែធ្ងន់ធ្ងរ ប្រធានាធិបតីកាហ្សាក់ស្ថាន បានស្នើសុំរុស្ស៊ីបញ្ជូនទ័ពមករក្សាសន្តិសុខ។ ប្រធានអង្គ ការសន្ធិសញ្ញាសន្តិសុខសមូហភាព (CSTO) លោក Nikol Pashinyan បានប្រកាសថាកងកម្លាំង រក្សាសន្តិភាពនឹងត្រូវដាក់ពង្រា យសម្រាប់រយៈពេល មានកំណត់ដើម្បីរក្សាស្ថិរភាពស្ថានភាពនៅក្នុងប្រទេសកាហ្សាក់ស្ថាន។សម្ព័ន្ធភាពមិនទាន់បានប្រកាសអំពីវិសាលភាព និងព័ត៌មានលម្អិតនៃការដាក់ពង្រាយនេះទេ ប៉ុន្តែលោក Pashinyan បាននិយា យថា កងទ័ពនឹងស្នាក់នៅក្នុងប្រទេសកាហ្សាក់ស្ថាន ក្នុងរយៈពេលកំណត់មួយ ដើម្បីរក្សាស្ថិរភាព និងធ្វើឱ្យស្ថានការណ៍មាន លក្ខណៈធម្មតា។
CSTO គឺជាសន្ធិសញ្ញាសន្តិសុខរវាងអតីតរដ្ឋសូវៀតចំនួនប្រាំមួយគឺ អាមេនី បេឡារុស កាហ្សាក់ស្ថាន កៀហ្ស៊ីស៊ីស្ថាន រុស្ស៊ី និងតាជីគីស្ថាន ដែលវាដំណើរការតាមបន្ទាត់ស្រដៀងគ្នានឹងប្លុកណាតូដែលដឹកនាំដោយអាមេរិក។ពួកគេនឹងត្រូវដាក់ពង្រាយដើម្បីជួយ “ស្ថិរភាព” ប្រទេសដែលជាសមាជិកនៃអង្គការសន្ធិសញ្ញាសន្តិសុខសមូហភាព (CSTO) រួមជាមួយប្រទេសរុស្ស៊ីបេឡារុស្សតាជីគីស្ថានកៀហ្ស៊ីស៊ីស្ថាននិងអាមេនី៕