ក្លឹប Barcelona បាននិយាយកាលពីថ្ងៃអាទិត្យថាខ្សែការពារ Eric Garcia នឹងអវត្តមានយ៉ាងហោចណាស់រយៈពេល5សប្តាហ៍ដោយសាររបួសសរសៃពួរក្នុងអំឡុងពេលប្រកួតក្នុងលីកស្មើ 1-1 ជាមួយក្លឹប Granada កាលពីថ្ងៃសៅរ៍។ នេះបើយោងតាមទីភ្នាក់ងារសារព័ត៌មានរ៉យទ័រចេញផ្សាយកាលពីថ្ងៃចន្ទទី១០ មករា ២០២២ ។
កីឡាករវ័យ21ឆ្នាំដែលបានចុះហត្ថលេខាជាមួយក្លឹប Barcelona ពីក្លឹបម្ចាស់ជើងឯកប្រឺមីញេលីក Man City មានបញ្ហានៅដើមតង់ទីពីរ ហើយត្រូវបានដាក់ជំនួសដោយកីឡាករ Clement Lenglet ។នៅក្នុងសេចក្តីថ្លែងការណ៍មួយរបស់ក្លឹបBarcelona បានបញ្ជាក់ថា Garcia ទំនងជាអវត្តមានប្រហែល 5 សប្តាហ៍ ។
នេះគឺជាបន្ទុកថ្មីមួយទៀតសម្រាប់ក្លឹប Barcelona បន្ទាប់ពីខ្សែការពារ Ronald Araujo ត្រូវការការវះកាត់របួសដៃរ ហើយខ្សែបម្រើ Frenkie de Jong បានរងរបួសកំភួនជើង។Barca ដែលឈរនៅលេខរៀងទីប្រាំមួយក្នុងលីគដោយមាន 32ពិន្ទុពីការប្រកួតចំនួន 20 នឹងធ្វើដំណើរទៅកាន់ទីក្រុង Riyadh សម្រាប់ការប្រកួតវគ្គពាក់កណ្តាលផ្តាច់ព្រ័ត្រពានរង្វាន់អេស្ប៉ាញខាប់ប៉ះជាមួយនឹងក្រុម Real Madrid នៅថ្ងៃពុធ៕
