លោក Antonio Conte គ្រូបង្វឹកTottenham ដែល ជាក្លឹបបាល់ទាត់ដ៏អភ័ព្វ មិនធ្លាប់លើកពានអ្វីមួយសោះតាំងពីឆ្នាំ ២០០៨ គិតមកទល់ពេលនេះមានរយៈពេល១៤ឆ្នាំ បានយល់ពីការខកចិត្តរបស់ខ្សែប្រយុទ្ធ Harry Kane ចំពោះកង្វះពានរង្វាន់ ប៉ុន្តែនិយាយថា ខ្សែប្រយុទ្ធគឺជាគន្លឹះក្នុងការកសាងវេទិកាសម្រាប់ភាពជោគជ័យនៅក្នុងក្រុម។Kaneត្រូវបានផ្សារភ្ជាប់ជាមួយនឹងការផ្ទេរទៅលេងអោយម្ចាស់ជើងឯកប្រឺមីញេលីកMan City កាលពីរដូវក្តៅមុន ប៉ុន្តែលោក Conte បាននិយាយថាគាត់ពេញចិត្តទាំងស្រុង ជាមួយនឹងការប្តេជ្ញាចិត្តរបស់កីឡាករវ័យ 28 ឆ្នាំចំពោះក្រុម។
គ្រូបង្វឹកសញ្ជាតិអ៊ីតាលីបាននិយាយថា វាគឺជាជម្រើសដ៏ល្អមួយរបស់ម្ចាស់ក្លឹបលោក Daniel Levy ដើម្បីរក្សាKaneអោយបន្តស្នាក់នៅទីនេះ។ក្លឹបTottenhamឈ្នះពានរង្វាន់ចុងក្រោយក្នុងឆ្នាំ 2008 នៅពេលពួកគេលើកពាន រង្វាន់អង់គ្លេស League Cup ។
លោកConte បានបញ្ជាក់ថា ខ្ញុំបានដឹងពីស្ថានភាពកាលពីរដូវកាលដោះដូររដូវក្តៅ ហើយនៅពេលដែល Harry សម្រេចចិត្តស្នាក់នៅជាមួយ Tottenham។ប្រសិនបើយើងចង់គិត ចង់កសាងអ្វីមួយដើម្បីឈ្នះពាននៅទីនេះ ខ្សែប្រយុទ្ធ Harry គឺជាចំណុចចាប់ផ្តើម។លោកបានបន្ថែមទៀតថា ខ្ញុំគិតថានៅពេលដែល Tottenham នាំខ្ញុំមកទីនេះ ពួកគេចង់បញ្ជូនសញ្ញាទៅខាងក្រៅ ហើយប្រហែលជាដល់កីឡាកររបស់យើងផងដែរ។យើងត្រូវព្យាយាមកសាងស្ថានភាពទាំងអស់គ្នាហើយព្យាយាមបង្កើតស្ថានភាពដែលយើងអាចឈ្នះពានបាន។
Conte ដែលបានដឹកនាំ Chelsea ឱ្យឈ្នះពានលីគក្នុងឆ្នាំ 2016-17 បានត្រលប់ទៅពហុកីឡដ្ឋាន Stamford Bridge កាលពីថ្ងៃពុធជាមួយនិងលទ្ធផលដ៍ខកចិត្តដោយត្រូវក្រុមតោវៀវChelsea លត់២ទល់០ តែក្រុម Tottenham ក្នុងប្រកួត League Cup វគ្គពាក់កណ្តាលផ្តាច់ព្រ័ត្រជើងទី1។តែSpur បានឡើងទៅវគ្គបន្ដFa Cup ក្រោយទម្លាក់ក្រុមMorecamble ក្នុងលទ្ធផល៣ ទល់១ កាលពីរាត្រីថ្ងៃអាទិត្យទី៩ខែមករា ដោយក្នុងនោះកីឡាករHary Kane លេងជាកីឡាករបម្រុងរកបាន១គ្រាប់នៅនាទី៨៨ ផងដែរ៕